យុគសម័យ - ក្នុងរយៈពេលប៉ុន្មានឆ្នាំចុងក្រោយនេះ ពីអវត្តមាននៃផែនទីបច្ចេកវិទ្យាព័ត៌មានពិភពលោក វៀតណាមបានបោះជំហានយ៉ាងខ្លាំង ដើម្បីជាប់ចំណាត់ថ្នាក់ទី ៨ នៃសេវាកម្មបច្ចេកវិទ្យាព័ត៌មាន នៅតំបន់អាស៊ី-ប៉ាស៊ីហ្វិក។ វៀតណាម ជាប្រទេសមួយ ក្នុងចំណោមប្រទេសអាស៊ានឈានមុខគេទាំងបី ក្នុងការអភិវឌ្ឍ ខឿនសេដ្ឋកិច្ចឌីជីថល។ ដោយមានចំណាត់ថ្នាក់នេះវៀតណាមក៏បានជួយយ៉ាងសកម្មដល់បណ្តាប្រទេសក្នុងតំបន់ ដើម្បីអភិវឌ្ឍបច្ចេកវិទ្យាព័ត៌មាន ។
គាំទ្រដល់ប្រទេសអាស៊ានក្នុងការឃ្លាំមើលសុវត្ថិភាពនិងសន្តិសុខបណ្តាញអ៊ីនធើណិត
ក្រសួងព័ត៌មាននិងទូរគមនាគមន៍កំពុងសហការណ៍ជាមួយសហគ្រាសវៀតណាមដូចជា Viettel, VNPT, BKAV ដើម្បីគាំទ្រដល់បណ្តាប្រទេសអាស៊ាន រួមមាន៖ឡាវ កម្ពុជា និងមីយ៉ាន់ម៉ា ក្នុងការកសាងនិងដាក់ឱ្យដំណើរការមជ្ឈមណ្ឌលត្រួតពិនិត្យសុវត្ថិភាព សន្តិសុខបណ្តាញអ៊ីនធើណិត។
ប្រព័ន្ធទាំងមូលនឹងរួមបញ្ចូលទាំងការត្រួតពិនិត្យ ការវិភាគ ការព្រមាននិងដំណោះស្រាយយ៉ាងឆាប់រហ័សនូវឧប្បត្តិហេតុដែលគំរាមកំហែងដល់ សុវត្ថិភាពនិងសន្តិភាពបណ្តាញអ៊ីនធើណិត។ ក្រៅពីនេះ វៀតណាមក៏គាំទ្រដល់ដំណើរការកសាងនិងបណ្តុះបណ្តាលធនធានមនុស្សសម្រាប់បណ្តាប្រទេស។
ប្រទេសវៀតណាមបានបង្ហាញតួនាទីរបស់ខ្លួន ក្នុងតំបន់និងលើពិភពលោកទាក់ទងនឹងសុវត្ថិភាពនិងសន្តិសុខបណ្តាញអ៊ីនធើណិត (រូបថត៖ VNPT) ។
ចូលរួមវិភាគទានបដិវត្តឧស្សាហកម្ម ៤.០ ក្នុងតំបន់អាស៊ាន
បច្ចុប្បន្ននេះ សហគ្រាសវៀតណាមកំពុងពង្រីកទីផ្សាររបស់ខ្លួនយ៉ាងសកម្មបង្កើតការផ្លាស់ប្តូរជាវិជ្ជមាន ក្នុងវិស័យបច្ចេកវិទ្យាព័ត៌មាននិងទូរគមនាគមន៍នៅក្នុងប្រទេសដទៃទៀតក្នុងតំបន់។
ក្រុមហ៊ុន Viettel គឺជាក្រុមហ៊ុនឈានមុខគេ ក្នុងការវិនិយោគអភិវឌ្ឍហេដ្ឋារចនាសម្ព័ន្ធលើបច្ចេកវិទ្យាព័ត៌មាន នៅប្រទេសឡាវ កម្ពុជា មីយ៉ាន់ម៉ានិងប្រទេសមួយចំនួនទៀត ដោយចំណាយតិច រួមចំណែកក្នុងការសម្រេចឲ្យបានគ្រប់គ្នាទូរគមនាគមន៍ - សេវាអ៊ីនធើណិត ដល់ប្រជាជនទាំងអស់ រួមទាំងតំបន់ដាច់ស្រយាលនិងតំបន់ភ្នំព្រៃ។ ការគ្របដណ្តប់សេវាកម្ម 4G ត្រូវបានគេចាត់ទុកថា ជាចំណុចសំខាន់មួយ ដើម្បីជួយប្រទេសនានាក្នុងការអនុវត្តគម្រោង ៤.០ ក្នុងវិស័យផ្សេងៗគ្នា ជាច្រើន។
