វៀតណាមច្រានចោលទស្សនៈមិនត្រឹមត្រូវរបស់ចិនលើសមុទ្រខាងកើត

លោក Ngo Toan Thang អ្នកនាំពាក្យរងក្រសួងការបរទេសវៀតណាម។ (ប្រភព៖ ក្រសួងការបរទេសវៀតណាម)

នៅថ្ងៃទី ២៣ ខែមេសា ឆ្នាំ ២០២០ ក្នុងសន្និសីទសារព័ត៌មានទៀងទាត់របស់ក្រសួងការបរទេសវៀតណាម ឆ្លើយសំណួររបស់អ្នកសារព័ត៌មានទាក់ទងនឹងការប្រកាសរបស់ប្រទេសចិនអំពីការចេញផ្សាយអ្វើដេលហៅថាចំណងជើងស្តង់ដារសម្រាប់អង្គភាពចំនួន ៨០ អង្គភាពនៅសមុទ្រខាងកើត។ លោក Ngo Toan Thang បានបញ្ជាក់ថា៖ “វៀតណាមបានអះអាងម្តងហើយម្តងទៀតថាវៀតណាមមានភ័ស្តុតាងប្រវត្តិសាស្ត្រនិងមូលដ្ឋានច្បាប់គ្រប់គ្រាន់ដើម្បីអះអាងអធិបតេយ្យលើប្រជុំកោះ Hoang Sa (Paracel Island) និង Truong Sa (Spratly Island) ដោយអនុលោមតាមច្បាប់អន្តរជាតិ។ ទន្ទឹមនឹងនេះមានអធិបតេយ្យនិងយុត្តាធិការជាតិលើដែនសមុទ្រដែលបានបង្កើតឡើងដោយអនុលោមតាមអនុសញ្ញានៃអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS ១៩៨២) ។

រាល់សកម្មភាពដែលធ្វើឱ្យប៉ះពាល់ដល់អធិបតេយ្យរបស់វៀតណាមចំពោះប្រជុំកោះ Hoang Sa និង Truong Sa អធិបតេយ្យភាពនិងយុត្តាធិការរបស់វៀតណាមលើដែនសមុទ្ររបស់ខ្លួនគឺគ្មានតម្លៃគ្មានការទទួលស្គាល់និងវៀតណាមប្រឆាំងជំទាល់ជាដាច់ខាត” ។

ទាក់ទងនឹងជម្លោះសមុទ្រខាងកើតរវាងវៀតណាមនិងបណ្តាប្រទេសដទៃទៀត អ្នកនាំពាក្យរងរូបនេះបាននិយាយថានៅថ្ងៃទី ១០ ខែមេសា ប្រទេសវៀតណាមបានផ្សាយចេមឲ្យប្រើប្រាស់ទូទៅកំណតទូតនៅឯអង្គការសហប្រជាជាតិ ដើម្បីអះអាងអធិបតេយ្យលើប្រជុំកោះ Hoang Sa និង Truong Sa អនុលោមតាមបទប្បញ្ញត្តិនៃច្បាប់អន្តរជាតិ រាល់ការទាមទារដែនសមុទ្រដែលផ្ទុយនឹង UNCLOS និងរំលោភលើអធិបតេយ្យនិងយុត្តាធិការលើដែនសមុទ្ររបស់វៀតណាមគឺគ្មានតម្លៃឡើយ។

ការប្រកាសរបស់ប្រទេសចិនអំពីការចេញផ្សាយអ្វើដេលហៅថាចំណងជើងស្តង់ដារសម្រាប់អង្គភាពចំនួន ៨០ អង្គភាពនៅសមុទ្រខាងកើត បានកើតឡើតមួយថ្ងៃបន្ទាប់ពីររដ្ឋាភិបាលចិនប្រកាសបង្កើតអ្វើហៅថា “ប្រជុំកោះ Xisha”​ និង “ប្រជុំកោះ Nansha” ដើម្បីគ្រប់គ្រងប្រជុំកោះ Hoang Sa និង​ប្រជុំកោះ Truong Sa​ ដែលវៀតណាមមានអធិបតេយ្យ។

ក្រសួងការបរទេសវៀតណាមនៅថ្ងៃទី ១៨ ខែមេសា បានសម្តែងការប្រឆាំងជាដាច់ខាតចំពោះការបង្កើតនូវអ្វីដែលហៅថា“ ទីក្រុង Sansha” និងសកម្មភាពពាក់ព័ន្ធ។ វៀតណាមទាមទារ ឲ្យ ចិនគោរពអធិបតេយ្យរបស់វៀតណាមនិងលុបចោលការសម្រេចចិត្តខុសដែលពាក់ព័ន្ធ ដោយសារតែការរំលោភយ៉ាងធ្ងន់ធ្ងរលើអធិបតេយ្យរបស់វៀតណាម៕

（ប្រែសម្រូលដោយវិច្ឆិកា）

（ប្រភពព័ត៌មាន: thoidai.com.vn）

（ប្រែសម្រូលដោយវិច្ឆិកា）