យុគសម័យ - ចាប់តាំងពីដើមឆ្នាំ ២០២០ រហូតមកដល់បច្ចុប្បន្ននេះ ខណៈពេលដែលមនុស្សជាតិកំពុងតស៊ូនឹងសត្រូវដែលមានគ្រោះថ្នាក់ខ្លាំង (ត្រូវបានគេស្គាល់តាមឈ្មោះផ្សេងៗគ្នាដូចជាកូរ៉ូណាវីរុស កូវិដ១៩ ... ) ប្រទេសចិននៅតែអនុវត្តសកម្មភាពជាច្រើន ដែលធ្វើឲ្យស្ថានភាពនៅសមុទ្រខាងកើតកាន់តែតានតឹងដោយមានការអភិវឌ្ឍស្មុគស្មាញ។
រូបថតមួយសន្លឹកដែលថតក្នុងឆ្នាំ ២០១៤ បង្ហាញពីនាវាចិនដែលកំពុងធ្វើសកម្មភាពសំណង់ខុសច្បាប់នៅតំបន់ថ្ម Chu Thap (Fiery Cross Reef) ចំណុះប្រជុំកោះ Truong Sa របស់វៀតណាម។ (ប្រភព៖ CSIS/AMTI)
ភាពមិនសមហេតុផលនិងខុសច្បាប់អន្តរជាតិ
ប្រទេសចិនកំពុងកៀងគរនាវានេសាទនិងនាវាស៊ីវិលដើម្បីឡោមព័ទ្ធនិងគំរាមកំហែងនៅជុំវិញកោះ Thi Tu (Thitu Island) ក្នុងប្រជុំកោះ Truong Sa (Sparty Island) នៃប្រទេសវៀតណាមដែលបច្ចុប្បន្នកាន់កាប់ដោយហ្វីលីពីន។
ការប្រកាសអំប្រតិបត្តិការនៃស្ថានីយ៍ស្រាវជ្រាវវិទ្យាសាស្ត្រចំនួនពីរនៅលើថ្ម Subi (Subi Reef) និង តំបន់ថ្ម Chu Thap (Fiery Cross Reef) ចំណុះប្រជុំកោះ Truong Sa។
រៀបចំសមយុទ្ធប្រឆាំងនាវាមុជទឹកនៅសមុទ្រខាងកើត។
ការនាំយកនាវានេសាទនិងនាវាឆ្មាំឆ្នេរសមុទ្រមួយចំនួនធំបានរំលោភលើដែនទឹកភាគខាងជើងនៃកោះ Natuna នៃប្រទេសឥណ្ឌូនេស៊ី។
បង្កើនការឃោសនានិងបង្កាច់បង្ខូចថា៖ «នាវានេសាទវៀតណាមបង្កើនការឈ្លានពានចូលក្នុងដែនសមុទ្ររបស់ចិន» «នៅសមុទ្រខាងកើតជម្លោះមួយទៀតបានកើតឡើង នាវាឆ្មាំឆ្នេរសមុទ្រវៀតណាមបានបង្កចំពោះនាវាពិឃាតចិន»។
គួរកត់សម្គាល់ថាថ្មីៗនេះ ប្រទេសចិនបានប្រកាសអំពីការបង្កើតអ្វីគេហៅថាជាអង្គភាពរដ្ឋបាលថ្នាក់ស្រុកនៅក្នុងប្រជុំកោះ Hoang Sa (Paracel Island) និងប្រជុំកោះ Truong Sa (Spratly Island) ខណៈពេលដែលផ្លាស់ក្រុមនាវា Haiyang Dizhi 8 នៅភាគខាងត្បូងនៃសមុទ្រខាងកើត។ ចូលទៅក្នុងតំបន់សេដ្ឋកិច្ចផ្តាច់មុខរបស់វៀតណាមហើយបច្ចុប្បន្នកំពុងលេចចេញនៅខាងក្រៅតំបន់សេដ្ឋកិច្ចផ្តាច់មុខរបស់ម៉ាឡេស៊ី ព្រុយណេ ឥណ្ឌូនេស៊ី…
