យុគសម័យ- ស្ថានបេសកម្មអចិន្រ្តៃយ៍របស់វៀតណាមប្រចាំនៅអង្គការសហប្រជាជាតិបានផ្ញើកំណត់ទូតមួយទៅកាន់អគ្គលេខាធិការអង្គការសហប្រជាជាតិ ដើម្បីប្រឆាំងជំហររបស់ចិនអំពីបញ្ហាសមុទ្រខាងកើត។
នាវានេសាទរបស់ខេត្ត Quang Ngai ត្រូវបានកងឆ្មាំសមុទ្រចិនបុកឲ្យលិច។( រូបថតបានផ្តល់ដោយអ្នកនេសាទម្នាក់)
កំណត់សំទូតនេះបានលើកឡើងអំពីជំហររបស់ប្រទេសវៀតណាមមិនប្រែប្រួលជានិច្ច ៖
វៀតណាមប្រឆាំងនឹងការទាមទាររបស់ចិនក្នុងកំណត់ទូតលេខ CML/11/2020 ចុះថ្ងៃទី២៣ ខែមីនា ឆ្នាំ២០២០ របស់ស្ថានបេសកម្មអចិន្រ្តៃយ៍របស់ចិនប្រចាំ នៅអង្គការសហប្រជាជាតិបានជ្ញើដល់អគ្គលេខាធិការអង្គការសហប្រជាជាតិ ។ ការទាមទារទាំងនេះរំលោភយ៉ាងធ្ងន់ធ្ងរលើអធិបតេយ្យភាព និងយុត្តាធិការរបស់វៀតណាមនៅសមុទ្រខាងកើត។
វៀតណាមមានភ័ស្តុតាងប្រវត្តិសាស្ត្រនិងមូលដ្ឋានគតិយុត្តគ្រប់គ្រាន់ ដើម្បីអះអាងនូវអធិបតេយ្យភាពលើប្រជុំកោះ Hoang Sa Truong Sa (Paracel និង Spratly ) ដោយអនុលោមតាមបទប្បញ្ញត្តិនៃច្បាប់អន្តរជាតិ។
ប្រទេសវៀតណាមបានបញ្ជាក់ថា អនុសញ្ញាអង្គការសហប្រជាជាតិស្តីពីច្បាប់សមុទ្រ ១៩៨២ (UNCLOS) គឺជាមូលដ្ឋានច្បាប់តែមួយគត់ បទបញ្ញត្តិគ្រប់ជ្រុងជ្រោយស្តីពីវិសាលភាពនៃសិទ្ធិទទួលបាន នៅដែនសមុទ្ររវាងវៀតណាមនិងចិន។
ប្រទេសវៀតណាមបានប្រឆាំងជំទាស់នឹងការទាមទារ នៅសមុទ្រខាងកើតដែលលើសពីការកំណត់ដែលមានចែងក្នុងអនុសញ្ញា រួមទាំងការទាមទារសិទ្ធិជាប្រវត្តិសាស្រ្តដែលគ្មានតម្លៃស្របច្បាប់។
ជំហររបស់វៀតណាមមិនប្រែប្រួលជានិច្ច ចំពោះបញ្ហាខាងលើត្រូវបានបញ្ជាក់នៅក្នុងឯកសារជាច្រើនដែលចុះផ្សាយនៅអង្គការ សហប្រជាជាតិ និងបានដាក់ជូនទៅដល់ទីភ្នាក់ងារអន្តរជាតិដែលពាក់ព័ន្ធ។
ស្ថានបេសកម្មអចិន្រ្តៃយ៍របស់វៀតណាមប្រចាំនៅអង្គការសហប្រជាជាតិបានស្នើអគ្គលេខាធិការអង្គការសហប្រជាជាតិផ្ញើកំណត់ ទូតនេះទៅកាន់បណ្តាប្រទេសជាសមាជិកនៃអនុសញ្ញានេះ ក៏ដូចជាសមាជិកទាំងអស់នៃអង្គការសហប្រជាជាតិ ផងដែរ./.
(បកប្រែដោយឌីណា)
មតិពីមិត្តអ្នកអាន