យុគសម័យ - ប្រទេសវៀតណាមគឺជាប្រទេសមួយដែលមានទេសភាពធម្មជាតិដ៏ស្រសស្អាតនៅលើពិភពលោក ពីវាលស្រែកាំជណ្តើដ៏បៃតងនៅ Sapa ដល់ឆ្នេរខ្សាច់ពណ៌សនៅកោះ Phu Quoc ជាដើម។ ទេសភាពទាំងនេះបានទាក់ទាញភ្ញៀវទេសចរអន្តរជាតិរាប់លាននាក់មកទស្សនានៅ វៀតណាម។ សូមអញ្ជើញភ្ញៀវទេសចរស្វែងរកបន្ថែមអំពីគោលដៅទេសចរណ៍ដ៏គួរទាក់ចិត្តមួយចំនួននៅវៀតណាមដូចខាងក្រោម។
ផ្សារអណ្តែតទឹក Cai Rang
២. ស្វាគមន៍ព្រះអាទិត្យរះនៅ Phu Yen។ Dai Lanh គឺភ្នំមួយក្នុងចំណោមជួរភ្នំ Truong ដែលស្ថិតនៅភូមិ Phuoc Tan ឃុំ Hoa Tam ស្រុក Dong Hoa ខេត្ត Phu Yen ។ នេះគឺជាកន្លែងគួរឲ្យល្អបំផុត ដែលត្រូវបានគេចាត់ទុកជា "ទីកន្លែងស្វាគមន៍ព្រះអាទិត្យរះនៅលើទឹកដីវៀតណាម"។
ស្វាគមន៍ព្រះអាទិត្យរះនៅ Phu Yen
៣. ទៅទស្សនានៅភាគពាយ័ព្យវៀតណាមដើម្បីគយគន់រដូវស្រូវទុំ។ ការធ្វើដំណើរទេសចរទៅកាន់ភាគខាងពាយ័ព្យវៀតណាមមុនដំណាច់ឆ្នាំ ភ្ញៀវទេសចរអាចមើលឃើញទេសភាពដែលវាលស្រែកាំជណ្តើរមានពណ៌លឿងពោរពេញនៅគ្រប់តំបន់នេះ។ ទេសភាពដ៏ស្រស់ស្អាតនៅទីនេះអាចធ្វើឲ្យអ្នករំភើបចិត្តយ៉ាងអាឡោះអាល័យ ខណៈដែលដាក់ជើងទៅលើតំបន់នេះ កន្លែងដ៏ស្រស់ស្អាតបំផុតដែលភ្ញៀវទេសចរគួរទៅទស្សនាគឺភូមិ Nam Ty (Hoang Su Phi - Ha Giang), Mu Cang Chai (ខែត្ត Yen Bai)និង វាលស្រែគាំជណ្ដើរ Sapa ។វាលស្រែគាំជណ្ដើរ Sapa
៤. ឡើងភ្នំ Fansipan ។ Fansipan គឺជាភ្នំខ្ពស់បំផុតនៅវៀតណាមដែលគេហៅថា "ដំបូលនៃ ឥណ្ឌូចិន" ។ ដោយមានកម្ពស់ ៣,១៤៣ ម៉ែត្រពីលើនីវ៉ូទឹកសមុទ្រ នេះគឺជាកន្លែងដែលអ្នកចូលចិត្តផ្សងព្រេង និងមានបំណងចង់ធ្វើជាម្ចាស់កំពូលនៅទីនេះផងដែរ។កំពូលភ្នំ Fansipan
