យុគសម័យ- ថ្មីៗនេះអង្គការនិងបុគ្គលជាច្រើន ក្នុងនោះមាន កងទ័ពការពារព្រំដែនបានផ្តល់ទង់ជាតិដោយឥតគិតថ្លៃជូនដល់អ្នកនេសាទ។ រាល់ពេលដែលខ្ញុំអមដំណើរជាមួយអ្នកនេសាទខ្ញុំលឺនិងមើលឃើញនូវរូបភាពបងប្អូននេសាទចង្អុលទង់ជាតិឬអាវដែលមានរូបភាពទង់ជាតិ ហើយនិយាយថា“អ្នកនេសាទអមដំណើរជាមួយរដ្ឋដើម្បីការពារដែនសមុទ្រ”។
ពាក់អាវមានរូបភាពទង់ជាតិមាតុភូមិ នៅពេលនេសាទក្នុងលំហរសមុទ្រ
នារសៀលនៃដំណាច់ឆ្នាំនេះ បណ្តានាវាទៅមកទៅវិញ ពីលំហរសមុទ្រសដែលបានចាប់ផ្តើមប្រមូលគ្នា នៅកំពង់ផែ។ នៅតាមកំពង់ផែសមុទ្រខេត្ត Binh Dinh Quang Nam Quang Ngai អ្នកនេសាទតែងតែរៀបចំនាវា ដើម្បីធ្វើពិធីសែនមួយ បន្ទាប់ពីមួយឆ្នាំដែលនាវាបាននេសាទ នៅលំហរសមុទ្រ។ ទង់ជាតិព្យួរនៅលើដំបូលកាប៊ីនត្រូវបានជំនួសទង់ជាតិថ្មី។ យូរៗ ម្ដងអ្នកនេសាទពាក់អាវក្រហមមានរូបភាពទង់ជាតិដែលបានលេចចេញលើនាវា។ លោកThuy អ្នកនេសាទម្នាក់ នៅស្រុក Hoai Nhonខេត្ត Binh Dinhបាននិយាយថា “ក្រុមនាវិកនៅនាវារបស់ខ្ញុំមានអាវពណ៌ក្រហមដែលបោះពុម្ភរូបភាពទង់ជាតិវៀតណាមជាច្រើនដែលប្រគល់ដោយកងទ័ពការពារព្រំដែន សហភាពសហព័ន្ធយុវជន និងក្រុមហ៊ុនមួយចំនួន ក្នុងឱកាសមកសួរសុខទុក្ខយើងខ្ញុំ។”
សមាគមន៍អ្នកកាសែតខេត្ត QuangNgaiនិងកងទ័ពការពារព្រំដែនស្រុក Binh Thanh នៃកងទ័ពការពារព្រំដែនខេត្ត QuangNgai បានប្រគល់ទង់ជាតិជូនដល់អ្នកនេសាទ មុនពេលធ្វើដំណើរនេសាទ នៅលំហរសមុទ្រ។ (រូបថត៖ ហាអាន)
នាវាមានស្លាកលេខ QNg៩៤៣៥៩ TS គឺជានាវា ធ្វើពីដែក ថែបដែលត្រូវបានផលិតដោយមូលនិធិជំនួយអ្នកនេសាទ នៅ ខេត្ត Quang Ngai នៅឯក្រុមហ៊ុនផលិតនាវា Nha Trang ខេត្ត Khanh Hoa។ អ្នកនេសាទបាននិយាយឲ្យដឹង ថា នាវានេះមានដើម កំណើតពិសេសណាស់ដែលបានទទួលការជួយឧបត្ថម្ភពីអង្គការនានា ដូច្នេះអ្នកនេសាទត្រូវបង្ហាញទំនួលខុសត្រូវចំពោះប្រទេសនៅពេលចេញដំណើរនេសាទ នៅលំហរសមុទ្រ ពួកគេពាក់អាវក្រហមដែលបោះពុម្ភរូបភាពទង់ជាតិ ឬពាក់អាវពណ៌ក្រហមដែលបោះពុម្ភរូបភាពប្រទេសជាតិ នៅខាងក្រោយអាវ។