ការសម្រេចចិត្តរបស់ចិនក្នុងការបង្កើតអ្វីកែហៅថាអង្គភាពរដ្ឋបាលសម្រាប់ប្រជុំកោះ Truong Sa និង ប្រជុំកោះ Hoang Sa នៃវៀតណាមគឺជាការឃុបឃិតជាយូរមកហើយដែលចិនបានផ្សព្វផ្សាយភ្លាមៗនិងបង្កើនបន្ទាប់ពីគេការប្រើប្រាស់កម្លាំងដើម្បីកាន់កាប់ប្រជុំកោះ Hoang Sa ចាប់តាំងពីឆ្នាំ ១៩៧៤ និងកាន់កាប់កោះចំណុះប្រជុំកោះ Truong Sa នៅឆ្នាំ ១៩៨៨ ។
ពួកគេចង់ធ្វើឱ្យមានភាពស្របច្បាប់នូវអំពើហឹង្សាទាំងនោះ ដោយនឹងវិធានការរដ្ឋបាលស៊ីវិលនិងច្បាប់។ តាមពិតពួកគេបានបង្កើតអង្គភាពរដ្ឋបាលនៅទីនេះតាំងពីទសវត្សឆ្នាំ ១៩៩០ នៃសតវត្សរ៍ចុងក្រោយ បន្ទាប់ពីការបញ្ចប់ការកាន់កាប់ដោយយោធានៅក្នុងប្រជុំកោះទាំងពីរនេះ។
ក្នុងឆ្នាំ ២០១២ ប្រទេសចិនបានប្រកាសបង្កើតនូវអ្វីដែលគេហៅថា «ទីក្រុង Sansha» ដើម្បី «គ្រប់គ្រង» កោះ Nansha (ត្រវជាប្រជុំកោះ Truong Sa នៃប្រទេសវៀតណាម) កោះ Xisha (ត្រូវជាប្រជុំកោះ Hoang Sa នៃវៀតណាម) និងកោះ Zhōngshā Qúndǎo (Macclesfield Bank)។ កាលពីខែកញ្ញាឆ្នាំ ២០១៧ ពួកគេបានដាក់ចេញនូវយុទ្ធសាស្ត្រថ្មីមួយដែលមានឈ្មោះថា «ការទាមទារ FourSha» ដោយទាមទារអធិបតេយ្យ លើកោះចំនួន ៤ ក្នុងនោះមានទាំង ៣ ក្រុមខាងលើនិងបន្ថែមកោះ DongSha (ជាប្រជុំកោះ Pratas ដែកបានគ្រប់គ្រងដោយតៃវ៉ាន់) ទាមទារសិទ្ធិ របស់តំបន់សេដ្ឋកិច្ចផ្តាច់មុខនៅជុំវិញ ៤ ក្រុមនេះ។
នេះគឺជាព្រឹត្តិការណ៍សំខាន់ៗមួយចំនួននៅក្នុងខ្សែសង្វាក់នៃសកម្មភាពរបស់ចិន ហើយរាល់ពេលដែលវៀតណាមក៏មានការជំទាស់យ៉ាងខ្លាំងផងដែរ។ លើកនេះចិនបានបន្តប្រកាសអំពីការអនុម័តបង្កើតអង្គភាពរដ្ឋបាលថ្នាក់ស្រុក ដោយធ្វើឱ្យប្រសើរឡើងនូវអង្គភាពរដ្ឋបាលដើម្បីធ្វើសកម្មភាពក្នុងនាមរដ្ឋាភិបាលចិន ដើម្បីគ្រប់គ្រងប្រជុំកោះ Hoang Sa និង ប្រជុំកោះ Truong Sa នៃប្រទេសវៀតណាម។
ចិនតែងតែអះអាងថាខ្លួនមាន«អធិបតេយ្យផ្នែកប្រវត្តិសាស្ត្រ» លើប្រជុំកោះទាំងពីរនេះ។ ពួកគេប្រើកំណត់ត្រាប្រវត្តិសាស្រ្តទាំងអស់ដើម្បីនិយាយថាជនជាតិចិនបានរកឃើញ គាស់រាន និងគ្រប់គ្រងប្រជុំកោះ Hoang Sa និងប្រជុំកោះ Truong Sa មុនពេលដែលព្រះគ្រិស្ដ។ ប៉ុន្តែតាមពិតពួកគេមិនបានផ្តល់ភស្តុតាងផ្លូវច្បាប់ទាក់ទងនឹង រដ្ឋចិនធ្លាប់បានរៀបចំអង្គភាពរដ្ឋបាលនៅទីនេះ។