៥. ឈូងសមុទ្រ Halong ។ ឈូងសមុទ្រ Halong មិនត្រឹមតែជាតំបន់ទេសចរណ៍ដ៏ល្បីល្បាញមួយនៅវៀតណាមប៉ុណ្ណោះទេ ថែមទាំងត្រូវបានតម្កើងកិត្តិយសនៅលើពិភពលោកទៀតផង ដោយសារឈូរសមុទ្រ Ha Long ត្រូវបានគេទទួលស្គាលជាអច្ឆរិយធម្មជាតិមួយក្នុងចំណោមអច្ឆរិយធម្មជាតិ៧ នៅលើពិភពលោក និងជាទិសដៅទេសចរពេញនិយមបំផុតសម្រាប់ភ្ញៀវទេសចរជាច្រើនផងដែរ។
ឈូងសមុទ្រ Halong
៦. ស្វែងរករូងភ្នំ Son Dong។ រូងភ្នំ Son Doong ស្ថិតនៅឃុំ Son Trach ស្រុក Bo Trach ខេត្ត Quang Binh ដែលត្រូវបានគេចាត់ទុកថាជារូងភ្នំធម្មជាតិធំជាងគេបំផុតនៅក្នុងពិភពលោក។ រូងភ្នំនេះស្ថិតនៅក្នុងរូងភ្នំ Phong Nha - Ke Bang។ រូងភ្នំ Son Doong មានកម្ពស់ជាង ២០០ ម៉ែត្រ ទទឹង ១៥០ ម៉ែត្រ ប្រវែងយ៉ាងហោចណាស់ ៦.៥ គីឡូម៉ែត្រ។ រូងភ្នំ Son Doong បង្កើតការបំផុសគំនិតនិងទាក់ទាញអ្នកផ្សងព្រេងជាច្រើនមកទស្សនានិងស្វែងរកក្នុងរូងភ្នំយក្សមួយនេះផងដែរ។រូងភ្នំ Son Dong
៧. មុជទឹកកម្សាន្តនៅកោះ Phu Quoc ។ កោះ Phu Quoc (ឬហៅថាកោះត្បូង) គឺជាកោះធំបំផុតនៅវៀតណាម ដោយសន្យាថានឹងនាំមកនូវអ្វីដែលគួរឱ្យចាប់អារម្មណ៍ជាច្រើនដើម្បីស្វាគមន៍ភ្ញៀវទេសចរ។ កោះ Phu Quoc មិនត្រឹមតែមានទស្សនីយភាពធម្មជាតិដ៏អស្ចារ្យប៉ុណ្ណោះទេ ប៉ុន្តែថែមទាំងជាបទពិសោធមួយសំរាប់អ្នកចង់មុជទឹកកំសាន្តនិងមើលផ្កាថ្មដ៏ស្អាតនៅទីនេះទៀត ផង។ ពេលវេលាដ៏ល្អបំផុតដើម្បីទៅទស្សនាកោះ Phu Quoc គឺចាប់ពីខែធ្នូដល់ខែមីនាឆ្នាំបន្ត ទៀត។មុជទឹកកម្សាន្តនៅកោះ Phu Quoc
៨. ទស្សនាពិធីបុណ្យអណ្តែតចង្កៀងចង្កោម Hoi An។ ទីក្រុងបុរាណ Hoi An មានសម្រស់បុរាណ និងទាក់ទាញចិត្តយ៉ាងជ្រៅក្នុងបេះដូងភ្ញៀវទេចរ។ នៅទីនេះ ភ្ញៀវទេសចរអាចសាកល្បងជិះទូកតូចៗតាមបណ្តោយដងទន្លេ Hoai ដើម្បីទសស្សនាទីប្រជុំជននៅផ្លូវបុរាណដ៏ទាក់ភ្នែកផងដែរ។ អ្នកនឹងមានអារម្មណ៍ដូចជាចូលទៅក្នុងពិភពសន្តិភាពខុសប្លែកពីជីវិតប្រចាំថ្ងៃនៅទីក្រុងផងដែរ៕
ពិធីបុណ្យអណ្តែតចង្កៀងចង្កោម Hoi An
(ដោយ ហេង វុធ្ធី)
មតិពីមិត្តអ្នកអាន