យុគសម័យ - ក្នុងក្របខ័ណ្ឌនៃដំណើរទស្សនកិច្ចនៅសសហព័ន្ធរុស្ស៊ីនិងចូលរួមវេទិកានារីអាស៊ី-អឺរ៉ុបលើកទី២ នារសៀលថ្ងៃទី១៨ខែកញ្ញា អនុប្រធានរដ្ឋវៀតណាម លោកស្រី Dang Thi Ngoc Thinh បានអញ្ជើញជួបសំណេះសំណាលជាមួយកម្មាភិបាលនិងបុគ្គលិកនៃស្ថានទូតរួមទាំងតំណាងជនវៀតណាមដែលកំពុងរស់នៅ សិក្សារៀនសូត្រនិងធ្វើការនៅសហព័ន្ធរុស្ស៊ីផងដែរ។
អនុប្រធានរដ្ឋ លោកស្រី Dang Thi Ngoc Thinh អញ្ជើញថ្លែងមតិក្នុងពិធី
ក្នុងជំនួបនេះ ឯកអគ្គរដ្ឋទូតវៀតណាមប្រចាំនៅរុស្ស៊ីលោក Ngo Duc Manh បានជម្រាបជូនលោកស្រីអនុប្រធានរដ្ឋនិងប្រតិភូអមដំណើរអំពីសកម្មភាពរបស់ស្ថានទូតក៏ដូចជាអំពីស្ថានភាពរបស់សហគន៍ជនវៀតណាមនៅរុស្ស៊ី ព្រមទាំងការអភិវឌ្ឍយ៉ាងល្អប្រសើ នៃទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងវៀតណាមនិងសហព័ន្ធរុស្ស៊ី ជាពិសេស គឺក្រោយពីដំណើរទស្សនកិច្ចរបស់អគ្គលេខាបក្ស លោក Nguyen Phu Trong កាលពីដើមខែកញ្ញាកន្លងទៅ។
អញ្ជើញជួបសំណេះសំណាលជាមួយកម្មាភិបាល បុគ្គលិកស្ថានទូតនិងបងប្អូនជនវៀតណាមនៅទីនេះ អនុប្រធានរដ្ឋវៀតណាម លោកស្រី Dang Thi Ngoc Thinh បានជូនដំណឹងនូវស្ថានភាពអភិវឌ្ឍសេដ្ឋកិច្ចសង្គមរបស់វៀតណាម។ ពោលគឺក្នុងរយៈពេល៩ខែដើមឆ្នាំ២០១៨នេះ សេដ្ឋកិច្ចរបស់វៀតណាមមានការអភិវឌ្ឍគួរឲ្យកត់សម្គាល់ដោយទទួលបានកំណើន៧,០៨% ជាកំណើនខ្ពស់បំផុតក្នុងអំឡុងពេល១១ឆ្នាំកន្លងទៅនៅវៀតណាម។
អនុប្រធានរដ្ឋ លោកស្រី Dang Thi Ngoc Thinh អញ្ជើញថតរូបអនុស្សាវរីយ៍ជាមួយតំណាងស្ថានទូតនិងតំណាងសហគមន៍ជនវៀតណាមនៅសហព័ន្ធរុស្ស៊ី
លោកស្រីអនុប្រធានរដ្ឋបានស្នើថា នាពេលខាងមុខ ស្ថានទូតវៀតណាមបន្តពង្រីកនូវសិទ្ធិទទួលបានដើម្បីបន្តរួមចំណែកជាមួយបក្សនិងរដ្ឋ ពង្រឹងនិងពង្រីកទំនាក់ទំនងសាមគ្គីភាព មិត្តភាពនិងសហប្រតិបត្តិការរវាងប្រទេសទាំងពីរឲ្យទទួលបានផ្លែផ្កាថែមទៀត៕
（ព័ត៌មាននិងរូបថតៈ Duong Tri/ បកប្រែដោយ មិញអាញ់）
មតិពីមិត្តអ្នកអាន