យុគសម័យ - វៀតណាមបានសង្កត់ធ្ងន់លើគោលជំហររបស់ខ្លួនដោយមានភ័ស្តុតាងច្បាប់និងប្រវត្តិសាស្ត្រគ្រប់គ្រាន់ដើម្បីបញ្ជាក់ពីអធិបតេយ្យភាពលើប្រជុំកោះ Hoang Sa និង Truong Sa ដោយអះអាងថា អធិបតេយ្យភាព សិទ្ធិអធិបតេយ្យភាពនិងសិទ្ធិយុត្តាធិការលើតំបន់សមុទ្រ ខាងកើតសមស្របតាមអនុសញ្ញាស្តីពីច្បាប់សមុទ្រឆ្នាំ ១៩៨២ ។
អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang (រូបថត៖ Vnanet)
នាថ្ងៃទី ២១ ខែមេសា ឆ្លើយតបសំណួរអ្នកសារព័ត៌មានដោយចោតសួរអំពីព័ត៌មានថ្មីៗទាក់ទងនឹងស្ថានភាពស្មុគស្មាញក្នុងដែនសមុទ្រនៃប្រទេស សមាជិកអាស៊ានមួយចំនួន អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang បានមានប្រសាសន៍ថា៖
“ ក្នុងនាមជាប្រទេសមួយនៅសមុទ្រខាងកើត និងជាសមាជិកមូយក្នុងអាស៊ាន វៀតណាមតាមដានយ៉ាងយកចិត្តទុកដាក់ លើស្ថានការណ៍។ វៀតណាមមានបំណងចង់ឲ្យសិទ្ធិ និងឧត្តមប្រយោជន៍ត្រឹមត្រូវនិងស្របច្បាប់របស់ប្រទេសនានា ត្រូវបានគោរពក្រោមអនុសញ្ញាអង្គការសហប្រជាជាតិស្ដីពីច្បាប់សមុទ្រឆ្នាំ ១៩៨២។ ភាគីពាក់ព័ន្ធត្រូវតែទទួលខុសត្រូវចំពោះការអនុវត្តច្បាប់អន្តរជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ដែលបង្ហាញពីការប្តេជ្ញាចិត្ត ក្នុងការអភិវឌ្ឍទំនាក់ទំនងមិត្តភាពរវាងបណ្តាប្រទេសនានា ដើម្បីសន្តិភាព ស្ថិរភាពនិងកិច្ចសហប្រតិបត្តិការនៅសមុទ្រខាងកើត ក៏ដូចជាក្នុងតំបន់និងពិភពលោកផងដែរ” ។
នាពេលថ្មីៗនេះប្រទេសវៀតណាមបានផ្ញើកំណត់ទូតជាបន្តបន្ទាប់ទៅអគ្គលេខាធិការអង្គការសហប្រជាជាតិដើម្បីឆ្លើយតបនឹងកំណត់ទូតរបស់ម៉ាឡេស៊ី និងហ្វីលីពីនស្តីពីបញ្ហាអធិបតេយ្យភាពនៅសមុទ្រខាងកើត។ វៀតណាមបានសង្កត់ធ្ងន់លើគោលជំហររបស់ខ្លួនដោយមានភ័ស្តុតាងច្បាប់និងប្រវត្តិសាស្ត្រគ្រប់គ្រាន់ដើម្បីបញ្ជាក់ពីអធិបតេយ្យភាពលើប្រជុំកោះ Hoang Sa និង Truong Sa របស់វៀតណាម ដោយអះអាងថា អធិបតេយ្យភាព សិទ្ធិអធិបតេយ្យភាពនិងសិទ្ធិយុត្តាធិការលើតំបន់សមុទ្រ ខាងកើតសមស្របតាមអនុសញ្ញាស្តីពីច្បាប់សមុទ្រឆ្នាំ ១៩៨២ ផងដែរ៕
(បកប្រែដោយ ហេង វុធ្ធី)
(ប្រភពព័ត៌មាន: baoquocte.vn)
មតិពីមិត្តអ្នកអាន