ឯកសារចិនរហូតមកដល់ពេលនេះបង្ហាញថាផែនទីប្រទេសចិនគូរតែចុងខាងត្បូងនៃប្រទេសនៅខាងត្បូងនៃកោះ Hainan។ ប្រទេសចិនខ្វះភ័ស្តុតាង ដូច្នេះឥឡូវនេះចិនកំពុងបន្ថែមចន្លោះប្រហោងនិងចំណុចខ្មៅនៅក្នុងឯកសារស្របច្បាប់របស់ខ្លួនដោយពង្រឹងថែមទៀតនូវការទាមទារអធិបតេយ្យ។ បើគ្មានអធិបតេយ្យលើប្រជុំកោះ Hoang Sa និង Truong Sa ហើយការអះអាងរបស់ចិនអំពីការបង្កើតស្រុកដើម្បីគ្រប់គ្រងប្រជុំកោះ Hoang Sa និងប្រជុំកោះ Truong Sa គឺពិតជាមិនសមហេតុផលនិងខុសច្បាប់អន្តរជាតិ។
តើមានគ្រោះថ្នាក់យ៉ាងណា?
ដោយមើលឃើញពីអ្វីដែលកំពុងកើតឡើងនៅសមុទ្រខាងកើតក្នុងកំឡុងពេលនៃជំងឺរាតត្បាតកូវិដ១៩ ដែលប្រទេសចិនអាចមានទិសដៅត្រួសត្រាយផ្លូវសម្រាប់មតិសាធារណៈក្នុងការរៀបចំសម្រាប់ការដាក់ពង្រាយយុទ្ធនាការមួយទៅកាន់ភាគខាងត្បូងនៃសមុទ្រខាងកើតនៅក្នុងរយៈពេលក្រោយ កូវិដ១៩ យោងតាមសេណារីយ៉ូដែលប្រទេសចិនបានគ្រោងទុក ៖
ទី១៖ បង្កើតនិងពង្រឹងមូលដ្ឋានច្បាប់សម្រាប់ការក្លែងបន្លំ ដើម្បីពបញ្ជាក់ឲ្យ សកម្មភាពដែលចិនមានបំណងពង្រាយក្នុងយុទ្ធនាការវាយលុកថ្មី ឬតាមរយៈ «ការវាយប្រហារទន់» ឬ ដោយ «ការវាយប្រហាររឹង» អាស្រ័យលើការវិវត្តនៅក្នុងស្ថានភាពក្នុងតំបន់និងអន្តរជាតិ ដែលទាក់ទងទៅនឹងភាពខ្លាំងនិងជំហររបស់រដ្ឋដែលពាក់ព័ន្ធ។
ទី ២៖ ស្វែងយល់ពីប្រតិកម្មរបស់សហគមន៍ក្នុងតំបន់និងអន្តរជាតិ។ ជាពិសេសមហាអំណាចដូចជាអាមេរិក រុស្ស៊ី អឺរ៉ុបខាងលិច ជប៉ុន អូស្ត្រាលី ឥណ្ឌា…។
ទី ៣៖ ការបង្កើតនិងរៀបចំទីតាំងដើម្បីអនុវត្តតាមបែបផែនប្រពៃណី ឧទាហរណ៍ «ទៅស្ទូចត្រីក្នុងទឹកពពក» ដោយបង្កើតជម្លោះ បែងចែកផ្ទៃក្នុងសហគមន៍និងតំបន់និងអន្តរជាតិ បំបែកសាមគ្គីភាពរបស់គូប្រជែងដើម្បីឈ្នះយ៉ាងងាយស្រួល; ឬ «ផ្តល់កមនិតខុស» កំពុងឆ្ពោះទៅខាងត្បូងសមុទ្រខាងកើតប៉ុន្តែអាចវាយប្រហារតំបន់ផ្សេង...