នៅឆ្នាំ ២០១៧ ក្រុមហ៊ុន Metfone របស់ក្រុមហ៊ុន Viettel បានជួយប្រទេសកម្ពុជាក្នុងការអភិវឌ្ឍគម្រោងរាជរដ្ឋដ្ឋាភិបាលអេឡិចត្រូនិក។ នៅឆ្នាំ ២០១៧ នៅប្រទេសឡាវ បណ្តាញទូរស័ព្ទចល័ត Unitel វិនិយោគដោយក្រុមហ៊ុន Viettel និងក្រសួង ស្ថាប័នពាក់ព័ន្ធនៃរដ្ឋាភិបាលឡាវ បានអនុវត្តគម្រោងសង្គមឆ្លាតវៃចំនួន ៦ ដែលឈានមុខគេ ក្នុងការអនុវត្តដំណោះស្រាយហិរញ្ញវត្ថុនិងធនាគារ ៤.០ និងពាណិជ្ជកម្មឌីជីថល ទិន្នន័យនូវសុខាភិបាល អប់រំ ... ជាមួយនឹងបំណងប្រាថ្នាដើម្បីនាំមកនូវជីវិតស៊ីកាន់តែទំនើបដល់ប្រជាជន។
បណ្តាញអ៊ីនធើណិតរបស់ក្រុមហ៊ុន Metfone ជួយប្រជាជនកម្ពុជាភ្ជាប់អ៊ីណធើណិត ដែលមានតំលៃថោក (ប្រភព៖ កាសែត Nhan Dan) ។
បច្ចុប្បន្ន ក្រុមហ៊ុន Viettel កំពុងសាកល្បងសេវាកម្ម 5G ប្រកបដោយជោគជ័យនៅក្នុងប្រទេសទាំងបីដែលបានលើកឡើងខាងលើ ដោយការបោះជំហានទៅមុខមួយជំហានទៀត ក្នុងការអភិវឌ្ឍហេដ្ឋារចនាសម្ព័ន្ធទូរគមនាគមន៍និយាយរួមនិងជាពិសេសបច្ចេកវិទ្យាព័ត៌មានក្នុងប្រទេសទាំងនេះ។
គាំទ្រដល់ការបណ្តុះបណ្តាលធនធានមនុស្សផ្នែកព័ត៌មានវិទ្យាសម្រាប់ប្រទេសក្នុងតំបន់
ក្រៅពីជួយដល់បណ្តាប្រទេសក្នុងតំបន ក្នុងការអភិវឌ្ឍហេដ្ឋារចនាសម្ព័ន្ធបច្ចេកវិទ្យាព័ត៌មាននិងសេវាកម្មទូរគមនាគមន៍ ប្រទេសវៀតណាមក៏គាំទ្រយ៉ាងសកម្មដល់បណ្តាប្រទេសនានា ក្នុងការអភិវឌ្ឍធនធានមនុស្សនៃផ្នែកបច្ចេកវិទ្យាព័ត៌មាន។
ថ្មីៗនេះប្រទេសវៀតណាមទើបតែបានបញ្ចប់វគ្គបណ្តុះបណ្តាលស្តីពីការបណ្តុះបណ្តាលធនធានមនុស្សនៃផ្នែកបច្ចេកវិទ្យព័ត៌មាន សម្រាប់សមាជិកនៃអគ្គលេខាធិការដ្ឋានរដ្ឋសភាតាមកិច្ចព្រមព្រៀងសហប្រតិបត្តិការដែលបានចុះហត្ថលេខារវាងអគ្គលេខាធិការរដ្ឋសភានៃប្រទេសទាំងពីរ។
ជាលទ្ធផល សិក្ខាកាមបានបញ្ចប់គម្រោងសិក្សាផ្នែកទន់ ថែមទាំងទទួលការកោតសរសើរយ៉ាងខ្លាំងពីអ្នកជំនាញ Aptech ផងដែរ ។ លោក Chu Tuan Anh នាយកក្រុមហ៊ុន Aptech បានចែករំលែកថា៖“ ក្រៅពី ការផ្តល់ចំណេះដឹងនៃផ្នែកកសាងកម្មវិធី សិក្ខាកាមត្រូវបានបំពាក់នូវសមត្ថភាពក្នុងការចាប់យកបច្ចេកវិទ្យាព័ត៌មាន ដើម្បីពួកគេអាចធ្វើបច្ចុប្បន្នភាពខ្លួនយ៉ាងឆាប់រហ័ស និងចាប់យកនិន្នាការបច្ចេកវិទ្យាព័ត៌មានថ្មីៗ ។ ។ នេះគឺជាមូលដ្ឋានសម្រាប់ការអភិវឌ្ឍធនធានមនុស្សផ្នែកបច្ចេកវិទ្យាព័ត៌មាន ប្រកបដោយមានគុណភាពខ្ពស់សម្រាប់រដ្ឋាភិបាលកម្ពុជា។
ដោយមានការគាំទ្រនិងកិច្ចសហប្រតិបត្តិការដែលទទួលបានការកោតសរសើរយ៉ាងខ្លាំង ពីបណ្តាប្រទេសខាងលើ វៀតណាមបានអះអាងកាន់តែខ្លាំងនូវតួនាទីរបស់ខ្លួន វៀតណាមជាប្រទេសមួយដែលមានគ្រឹះស្ថានបច្ចេកវិទ្យាពត៌មានដ៏រឹងមាំ នៅក្នុងតំបន់។ លើសពីនេះទៀត វៀតណាមបង្ហាញពីស្មារតីសាមគ្គីភាពនិងកិច្ចសហប្រតិបត្តិការជាមួយប្រទេសដទៃទៀត ក្នុងយុគសម័យបច្ចេកវិទ្យាថ្មីមួយ./.
（បកប្រែដោយឌីណា）
មតិពីមិត្តអ្នកអាន