យុគសម័យ - ពេលវេលាថ្មីនេះ ទីក្រុង Nha Trang តែងតែបង្កើនការអនុវត្តសារាចលេខ ០១ ចុះថ្ងៃទី ៩ ខែមករាឆ្នាំ ២០១៥ របស់នាយករដ្ឋមន្រ្តីស្តីពីការរៀបចំចលនាប្រជាជនទាំងមូលចូលរួមក្នុងការការពារអធិបតេយ្យភាពទឹកដីនិងសន្តិសុខព្រំដែនជាតិក្នុងស្ថានភាពថ្មី ( ដំណាក់កាល ២០១៥-២០២០) និងទទួលបានលទ្ធផលសំខាន់ៗជាច្រើន។
ទីក្រុង Nha Trang អនុវត្តចលនាប្រជាជនទាំងមូលការពារអធិបតេយ្យភាពនិងសន្តិសុខព្រំដែនប្រកបដោយប្រសិទ្ធភាព។ (រូបថត៖ កាសែត Khanh Hoa)
ទីក្រុង Nha Trang ជាមជ្ឈមណ្ឌលសេដ្ឋកិច្ចនិងវប្បធម៌របស់ខេត្ត ដែលមានឃុំសង្កាត់និងសង្កាត់ចំនួន ១០/២៧ នៅតំបន់ព្រំដែនសមុទ្រ។ ដូច្នេះការស្ថាបនាចលនារបស់ប្រជាជនទាំងមូលចូលរួមក្នុងការការពារអធិបតេយ្យភាពទឹកដីនិងសន្តិសុខព្រំដែនជាតិដែលមានសារៈសំខាន់ណាស់។ គណៈកម្មាធិការប្រជាជនទីក្រុងនេះបានអនុវត្តន៍សារាចលេខ ០១ និងឯកសារពាក់ព័ន្ធនឹងការងារគ្រប់គ្រងនិងការពារព្រំដែនសមុទ្រនិងកោះដល់មន្ត្រីទាំងអស់ដែលទទួលបន្ទុកនៅមន្ទីរ ស្ថាប័ន កងកម្លាំងនិងអាជ្ញាធរ សង្កាត់និងប្រជាជននៅតំបន់ទីក្រុង។ ទន្ទឹមនឹងនេះគណៈកម្មាធិការប្រជាជនទីក្រុងបានចេញផែនការរៀបចំចលនាប្រជាជនទាំងមូលចូលរួមក្នុងការពារអធិបតេយ្យភាពទឹកដីនិងសន្តិសុខព្រំដែនជាតិក្នុងស្ថានភាពថ្មី។ ចាត់តាំងភារកិច្ចជាក់លាក់ជូនគណៈកម្មាធិការ មន្ទីរ ស្ថាប័ន កងកំលាំងនិងអាជ្ញាធរឃុំ - សង្កាត់នៅតាមតំបន់ជាប់ព្រំដែនក្នុងការអនុវត្តសារាចរលេខ ០១ ដែលជាមូលដ្ឋានសំរាប់ដាក់ចេញទិសដៅ វិធានការត្រឹមត្រូវ ដើម្បីប្រមូលកម្លាំងចូលរួមយ៉ាងសកម្មនិងចូលរួមក្នុងចលនានេះ។
លើសពីនេះទីក្រុងតែងតែដឹកនាំឃុំនិងសង្កាត់នៅតំបន់ជាប់ព្រំដែនសមុទ្រ ដើម្បីសម្របសម្រួលជាមួយអង្គភាពការពារព្រំដែន សំដៅអំពាវនាវក្រុមគ្រួសារនិងបុគ្គលនានាឱ្យចូលរួមក្នុងការធានាសុវត្ថិភាពនិងការពារអធិបតេយ្យភាព សន្តិសុខ លើសមុទ្រ។
ចាប់តាំងពីពេលនោះមក ស្មារតីនៃការទទួលខុសត្រូវរបស់ប្រជាជនចំពោះការគ្រប់គ្រងនិងការការពារអធិបតេយ្យភាពនិងសន្តិសុខព្រំដែនជាតិត្រូវបានលើកកម្ពស់កាន់តែខ្លាំង ដែលរួមចំណែកក្នុងការការពារ ប្រយុទ្ធនិងដោះស្រាយរាល់បញ្ហាកើតឡើង ក្នុងតំបន់ជាប់ព្រំដែននិងតំបន់ព្រំដែនប្រកបដោយប្រសិទ្ធភាព។
ក្នុងរយៈពេលកន្លងមក គណៈកម្មាធិការប្រជាជនទីក្រុងបានដឹកនាំប៉ុស្តិ៍ការពារព្រំដែននិងកងដើម្បីសម្របសម្រួលជាមួយមន្ទីរសាខាអង្គការមហាជននិងមូលដ្ឋានដើម្បីរៀបចំការឃោសនានិងកេណ្ឌប្រមូលអ្នកស្ម័គ្រចិត្តនិងបុគ្គល។ ចុះហត្ថលេខាលើ ការប្តេជ្ញាចិត្តចូលរួមការពារអធិបតេយ្យភាពទឹកដីនិងសន្តិសុខព្រំដែនជាតិ។
រហូតមកដល់ពេលនេះគណៈកម្មាធិការប្រជាជនទីក្រុងបានចេញសេចក្តីសំរេចបង្កើតក្រុមនាវាចំនួន ១២ ដើម្បីការពារបូរណភាពទឹកដីនិងសន្តិសុខព្រំដែនជាតិនៅសមុទ្រ។ គណៈកម្មាធិការប្រជាជនឃុំនិងសង្កាត់ នៅតំបន់ជាប់ព្រំដែនសមុទ្របានបង្កើតក្រុមគ្រប់គ្រងចំណតនាវាដោយខ្លួនឯងចំនួន ៣ និងក្រុមការពារសន្តិសុខចំនួន ១២៧ ។
តាមប្រធានគណៈកម្មាធិការប្រជាជនទីក្រុង Nha Trang ការអនុវត្ត ប្រកបដោយ ប្រសិទ្ធភាពនូវសារាចរលេខ ០១ របស់ លោកនាយករដ្ឋមន្រ្តីក្នុងរយៈពេលប៉ុន្មានឆ្នាំថ្មីៗ នេះបានរួមចំណែកក្នុងការការពារជាតិតជាប់នឹងសន្តិសុខដ៏រឹងមាំរបស់ប្រជាជន./.（បកប្រែដោយឌីណា）
មតិពីមិត្តអ្នកអាន