យុគសម័យ - នាល្ងាចថ្ងៃទី ១៩ ខែមេសា ប្រធានគណៈកម្មាធិការប្រជាជនស្រុក Hoang Sa (ទីក្រុង Da Nang) បានចេញសេចក្តីថ្លែងការណ៍ស្តីពីសកម្មភាពខុសច្បាប់អន្តរជាតិរបស់ចិនដែលប្រកាសនូវការបង្កើត អាជ្ញធរ “Xisha” និង “Nansha” នៃទីក្រុង “Sansha” នៅប្រជុំកោះ Hoang Sa (Paracel Island) និងប្រជុំកោះ Truong Sa (Spartly Island) របស់វៀតណាម។
នៅខាងក្នុងសាលពិព័រណ៍មានឯកសារគ្រប់គ្រាន់ដែលបញ្ជាក់ថាប្រជុំកោះ Hoang Sa និងប្រជុំកោះ Truong Sa ជារបស់ប្រទេសវៀតណាម។ (ប្រភពើ៖ Vietnamnet)
សេចក្តីប្រកាសបានអះអាងថាវៀតណាមជាប្រទេសដំបូងគេដែលបានរកឃើញ កាន់កាប់និងបង្កើតអធិបតេយ្យជាបន្តបន្ទាប់ ដោយសន្តិវិធីនៅលើប្រជុំកោះ Hoang Sa (Paracel Island) និងប្រជុំកោះ Truong Sa (Spratly Island)។ វៀតណាមមានភ័ស្តុតាងប្រវត្តិសាស្ត្រនិងមូលដ្ឋានគតិយុត្តជាគ្រប់គ្រាន់ដើម្បីអះអាងអធិបតេយ្យគ្មានជម្លោះនិងស្របតាមច្បាប់អន្តរជាតិរបស់វៀតណាមលើប្រជុំកោះទាំងពីរនេះ ។
សេចក្តីប្រកាសបានបញ្ជាក់ថា ប្រជុំកោះ Hoang Sa គឺជារដ្ឋាភិបាលមូលដ្ឋាននៃទីក្រុង Da Nang ដែលគ្រប់គ្រងដោយផ្ទាល់នូវប្រជុំកោះ Hoang Sa របស់វៀតណាម។
សកម្មភាពរបស់ចិនចេញសេចក្តីសម្រេចចិត្តបង្កើតតំបន់ដែលគេហៅថា “Xisha” និង “Nansha” នៃទីក្រុង “Sansha” នៅប្រជុំកោះ Hoang Sa (ខេត្ត Quang Nam - Da Nang, ប្រទេសវៀតណាម) និងប្រជុំកោះ Truong Sa (ខេត្ត Khanh Hoa, វៀតណាម) បានរំលោភយ៉ាងធ្ងន់ធ្ងរលើអធិបតេយ្យរបស់វៀតណាម និងរំលោភលើច្បាប់អន្តរជាតិនិងផ្ទុយពីកិច្ចព្រមព្រៀងរវាងប្រទេសទាំងពីរនិងតំបន់ បណ្តាលអោយមានភាពស្មុគស្មាញដល់ស្ថានភាពនៅតំបន់សមុទ្រខាងកើត និងធ្វើឱ្យខូចខាតដល់កិច្ចខិតខំប្រឹងប្រែងសហប្រតិបត្តិការរវាងបណ្តាប្រទេស។
គណៈកម្មាធិការប្រជាជនស្រុក Hoang Sa បានជំទាល់ជាដាច់ខាតនិងទាមទារឱ្យចិនបោះបង់ការសម្រេចចិត្តខុសជាភ្លាមៗ និងបញ្ឈប់សកម្មភាពខុសច្បាប់ជាបន្ទាន់លើប្រជុំកោះ Hoang Sa និង Truong Sa របស់វៀតណាម៕
（ប្រែសម្រូលដោយវិច្ឆិកា）
（ប្រភពព័ត៌មាន: thoidai.com.vn）
មតិពីមិត្តអ្នកអាន