Trending now

អនុរដ្ឋមន្ត្រីការបរទេសឡាតវីចូលរួមការពិគ្រោះយោបល់នយោបាយនៅវៀតណាម

22:26 | 12/06/2018 (ដោយ ស្រីព្រេជ)

យុគសម័យ - យោងតាមកិច្ចព្រមព្រៀងរវាងក្រសួងការបរទេសនៃប្រទេសទាំងពីរ នាថ្ងៃទី១២មិថុនា អនុរដ្ឋមន្ត្រីក្រសួងការបរទេសវៀតណាម លោក Bui Thanh Son បានអញ្ជើញរៀបចំជំនួបពិគ្រោះនយោបាយជាមួយរដ្ឋលេខាធិការក្រសួងការបរទេសឡាតវី លោក Andrejs Pildegovics។

អនុរដ្ឋមន្ត្រីក្រសួងការបរទេសវៀតណាម លោក Bui Thanh Son និងរដ្ឋលេខាធិការក្រសួងការបរទេសឡាតវី លោក Andrejs Pildegovics (រូបថតៈ ក្រសួងការបរទេសវៀតណាម)

ក្នុងជំនួបនេះ ភាគីទាំងពីរបានសម្តែងនូវការពេញចិត្តចំពោះការរីកចម្រើនក្នុងទំនាក់ទំនងមិត្តភាពជាប្រពៃណីរវាង វៀតណាមជាមួយឡាតវីនាពេលកន្លងទៅ ជាពិសេសគឺដំណើរទស្សនកិច្ចជាផ្លូវការនៅឡាតវីរបស់អនុប្រធានរដ្ឋវៀតណាម លោកស្រី Dang Thi Ngoc Thinh កាលពីខែតុលាឆ្នាំ២០១៧។

អនុរដ្ឋមន្ត្រីក្រសួងការបរទេសវៀតណាម លោក Bui Thanh Son អញ្ជើញថ្លែងមតិក្នុងពិធី (រូបថតៈ ក្រសួងការបរទេសវៀតណាម)

ភាគីទាំងពីរបានគាំទញរនូវកិច្ចសហប្រតិបត្តិការយ៉ាងជិតស្និទ្ធនៅបណ្តាវេទិកាអន្តរជាតិនិងតំបន់ ជាពិសេសនៅអង្គការសហប្រជាជាតិនិង ASEM។ អនុរដ្ឋមន្ត្រីការបរទេសវៀតណាម លោក Bui Thanh Son បានថ្លែងអំណរគុណចំពោះឡាតវីដែលបានគាំទ្រវៀតណាមចុះឈ្មោះជាសមាជិកមិនអចិន្ត្រៃយ៍នៃក្រុមប្រឹក្សាអង្គការសហប្រជាជាតិ អាណត្តិ ២០២០-២០២១។ រដ្ឋលេខាធិការក្រសួងការបរទេសឡាតវីបានអះអាងថា ឡាតវីគាំទ្រវៀតណាមយ៉ាងខ្លាំងសម្រាប់ការចុះហត្ថលេខាយ៉ាងឆាប់ៗរួមទាំងអនុម័តនូវកិច្ចព្រមព្រៀងពាណិជ្ជកម្មសេរីវៀតណាម-EU (EVFTA) ផងដែរ។

រដ្ឋលេខាធិការក្រសួងការបរទេសឡាវី លោក លោក Andrejs Pildegovics និងគណៈប្រតិភូ

ភាគីទាំងពីរបានវាយតម្លៃខ្ពស់ចំពោះរាល់ការវិវឌ្ឍន៍យ៉ាងសកម្មក្នុងកិច្ចសហប្រតិបត្តិការសេដ្ឋកិច្ច-ពាណិជ្ជកម្ម រវាងវៀតណាមជាមួយឡាតវីនាពេលកន្លងទៅ។ វៀតណាមជាដៃគូពាណិជ្ជកម្មធំបំផុតរបស់ឡាតវីក្នុងតំបន់អាស៊ីអាគ្នេយ៍ ហើយឡាតវីក៏ជាមិត្តទំនិញធំបំផុតរបស់វៀតណាមក្នុងចំណោមប្រទេស Baltic ដោយទំហំពាណិជ្ជកម្មទ្វេភាគីក្នុងឆ្នាំ២០១៧ទទួលបាន១៦៦លានដុល្លា កើន១០ដងបើប្រៀងនឹងឆ្នាំ២០១០។

ទិដ្ឋភាពនៃជំនួបពិគ្រោះយោបាយរវាងវៀតណាមជាមួយឡាតវី

ភាគីទាំងពីរបានវាយតម្លៃខ្ពស់ចំពោះកិច្ចសហប្រតិបត្តិការរវាងក្រសួងការបរទេសនៃប្រទេសទាំងពីរក្នុងនោះមានការរក្សាយន្តការពិគ្រោះយោបល់នយោបាយ។ ភាគីទាំងពីរបានឯកភាពរួមសហការក្នុងបញ្ហាអន្តរជាតិសំខាន់ និងឯកភាពគាំទ្រការដោះស្រាយជម្លោះរួមទាំងបញ្ហាសមុទ្រខាងកើតដោយសន្តិវិធី ឈរលើច្បាប់អន្តរជាតិ ក្នុងនោះមានអនុសញ្ញាអ.ស.ប ស្តីពីច្បាប់សមុទ្រឆ្នាំ១៩៨២ ធានាសន្តិសុខ សុវត្ថិភាពនាវាចរណ៍និងអាកាសចរណ៍ក្នុងតំបន់៕

(ដោយ ស្រីព្រេជ)

(ដោយ ស្រីព្រេជ)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់