ទី ៤៖ បង្កើតស្ថានភាព «រឿងត្រូវបានបញ្ចប់ហើយ» នៅតាមតំបន់ដែនសមុទ្រ ឆ្នេររបស់ទ្វីប ដែលក្នុងតំបន់មានអធិបតេយ្យ សិទ្ធអធិបតេយ្យ និងសិទ្ធចាត់ចែង របស់បណ្តាប្រទេសនៅសមុទ្រខាងកើត។ សូម្បីតែរួមបញ្ចូលទាំងរចនាសម្ព័ន្ធភូមិសាស្ត្រពាក់កណ្តាលលិចទឹក ពាក់កណ្តាលអណ្តែត មួយចំនួននៅក្នុងប្រជុំកោះ Truong Sa ដែលគ្រប់គ្រងដោយវៀតណាម ហ្វីលីពីន ម៉ាឡេស៊ី ... ដើម្បី បង្ខំឲ្យ ប្រទេសនានាអនុវត្តគោលនយោបាយ «ផ្អាកជម្លោះ ធ្វើរុករកជាមួយគ្នា» ដែលពិតជាប្រែក្លាយតំបន់ដែលមិនមានជម្លោះទៅជាតំបន់មានជម្លោះ។
រដ្ឋាភិបាលថ្នាក់ខេត្តនិងក្រុងលើកទឹកចិត្តឱ្យអ្នកនេសាទរក្សាសកម្មភាពផលិតធម្មតាក្នុងដែនសមុទ្ររបស់វៀតណាម។ (រូបថត៖ Tran Mai)
ការប្រយ័ត្ន
ដូច្នេះនាពេលខាងមុខនេះ ជាពិសេសបន្ទាប់ពីជំងឺរាតត្បាតកូវិដ១៩ ចិននឹងអនុវិត្ត៖
ទី ១៖ ប្រើអំណាចដើម្បីកាន់កាប់អង្គភាពភូមិសាស្ត្របន្ថែមទៀត ឬបង្កបាតុភូត «រឿងត្រូវបានបញ្ចប់ហើយ» នៅក្នុងតំបន់នៃប្រជុំកោះ Truong Sa និងក្នុងតំបន់សេដ្ឋកិច្ចផ្តាច់មុខនិងឆ្នេររបស់ទ្វីបរបស់បណ្តាប្រទេសនៅជុំវិញសមុទ្រខាងកើតដើម្បីធ្វើឲ្យ «ខ្សែបន្ទាត់ ៩ ត្រា» ស្របតាមច្បាប់ បង្ខំឱ្យប្រទេសនានាទទួលយកការទាមទារមិនសមហេតុផលរបស់ពួកគេ។
ទី ២៖ បន្តវិនិយោគសាងសង់មូលដ្ឋានយោធាលើប្រជុំកោះ Hoang Sa និង Truong Sa ដោយលាក់ខ្លួននៅក្រោមទម្រង់ស៊ីវិលដូចជា៖ បង្គោលភ្លើងហ្វារ ស្ថានីយ៍ស្រាវជ្រាវវិទ្យាសាស្ត្រសេដ្ឋកិច្ចសមុទ្រ ... មិនត្រឹមតែបម្រើគោលបំណងប៉ុណ្ណោះទេប៉ុន្តែថែមទាំងបម្រើគោលដៅអំពីនយោបាយ សេដ្ឋកិច្ច ច្បាប់... ដូចជា៖
-ការសូកប៉ាន់ ការបំភាន់មតិសាធារណៈ លាក់សកម្មភាពខុសច្បាប់រអន្តរជាតិរបស់ពួកគេ។ បញ្ជាក់សកម្មភាពរបស់ពួកគេគឺសមហេតុផលសមហេតុផលសម្រាប់គោលបំណងមនុស្សធម៌សម្រាប់ជីវិតសហគមន៍ ... ;
-បន្តបង្កើតមូលដ្ឋានដើម្បីបង្ហាញថាអង្គភាពដែលពួកគេបានកានកាប់គឺសមស្របសម្រាប់ជីវិតមនុស្សនិងជីវិតសេដ្ឋកិច្ចរបស់ពួកគេ ដូច្នេះមានសិទ្ធិពង្រីកជួរនៃសមុទ្រ «ជាប់គ្នា» និង « ពាក់ព័ន្ធ» ទៅ ២០០ ម៉ាយល៍។
