ប្រទេសចិនឲ្យជនស៊ីវីលរស់នៅចំពោះកោះនានារបស់វៀតណាមដើម្បីទន្ទ្រានកាន់កាប់ផ្តាច់មុខលើសមុទ្រខាងកើត

ថ្មប៉ប្រះទឹក Fiery Cross Reef មើលពីអាកាស (រូបថត៖ People’s Daily)

កាលពីថ្ងៃទី ២៨ ខែមិថុនា ក្រុមអ្នកស្រាវជ្រាវនៅវិទ្យាស្ថាន«មហាសាគរ Nanhai » បានប្រកាសថាបានរកឃើញលំហូរទឹកក្រោមដីនៅក្នុងអង្គភាពថ្ម Fiery Cross Reef ។ ពួកគេក៏បានបញ្ជាក់ផងដែរថាដំណើរការនៃការសម្រុះសម្រួលនិងការប្រមូលថ្មឡើងវិញ (ខុសច្បាប់) នៃថ្មប៉ប្រះទឹក Fiery Cross Reef បានបង្កើតលំហូរទឹកសាបខាងក្រោមហើយបរិមាណទឹកសាបកំពុងកើនឡើងតាមពេលវេលា។

ជាការពិតក្រោមទស្សនៈវិទ្យាសាស្រ្តនេះ អាចត្រូវបានគេចាត់ទុកថាជាដំណឹងល្អ។ ប៉ុន្តែបណ្តាប្រទេសដែលមានចំណាប់អារម្មណ៍ទាក់ទងនឹងសមុទ្រខាងកើតនិងសាធារណជនពិភពលោកបានទទួលព័ត៌មាននេះដោយអាកប្បកិរិយាគួរឱ្យសង្ស័យនិងសូម្បីតែការព្រួយបារម្ភបន្តិចបន្តួច។ ហើយសម្រាប់ប្រជាជនវៀតណាមយើងមានហេតុផលព្រួយបារម្ភអំពីអធិបតេយ្យភាពនៃផ្នែកមួយនៃដែនសមុទ្រនិងកោះដែលត្រូវបានកាន់កាប់ដោយចិនដោយខុសច្បាប់។

កោះ Fiery Cross Reef ស្ថិតនៅក្នុងប្រជុំកោះ Truong Sa (Spratly Islands) របស់វៀតណាម ត្រូវបានចិនប្រើប្រាស់អំពើហឹង្សាដើម្បីកាន់កាប់និងត្រួតត្រា។ នាឆ្នាំ ២០១៤ ទីក្រុងប៉េកាំងបានចាប់ផ្តើមជំរុញនិងកែលម្អនូវអង្គភាពកោះនេះឱ្យទៅជាកោះសិប្បនិម្មិតធំជាងគេទី ២ នៅក្នុងតំបន់ បន្ទាប់ពីតំបន់ថ្មប៉ប្រះទឹក Mischief Reef ។ ទន្ទឹមនឹងការកែលំអូខុសច្បាប់ ប្រទេសនេះបានបំពាក់ឧបករណ៍យោធាសម្រាប់ថ្មប៉ប្រះទឹក Fiery Cross Reef ក៏ដូចជាអង្គភាពដទៃទៀតនៅក្នុងប្រជុំកោះ Hoang Sa និង Truong Sa (Paracel និង Spratly Islands)។

ទោះបីប្រជាជាតិដែលជាសមាជិកក្នុងអនុសញ្ញាអង្គការសហប្រជាជាតិស្តីពីច្បាប់សមុទ្រអន្តរជាតិ UNCLOS ឆ្នាំ ១៩៨២ ក៏ដោយ ប៉ុន្តែគេបានបដិសេធម្តងហើយម្តងទៀតនិងព្រងើយកន្តើយចំពោះការកាត់ក្តីនិងសាលក្រមរបស់តុលាការមជ្ឈត្តកម្ម តែតាមពិតទៅប្រទេសនេះនៅតែមានការកែសំរួលយុទ្ធសាស្ត្ររបស់ខ្លួន។ ក្រៅពីបន្តធ្វើយោធូបនីកម្មលើកោះនានា គេនៅតែដាក់ជនស៊ីវីល មករស់នៅនិងរកស៊ីនៅទីនេះផងដែរ។

ភស្តុតាងថ្មីៗបំផុតបន្ទាប់ពីការរីករាលដាលនៃ COVID-19 បានថយចុះនៅក្នុងប្រទេសចិនដោយប្រកាសថាខ្លួនបានដាំនិងប្រមូលផលនបន្លែបៃតងនៅលើដីខ្សាច់កោះ Phu Lam ។ នេះគឺជាសកម្មភាពតែមួយគត់របស់ប្រទេសចិនក្នុងការកសាងភាពគ្រប់គ្រាន់ដោយខ្លួនឯងសម្រាប់អង្គភាពកាន់កាប់សិប្បនិម្មិតដោយខុសច្បាប់នៅក្នុងសមុទ្រខាងកើតដើម្បីនាំយកប្រជាជនបន្ថែមទៀតរួមទាំងទាហាននិង“ជនស៊ីវិល”នៅទីនោះ។

លោក Chen Xiangmiao អ្នកជំនាញនៅអ្វីដែលហៅថាវិទ្យាស្ថានស្រាវជ្រាវ Nanhai (ចិន) បានប្រកាសដោយទំនើងចិត្តថាការដាំបន្លែនឹងជួយពង្រឹងអធិបតេយ្យភាពរបស់ចិនលើសមុទ្រ ខាងកើតនិងបញ្ជាក់ថាអង្គភាពទាំងនេះគឺជាកោះតែម្តង។ លោកបន្តថា៖ «ការដាំបន្លែគឺជាជំហានដំបូងបន្ទាប់មកគេអាចចិញ្ចឹមជ្រូកនិងមាន់ដើម្បីបង្កើតវដ្តមួយក្នុងការទ្រទ្រង់ដល់ប្រជាជនដែលរស់នៅនៅទីនេះ។ នាពេលអនាគតកោះនីមួយៗអាចបង្កើតសហគមន៍ទីប្រជុំជនឯករាជ្យមួយផងដែរ»

គួរបញ្ជាក់ថាអស់រយៈពេលជាច្រើនឆ្នាំកន្លងមក តាមរយៈមធ្យោបាយនៃការតស៊ូដោយសន្តិវិធីបានអះអាងម្តងហើយម្តងទៀតនូវអធិបតេយ្យភាពរបស់វៀតណាមចំពោះប្រជុំកោះ Hoang Sa និង Truong Sa (Paracel និង Spratly Islands) ព្រមទាំងប្រឆាំងជំទាស់នឹងការកាន់កាប់ដោយខុសច្បាប់របស់ចិន៕

（បកប្រែដោយ ហេងវុធ្ធី）

（ប្រភពព័ត៌មាន: thoidai.com.vn）

（បកប្រែដោយ ហេងវុធ្ធី）