Trending now

ឧបការីរដ្ឋមន្រ្តីការបរទេសអាមេរិកសង្កត់ធ្ងន់ទៅលើភាពចាំបាច់នៃការគោរពច្បាប់អន្តរជាតិនៅសមុទ្រខាងកើត

15:53 | 02/11/2019 (ដោយ ស្រីព្រេជ)

យុគមស័យ - ថ្លែងនៅក្នុងវេទិកាដែលរៀបចំដោយវិទ្យាស្ថានស្រាវជ្រាវយុទ្ធសាស្ត្រនិងអន្តរជាតិម៉ាឡេស៊ី ដែលបានរៀបចំឡើងនាថ្ងៃទី ៣១ ខែតុលានោះ ឧបការីរដ្ឋមន្រ្តីការបរទេសប្រចាំតំបន់អាស៊ីបូព៌ានិងប៉ាស៊ីហ្វិក លោក David Stilwell បានបញ្ជាក់ថា ទស្សនៈមុនក៏ដូចជាក្រោយរបស់អាមេរិកចំពោះសមុទ្រខាងកើតគឺធានាឱ្យបាននូវសេរីភាពនៃការធ្វើនាវាចរណ៍ អាកាសចរណ៍និងសិទ្ធិតាមសមុទ្រដែលត្រូវបានអនុវត្តស្របតាមច្បាប់អន្តរជាតិ។

ឧបការីរដ្ឋមន្ត្រីការបរទេសសហរដ្ឋអាមេរិកប្រចាំតំបន់អាស៊ីបូព៌ានិងប៉ាស៊ីហ្វិក លោក David Stilwell (កណ្ដាល) (រូបថតៈ AFP/TTXVN)

លោក Stilwell ក៏បានសង្កត់ធ្ងន់ទៅលើការគោរពច្បាប់អន្តរជាតិ សេរីភាពនាវាចរណ៍ អាកាសចរណ៍ក៏ដូចជា សិទ្ធិដែលត្រូវបានកំណត់ដោយច្បាប់អន្តរជាតិ ការគ្រប់គ្រងសន្តិភាពនិងការដោះស្រាយជំលោះដោយឈរលើមូលដ្ឋានច្បាប់អន្តរ ជាតិ ដែលទាំងអស់នេះគឺជាប្រការសំខាន់បំផុតចំពោះសន្តិសុខសកល។

ពាក់ព័ន្ធទៅលើស្ថានភាពបច្ចុប្បន្ននៅសមុទ្រខាងកើតនិងតួនាទីរបស់បណ្តាប្រទេសអាស៊ាននោះ លោក Stilwell បានមានប្រសាសន៍ថា ការខិតខំប្រឹងប្រែងរបស់វៀតណាមក្នុងការប្រឆាំងនឹងសកម្មភាពរបស់ចិនដែលបង្កឱ្យមានអស្ថិរភាពនៅសមុទ្រខាងកើត គឺបាននាំមកនូវលទ្ធផលជាវិជ្ជមានច្រើនដែរ។ លោកក៏បានផ្តល់អនុសាសន៍ថា បណ្តាប្រទេសអាស៊ានត្រូវរួមកម្លាំងកាយចិត្ត ដើម្បីរាំងស្កាត់រាល់សកម្មភាពដែលបង្កអស្ថិរភាពនិងប៉ះពាល់ដល់សន្តិសុខក្នុងតំបន់។

លោក Stilwell បានមានប្រសាសន៍ថា អាស៊ាននិងចិនចាំបាច់ត្រូវស្វែងរកសម្លេងរួមមួយក្នុងការកសាងក្រមប្រតិបត្តិសម្រាប់ភាគីនានានៅសមុទ្រខាងកើត (COC) ហើយចាំបាច់ត្រូវមានភាពប្រាកដនិយមក៏ដូចជាគោរពតាមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNLOCS ១៩៨២) ផងដែរ។

ទាក់ទងនឹងយុទ្ធសាស្ត្រឥណ្ឌូ - ប៉ាស៊ីហ្វិកសេរីនិងបើកចំហ មន្ត្រីការទូតរូបនេះបានបញ្ជាក់ថា នេះគឺជា “ការប្តេជ្ញាចិត្តយូរអង្វែង” របស់ទីក្រុងវ៉ាស៊ីនតោន ក្នុងការគាំទ្រតំបន់នេះ តាមរយៈកិច្ចសហប្រតិបត្តិការសេដ្ឋកិច្ច ពាណិជ្ជកម្មនិងការតភ្ជាប់ប្រជាជនជាមួយប្រជាជន ជាពិសេសគឺធានាសន្តិសុខតែម្តង៕

(ដោយ ស្រីព្រេជ)

(ដោយ ស្រីព្រេជ)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់