នៅលើនាវា QNg៩៤៣៥៩ TS សំឡេងស្រែកហៅ ចាប់ផ្តើមលាន់លឺ ពីម៉ោង ២៣: 00 នាទីគត់ ។ ពន្លឺនៃម៉ាស៊ីនថតរូបបានថតពេលវេលាដ៏ស្រស់ស្អាតនៅពេលដែលអ្នកនេសាទព័ទ្ធជុំវិញសំណាញ់ពោរពេញដោយត្រី ដែលត្រូវបានទាញលើផ្ទៃសមុទ្រ។ អ្នកនេសាទបានកិនទឹកកកនិងទុកត្រីចូលក្នុងខាងក្រោមនាវា។ នៅក្រោមពន្លឺភ្លើង ទិដ្ឋភាពធ្វើការនៅពេលយប់ដែលមមាញឹក ប៉ុន្តែនៅតែមើលឃើញយ៉ាងច្បាស់អាវក្រហមដែលបោះពុម្ពទង់ជាតិជាមួយផ្កាយពណ៌លឿង។ នៅកណ្តាលសមុទ្រ ទង់ជាតិធ្វើឱ្យមានអារម្មណ៍ពិសិដ្ឋ។ អ្នកនេសាទTran Tuan Kiet បាននិយាយថា "បងប្អូនអ្នកនេសាទបានពាក់អាវនេះ ដើម្បីបង្ហាញពីក្តីស្នេហានឹងសមុទ្រ អ្នកនេសាទអមដំណើរជាមួយរដ្ឋដើម្បីការពារដែនសមុទ្រ" ។
នាវាលេខ ៦៧
កម្មវិធីប្រគល់ទង់ជាតិ ជូនដល់អ្នកនេសាទដែលបានបំផុសដោយកងទ័ពការពារព្រំដែនបានរួមចំណែកក្នុងការបង្កើនក្តីស្នេហារបស់អ្នកនេសាទចំពោះកោះនិងសមុទ្រនានា។ បច្ចុប្បន្ននេះបណ្តាខេត្តក្រុងមួយចំនួនដូចជាខេត្ត QuangNinh, Da Nang, SocTrang, QuangNgai, Quang Tri …បានប្រគល់ទង់ជាតិជូនដល់អ្នកនេសាទ។ នៅថ្ងៃដែលអ្នកនេសាទធ្វើដំណើរចេញទៅកាន់លំហរសមុទ្រ អ្នកនេសាទព្យួរទង់ជាតិនៅលើដំបូលកាប៊ីន។
នៅថ្ងៃដែលធ្វើដំណើរទៅកាន់លំហរសមុទ្រនៅដើមឆ្នាំក្រុមនាវានេសាទកាន់តែមានភាពរស់រវើក ដោយទង់ក្រហមជាមួយផ្កាយពណ៌លឿង។ រីឯនាវាដែលបានផលិតតាមក្រឹត្យលេខ ៦៧ របស់រដ្ឋាភិបាលដែលចាត់ទុកដូចជាមង្គោលដ៏រឹងមាំដែលបង្កើតសំលេងពីម៉ាស៊ីនយ៉ាងអ៊ូអរ។
ក្រៅពីនេះតាមកម្មវិធីផ្តល់ទង់ជាតិមាតុភូមិជូនដល់អ្នកនេសាទដែលបានរៀបចំដោយកងទ័ពការពារព្រំដែន ក្នុងឆ្នាំ ២០១៩ នាវាទាំងនោះក៏បានផ្តល់រូបថតលោកប្រធានហូជីមិញ។ ក្នុងរយៈពេល ជាច្រើនឆ្នាំកន្លងមក អ្នកនេសាទរស់នៅឆ្នេរសមុទ្រ នៅភាគកណ្តាលក្នុងរាល់ពិធីធ្វើដំណើរទៅកាន់លំហរសមុទ្រក៏បានដាក់រូបថតលោកប្រធានហូជីមិញនៅលើកាប៊ីន ។
នៅទ្វារសមុទ្រ Sa Huynh ឃុំ Pho Thanh ស្រុក Duc Pho ខេត្ត Quang Ngai នៅព្រឹកថ្ងៃទី ៣ នៃបុណ្យតេត អ្នកនេសាទរៀបចំ នាវាមួយដែលដឹករូបថតរបស់លោកប្រធានហូជីមិញ ព្យួរទង់ជាតិទង់ ៥ ពណ៌។ នាវានេះលេចចេញក្នុងការស្រែកហៅរបស់អ្នកនេសាទ និងបានចាកចេញពីកំពង់ផែសមុទ្រនោះ បន្ទាប់មកមាននាវាជាច្រើនបានធ្វើដំណើរតាម./.
(ប្រែសម្រួលដោយឌីណា)
មតិពីមិត្តអ្នកអាន