Trending now

ប្រទេសចិន ជប៉ុន និងកូរ៉េខាងត្បូងបានសន្យាបន្តគាំទ្រដល់អាស៊ាន

12:16 | 19/05/2019 (ប្រភព៖ vietnamplus.vn បកប្រែ ដោយ ហេង វុធ្ធី)

យុគ្គសម័យ - ប្រទេសចិន ជប៉ុន និងកូរ៉េខាងត្បូង បានសន្យាថានឹងបន្តផ្តល់អាទិភាពនានា ដើម្បីគាំទ្រអាស៊ានក្នុងការកសាងសហគមន៍ ព្រមទាំងអនុវត្តន៍ឲ្យបានជោគជ័យនូវចក្ខុវិស័យសហគមន៍អាស៊ានឆ្នាំ ២០២៥ ។

រូបថតឧទាហរណ៍ (vietnamplus.vn)

អ្នកសារព័ត៌មានវៀតណាមប្រចាំនៅនៅឥណ្ឌូនេស៊ីបានជូនដកស្រង់សេចក្តីជូនដំណឹងរបស់គណៈប្រតិភូវៀតណាមដែលកំពុងបំពេញបេសកកម្មនៅអាស៊ាន បានឲ្យដឹងថា នាថ្ងៃទី ១៧ ខែឧសភា កិច្ចប្រជុំលើកទី ១០ នៃគណៈកម្មាធិការអចិន្ត្រៃយ៍តំណាងនៅអាស៊ាន និងឯកអគ្គរដ្ឋទូតនៃប្រទេសជាដៃគូចំនួន ៣ ក្នុងក្របខ័ណ្ឌអាស៊ាន+៣ (រួមមានប្រទេសចិន ជប៉ុន និងកូរ៉េ) បានប្រព្រឹត្តទៅនៅទីស្នាក់ការនៃលេខាធិការដ្ឋានអាស៊ានប្រចាំនៅទីក្រុងហ្សាកាតា (ប្រទេសឥណ្ឌូនេស៊ី)។ លោក Tran Duc Binh ឯកអគ្គរដ្ឋទូតវៀតណាមប្រចាំអាស៊ានក៏បានចូលរួមកិច្ចប្រជុំនេះ។

កិច្ចប្រជុំនេះបានកត់សម្គាល់នូវការវិវឌ្ឍន៍វិជ្ជមានក្នុងកិច្ចសហប្រតិបត្តិការអាស៊ាន +៣ នៅលើគ្រប់វិស័យដូចជា សន្តិសុខ- នយោបាយ សេដ្ឋកិច្ច វប្បធម៌-សង្គម ការធ្វើសមាហរណកម្មក្នុងតំបន់ និងការបង្រួមគម្លាតនៃការអភិវឌ្ឍក្នុងក្នុងរយៈពេលកន្លង មក។ ការអនុវត្តរាល់ផែនការអាស៊ាន+៣ បាននាំមកនូវអត្ថប្រយោជន៍ជាក់ស្តែងជាច្រើនដល់ប្រជាជននៃបណ្តាប្រទេសអាស៊ាននិងតំបន់ ជាពិសេសមានគម្រោងចំនួន ១៦ នៃកិច្ចសហប្រតិបត្តិការនិងជួយឧបត្ថម្ភគាំទ្រដល់ការលើកស្ទួយសមត្ថភាពសម្រាប់អាស៊ានក្រោមក្របខ័ណ្ឌនៃមូលនិធិកិច្ចសហប្រតិបត្តិការអាស៊ាន+៣ ដោយមានទឹកប្រាក់ប្រមាណ១,៥ លានដុល្លារអាមេរិក បាននិងកំពុងអនុវត្តតាមកម្រិតផ្សេងៗគ្នាផងដែរ។

គួរជម្រាបថា ប្រទេសចិន ជប៉ុន និងកូរ៉េខាងត្បូង បានសន្យាថានឹងបន្តផ្តល់អាទិភាពលើប្រភពធនធាននានាដើម្បីគាំទ្រដល់អាស៊ានក្នុងការកសាងសហគមន៍ និងអនុវត្តចក្ខុវិស័យសហគមន៍អាស៊ានឆ្នាំ ២០២៥ ប្រកបដោយជោគជ័យ ព្រមទាំងបង្រួមគម្លាតនៃការអភិវឌ្ឍន៍តាមរយៈការអនុវត្តគំនិតផ្តួចផ្តើមធ្វើសមាហរណកម្មអាស៊ាន និងផែនការមេស្តីពីការតភ្ជាប់អាស៊ានឆ្នាំ២០១៥។ លើកពីនេះទៀត បណ្តាប្រទេសក៏ផ្ដោតលើការផ្តល់អាទិភាពក្នុងការអនុវត្តន៍គំនិតផ្តួចផ្តើមនៃការតភ្ជាប់ហេដ្ឋារចនាសម្ព័ន្ធ និងចូលរួមក្នុងគំនិតផ្តួចផ្តើមបណ្តាញទីក្រុងឆ្លាតអាស៊ាន ព្រមទាំងឆាប់បញ្ចប់កិច្ចចរចារលើកិច្ចព្រមព្រៀងភាពជាដៃគូគ្រប់ជ្រុងជ្រោយក្នុងតំបន់ (RCEP) ក្នុងឆ្នាំ ២០១៩ នេះផងដែរ៕

(ប្រភព៖ vietnamplus.vn បកប្រែ ដោយ ហេង វុធ្ធី)

(ប្រភព៖ vietnamplus.vn បកប្រែ ដោយ ហេង វុធ្ធី)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់