អាស៊ាន ២០២០៖ ជំរុញកិច្ចសហប្រតិបត្តិការការពារជាតិអាស៊ាន - អូស្ត្រាលី

ប្រធានក្រុមនៃបណ្តាប្រទេសអាស៊ាន អគ្គលេខាធិការអាស៊ាន និងរដ្ឋមន្រ្តីក្រសួងការពារជាតិអូស្ត្រាលីលោកស្រី Linda Reynold បានថតរូបរួម។ (ប្រភព៖ TTXVN)

កិច្ចប្រជុំនេះមានការអញ្ជើញចូលរួមពីថ្នាក់ដឹកនាំក្រសួងការពារជាតិអាស៊ាននិងលោកស្រី Linda Reynolds រដ្ឋមន្ត្រីការពារជាតិអូស្ត្រាលី។

ថ្លែងនៅក្នុងកិច្ចប្រជុំនេះ លោករដ្ឋមន្រ្តី Ngo Xuan Lich បានថ្លែងអំណរគុណចំពោះវត្តមានរបស់រដ្ឋមន្រ្តីការពារជាតិអាស៊ាន។ នេះជាលើកទី ១ ហើយដែលភាគីទាំងពីរបើកកិច្ចប្រជុំដើម្បីផ្លាស់ប្តូរទស្សនៈស្តីពីស្ថានភាពសន្តិសុខក្នុងតំបន់ក៏ដូចជាជំរុញកិច្ចសហប្រតិបត្តិការការពារជាតិរវាងអាស៊ាននិងអូស្ត្រាលី។

ក្នុងនាមរដ្ឋមន្រ្តីក្រសួងការពារជាតិអាស៊ាន លោករដ្ឋមន្រ្តី Ngo Xuan Lich បានចូលរួមរំលែកទុក្ខយ៉ាងក្រៀមក្រំចំពោះក្រុមគ្រួសារជនរងគ្រោះដោយគ្រោះមហន្តរាយភ្លើងឆេះព្រៃនៅប្រទេសអូស្ត្រាលី។

នាយឧត្តមសេនីយ៍ Ngo Xuan Lich បានកោតសរសើរចំពោះកិច្ចខិតខំប្រឹងប្រែងរបស់រដ្ឋាភិបាលនិងកងទ័ពអូស្ត្រាលីក្នុងការជៀសផុតពីផលវិបាកនៃគ្រោះមហន្តរាយភ្លើងឆេះព្រៃនាពេលថ្មីៗនេះដើម្បីឱ្យជីវិតរស់នៅរបស់ប្រជាជនក្នុងតំបន់នេះបានវិលទៅរកសន្តិភាពជាបណ្តើរ ៗ ។

រដ្ឋមន្រ្តីក្រសួងការពារជាតិវៀតណាមបានសង្កត់ធ្ងន់ថាកិច្ចសហប្រតិបត្តិការអាស៊ាន - អូស្រ្តាលីមានប្រវត្តិយូរអង្វែងដែលបានបង្កើតឡើងក្នុងឆ្នាំ ១៩៧៤ និងបានធ្វើឱ្យប្រសើរឡើងនូវទំនាក់ទំនងភាពជាដៃគូយុទ្ធសាស្ត្រក្នុងឆ្នាំ ២០១៤។ ប្រទេសអូស្រ្តាលីគឺជាប្រទេសដំបូងគេដែលបង្កើតទំនាក់ទំនងភាពជាដៃគូនិងដៃគូសន្ទនាជាផ្លូវការជាមួយអាស៊ានលើវិស័យនយោបាយសេដ្ឋកិច្ចនិងកិច្ចសហប្រតិបត្តិការឯកទេសទាំងបី។

លោករដ្ឋមន្រ្តី Ngo Xuan Lịch បានថ្លែងថា៖ “អាចបញ្ជាក់បានថាអូស្រ្តាលីជាដៃគូសំខាន់ឈានមុខគេរបស់អាស៊ានលើវិស័យជាច្រើននិងបានចូលរួមវិភាគទានយ៉ាងសំខាន់ដល់យន្តការសហប្រតិបត្តិការដែលដឹកនាំដោយអាស៊ានក្នុងតំបន់។ អាស៊ានយកចិត្តទុកដាក់លើការជំរុញទំនាក់ទំនងអាស៊ាន - អូស្រ្តាលីដែលបានសង្ខេបតាមរយៈផែនការសកម្មភាពដើម្បីអនុវត្តទំនាក់ទំនងភាពជាដៃគូយុទ្ធសាស្ត្រអាស៊ាន - អូស្ត្រាលី”។

ទាក់ទិននឹងកិច្ចសហប្រតិបត្តិការការពារជាតិក្នុងក្របខ័ណ្ឌអាស៊ាន លោករដ្ឋមន្ត្រី Ngo Xuan Lich បានថ្លែងអំណរគុណចំពោះការចូលរួមចំណែករបស់អូស្រ្តាលីក្នុងរយៈពេលកន្លងមក ជាពិសេសតាមរយៈក្រុមជំនាញក្នុងក្របខ័ណ្ឌ ADMM + ។

តាមរយៈកិច្ចប្រជុំនេះ លោករដ្ឋមន្រ្តី Ngo Xuan Lich សង្ឃឹមថាភាគីទាំងពីរនឹងមានឱកាសពិភាក្សាអំពីទិសដៅនិងវិធានការដើម្បីជំរុញកិច្ចសហប្រតិបត្តិការលើវិស័យដែលមានផលប្រយោជន៍រួម។

លោកស្រីរដ្ឋមន្រ្តី Linda Reynolds បានសង្កត់ធ្ងន់ថា អូស្ត្រាលីយកចិត្តទុកដាក់លើទំនាក់ទំនងជាមួយអាស៊ាន និងអូស្រ្តាលីមានមោទនភាពដែលបានក្លាយជាប្រទេសដំបូងគេដែលបង្កើតទំនាក់ទំនងភាពជាដៃគូនិងកិច្ចសន្ទនាជាមួយអាស៊ាន។

លោកស្រី Linda Reynolds បានបញ្ជាក់ពីសារៈសំខាន់នៃអាស៊ានក្នុងតំបន់ និងសង្កត់ធ្ងន់ថាទំនាក់ទំនងអូស្ត្រាលី - អាស៊ានបន្តអភិវឌ្ឍដើម្បីទប់ទល់នឹងបញ្ហាប្រឈមរបស់យុគសម័យ ទន្ទឹមនឹងនេះដែរ ឆ្លុះបញ្ចាំងពីតួនាទីសំខាន់របស់អាស៊ាន។

អាស៊ានដើរតួនាទីយ៉ាងសំខាន់ក្នុងការធ្វើឱ្យមហាសមុទ្រឥណ្ឌូ - ប៉ាស៊ីហ្វិកក្លាយជាតំបន់ដែលមានវិបុលភាពបំផុតនៅលើពិភពលោកហើយបានចូលរួមចំណែកយ៉ាងសំខាន់ដល់តំបន់តាមរយៈសមិទ្ធិផលជាបន្តបន្ទាប់ដូចជាការលើកកម្ពស់ ការសន្ទនានិងការដោះស្រាយជម្លោះដោយសន្តិវិធី៕

（ប្រែសម្រូលដោយវិច្ឆិកា）

（ប្រែសម្រូលដោយវិច្ឆិកា）