យុគសម័យ - វៀតណាមស្នើឱ្យចិនគោរពអធិបតេយ្យភាពរបស់វៀតណាមលើប្រជុំកោះ Hoang sa (Paracel Island) ដើម្បីលុបចោលនិងមិនបន្តរំលោភថែមម្តងទៀត។
អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang
នាថ្ងៃទី ២៦ ខែសីហា ឆ្លើយសំណួរដែលអ្នកយកព័ត៌មានចោទសួរថាវៀតណាមមានប្រតិកម្មយ៉ាងដូចម្តេចចំពោះការដែលប្រទេសចិនធ្វើសមយុទ្ធយោធានៅដែនសមុទ្រភាគឦសានខាងជើងនៃប្រជុំកោះ Hoang Sa របស់វៀតណាម អ្នកនាំពាក្យក្រសួងការបរទេសវៀតណាម លោកស្រី Le Thi Thu Hang បានថ្លែងថា៖
“ ការធ្វើសមយុទ្ធម្តងហើយម្តងទៀតរបស់ប្រទេសចិននៅក្នុងប្រជុំកោះ Hoang Sa (Paracel Island) បានរំលោភបំពានយ៉ាងស្រឡះនូវអធិបតេយ្យភាពរបស់វៀតណាមលើប្រជុំកោះទាំងនេះហើយថែមទាំងដើរផ្ទុយពីស្មារតីនៃសេចក្តីថ្លែងការណ៍ស្តីពីការប្រតិបត្តិរបស់ភាគីនានានៅសមុទ្រ ខាងកើត ព្រមទាំងធ្វើឲ្យស្ថានភាពកាន់តែស្មុគស្មាញនៃដោយគ្មានអំណោយផលដល់ការចរចារ រវាងចិននិងអាស៊ានស្តីពីក្រមប្រតិបត្តិរបស់ភាគីនានានៅសមុទ្រខាងកើតនាបច្ចុប្បន្ន ក៏ដូចជាសម្រាប់ការរក្សាបរិស្ថានសន្តិភាព ស្ថិរភាពនិងកិច្ចសហប្រតិបត្តិការនៅសមុទ្រខាងកើតផងដែរ»។
វៀតណាមស្នើឲ្យប្រទេសចិនគោរពអធិបតេយ្យភាពរបស់វៀតណាមលើប្រជុំកោះ Hoang sa ដោយលុបចោលនិងមិនធ្វើម្តងទៀតនូវការរំលោភបំពានខុសច្បាប់ស្រដៀងដូចនេះបន្ថែមទៀតជាដាច់ខាត”៕(បកប្រែដោយ ហេង វុធ្ធី)
(ប្រភពព័ត៌មាន: baoquocte.vn)
មតិពីមិត្តអ្នកអាន