- រកវិធីដើម្បីដណ្តើមធនធានសមុទ្រគឺស្ថិតនៅក្នុងតំបន់សេដ្ឋកិច្ចផ្តាច់មុខនិងឆ្នេររបស់ទ្វីបនៃបណ្តាប្រទេសនៅជុំវិញសមុទ្រខាងកើត យោងតាមគោលនយោបាយ «អធិបតេយ្យរបស់ចិន ការផ្អាកជម្លោះនិងការធ្វើអជិវកម្មរួម» ... ; លុបបំបាត់ដៃគូដែលជាក្រុមហ៊ុននៃប្រទេសនានាដែលកំពុងធ្វើសហប្រតិបត្តិការជាមួយប្រទេសនានាក្នុងតំបន់…;
-បណ្តាលឱ្យបរិយាកាសអាជីវកម្មនិងផលិតកម្មមិនស្ថិតស្ថេរដែលធ្វើឱ្យសកម្មភាពសេដ្ឋកិច្ចរបស់ប្រទេសក្នុងតំបន់ទន់ខ្សោយ ដូច្នេះពួកគេអាចកេងចំណេញបានយ៉ាងងាយស្រួលដើម្បីបង្ខំពួកគេឱ្យពឹងផ្អែកលើប្រទេសចិនខាងសេដ្ឋកិច្ច និងនយោបាយ សន្តិសុខនិងការពារជាតិ ...៕
ប្រទេសវៀតណាមមានភ័ស្តុតាងច្បាប់គ្រប់គ្រាន់ដើម្បីបញ្ជាក់អធិបតេយ្យរបស់ខ្លួនជាមួយប្រជុំកោះ Hoang Sa និង Truong Sa។ ប្រសិនបើវាជាទឹកដីនៅក្នុងប្រទេសមានអធិបតេយ្យភាព ហើយប្រទេសនោះមានសិទ្ធិបញ្ចូលគ្នា បំបែក និងរៀបចំអង្គភាពរដ្ឋបាល ដែលសមស្របទៅនឹងភូមិសាស្ត្រ ចំនួនប្រជាជនរបស់ខ្លួនក្នុងវិសាលភាពនៃអំណាចរបស់ខ្លួន និងប្រទេសវៀតណាមក៏មានសិទ្ធនេះដែរ។ ចាប់តាំងពីសម័យបុរាណក្នុងសម័យសក្តិភូមិនេះ រាជវង្ស Nguyen បានបង្កើតអង្គភាពរដ្ឋបាលនៅប្រជុំកោះ Hoang Sa និង Truong Sa ដែលគ្រប់គ្រងដោយរាជវង្ស Nguyen។ ក្នុងសម័យបារាំងក៏មានការអះអាងអធិបតេយ្យនៅប្រកោះ Hoang Sa និង Truong Sa ផងដែរ។ សម្តេច Bao Dai នៅឆ្នាំ ១៩៣៨ ក៏បានសម្រេចបំបែក Hoang Sa ពីខេត្ត Quang Ngai និងបញ្ចូនទៅខេត្ត Thua Thien។ នៅពេលដែលវៀតណាមមានឯកភាព រដ្ឋាភិបាលនៃសាធារណរដ្ឋសង្គមនិយមវៀតណាមបានសំរេចបង្កើតអង្គភាពរដ្ឋបាល ជាពិសេសនៅឆ្នាំ ១៩៨២ ប្រទេសវៀតណាមបានបង្កើតស្រុក Truong Sa និង Hoang Sa ឥឡូវនេះស្រុក Hoang Sa ចំណុះខេត្ត Da Nang និងស្រុក Truong Sa ចំណុះខេត្ត Khanh Hoa និងបន្តបង្កើតអង្គភាពតូចជាង។ |
(ប្រែសម្រូលដោយវិច្ឆិកា)
(ប្រភពព័ត៌មាន: thoidai.com.vn)
មតិពីមិត្តអ្នកអាន