យុគសម័យ - នៅវេលាម៉ោង ៦ និង ៤០ នាទី ល្ងាចថ្ងៃទី ២០ ខែឧសភា ម៉ោងក្នុងស្រុក (ពោលគឺម៉ោង ១០ និង ៤០នាទីល្ងាចថ្ងៃដដែល តាមម៉ោងនៅវៀតណាម) នាយករដ្ឋមន្ត្រីវៀតណាម លោក Nguyen Xuan Phuc និងគណៈប្រតិភូជាន់ខ្ពស់វៀតណាម បានទៅដល់ព្រលានយន្តហោះ Pulkovo ១ នៃទីក្រុង Saint Petersburg ដើម្បីចាប់ផ្តើមដំណើរទស្សនកិច្ចជាផ្លូវការទៅកាន់សហព័ន្ធរុស្ស៊ី។
នាយករដ្ឋមន្ត្រី លោក Nguyen Xuan Phuc និងភរិយា បានអញ្ជើញមកដល់ ព្រលានយន្តហោះ Pulkovo ១ នៃទីក្រុង Saint Peterburg ដើម្បីចាប់ផ្តើមដំណើរទស្សនកិច្ចជាមផ្លូវការនៅសហព័ន្ធរុស្សី (រូបថតៈ VGP/Quang Hieu)
អញ្ជើញទទួលស្វាគមន៍លោកនាយករដ្ឋមន្ត្រីនិងលោកជំទាវរួមទាំងគណៈប្រតិភូនៅឯព្រលានយន្តហោះ មានវត្តមានឯកអគ្គរដ្ឋទូតរុស្ស៊ីប្រចាំនៅវៀតណាម លោក Konstantin Vnukov; ថ្នាក់ដឹកនាំទីក្រុង Saint Petersburg; តំណាងក្រសួងការបរទេសនៃសហព័ន្ធរុស្ស៊ីនិងភាគីវៀតណាមមានវត្តមានឯកអគ្គរដ្ឋទូតវៀតណាមប្រចាំនៅសហព័ន្ធរុស្ស៊ី លោក Ngo Duc Manh និងមន្ត្រីនិងបុគ្គលិកស្ថានៃនទូត វៀតណាមប្រចាំនៅរុស្ស៊ី រួមទាំងតំណាងសហគមន៍ជនវៀតណាមនៅ Saint Petersburg ផងដែរ។
រូបថតៈ Quang Hieu
យោងតាមកម្មវិធីការងារនៅទីក្រុង Saint Petersburg ដែលជាទីក្រុងមួយក្នុងចំណោមទីក្រុងធំៗ ៣ របស់រុស្ស៊ី លោកនាយករដ្ឋមន្រ្តីគ្រោងនឹងចូលរួមការតាំងពិព័រណ៍ “វប្បធ៌មបុរាណវៀតណាម” ដែលបានធ្វើឡើងនៅវិមានរដូវរងារលើកដំបូង។ កម្មវិធីនេះបានប្រព្រឹត្តទៅក្នុងក្របខ័ណ្ឌនៃ ឆ្នាំវៀតណាមនៅរុស្ស៊ីនិងឆ្នាំរុស្ស៊ីនៅវៀតណាម។
រូបថតៈ Quang Hieu
ក្នុងអំឡុងពេលដ៏ខ្លីនៅក្នុងទីក្រុង Saint Petersburg នាយករដ្ឋមន្ត្រី លោក Nguyen Xuan Phuc នឹងអញ្ជើញទៅដាក់ផ្កានៅមណ្ឌលរំលឹកវិញ្ញាណក្ខ័ន្ធ-ឈាយបនដ្ឋាន Piskaryosko; ទស្សនាតំបន់អនុស្សាវរីយ៍ ឡេនីន និងជួបសន្ទនាជាមួយអភិបាល Saint Petersburg ផងដែរ។
រូបថតៈ Quang Hieu
បន្ទាប់មក លោកនាយករដ្ឋមន្ត្រីនឹងអញ្ជើញធ្វើទៅកាន់ទីក្រុងម៉ូស្គូ ដើម្បីបន្តដំណើរទស្សនកិច្ចជាផ្លូវការទៅសហព័ន្ធរុស្ស៊ីដោយមានសកម្មភាពជាច្រើន ដូចជា កិច្ចពិភាក្សា និងជួបសវនាការជាមួយមេដឹកនាំរុស្ស៊ីនិងរួមជាមួយនាយករដ្ឋមន្ត្រីនៃប្រទេសរុស្ស៊ីធ្វើជាអធិបតីក្នុងពិធីបើកឆ្នាំរុស្ស៊ីនៅវៀតណាមនិងឆ្នាំវៀតណាមនៅរុស្ស៊ី; ចូលរួមវេទិកាធុរកិច្ចវៀតណាម - រុស្ស៊ី;ទទួលជួបជាមួយសហគ្រាសធំៗ មួយចំនួនរបស់រុស្ស៊ី; ជួបជាមួយសមាគមអតីតយុទ្ធជនចូលរួមសង្គ្រាមនៅវៀត ណាម; សមាគមមិត្តភាពរុស្ស៊ី - វៀតណាមនិងប្រគល់គ្រឿងឥស្សរិយយសមិត្តភាពដល់ពលរដ្ឋរុស្ស៊ីមួយចំនួន ដែលបានរួមចំណែកវិជ្ជមានចំពោះទំនាក់ទំនងរវាងប្រទេសទាំងពីរផងដែរ៕
(យោងតាម chinhphu.vn បកប្រែដោយស្រីពេជ្រ)
មតិពីមិត្តអ្នកអាន