យុគសម័យ - នៅក្នុងអត្ថបទមួយដែលត្រូវបានចេញផ្សាយនៅលើ blog ធនាគារពិភពលោក (WB) ប្រធានសេដ្ឋវិទូលោក Jacques Morisset បានវាយតម្លៃនូវការអាថ៌កំបាំងចំពោះការស្តារខឿនសេដ្ឋកិច្ចវៀតណាមឡើងវិញ ក្នុងស្ថានភាពរីករាល ដាលនៃជំងឺ Covid-19 ។
ផ្លូវនានានៃរដ្ឋធានីHa Noi មានប្រជាជនយ៉ាងច្រើនកុះករ បន្ទាប់ពីការកាត់បន្ថយគម្លាតសង្គមបានធូរស្រាល នៅចុងខែមេសា។ (រូបថត៖ ទីភ្នាក់ងារសារព័ត៌មានវៀតណាម)
ក្នុងរយៈពេល ៦ ខែដែលខ្ញុំបានរស់នៅរដ្ឋធានី Ha Noi ខ្ញុំបានសង្កេតដោយផ្ទាល់ភ្នែក ប្រទេសដែលត្រូវបានគេចាត់ទុកថាជា“ អព្ភូតហេតុសេដ្ឋកិច្ចក្នុងរយៈពេល ២៥ ឆ្នាំកន្លងមក” ។ ដូចនៅក្នុងអត្ថបទដែលចេញផ្សាយលើ Financial និង The Washington Post ការទប់ស្កាត់នៃការរីករាលដាលជំងឺ Covid-19 ប្រកបដោយជោគជ័យរបស់វៀតណាម ដែលបានផ្តល់ឱ្យខ្ញុំនូវឱកាស ដើម្បីមើលឃើញអំពីប្រទេសនេះយ៉ាងច្បាស់បំផុត។
សេដ្ឋកិច្ចមានការស្តារឡើងវិញគួរឱ្យកត់សម្គាល់
ចាប់តាំងពីចុងខែមេសា រដ្ឋាភិបាលវៀតណាមបានកាត់បន្ថយការរក្សាគម្លាតសង្គម អនុញ្ញាតឱ្យបើកសាលារៀន និងសកម្មភាពស្តារអាជីវកម្មឡើងវិញ។ ជីវិតបានវិលមកភាពធម្មតាដូចមុនពេលជំងឺ Covid-19 រីករាលដាល ដែលបានបង្ហាញដោយសន្ទស្សន របស់ Google នាពេលថ្មីៗនេះកើនឡើង ១៣% នៅពាក់កណ្តាលខែមេសានិងសប្តាហ៍ទី ២ នៃខែឧសភា។ រហូតមកដល់បច្ចុប្បន្ននេះដូចជាប្រជាជនវៀតណាម ភាគច្រើន ដែលមានអារម្មណ៍ពេញចិត្តនឹងការគ្រប់គ្រងជំងឺរាតត្បាត ដូច្នេះខ្ញុំក៏មានអារម្មណ៍ធូរស្បើយដែរ។
យោងតាមការព្យាករណ៍ចុងក្រោយរបស់ធនាគារពិភពលោក (WB) និងមូលនិធិរូបិយវត្ថុអន្តរជាតិ (IMF) សេដ្ឋកិច្ចរបស់ប្រទេសវៀតណាម ត្រូវបានគេរំពឹងថា នឹងស្តារឡើងវិញក្នុងរយៈពេល ៦ ខែឆ្នាំ ២០២០ ។
ផលិតផលក្នុងស្រុកសរុបរបស់វៀតណាមនៅតែរក្សាបានអត្រាកំណើនគួរឱ្យចាប់អារម្មណ៍ ៣,៨% នៅក្នុងត្រីមាសទីមួយនៃឆ្នាំ ២០២០ សេដ្ឋកិច្ចនាំចេញដែលជាប្រៀបខ្លាំងសម្រាប់កំណើនសេដ្ឋកិច្ចដ៏សំខាន់របស់វៀតណាមនៅតែកំពុងអភិវឌ្ឍយ៉ាងស្វាហាប់។ ទំហំពាណិជ្ជកម្មនៃការនាំចេញក្នុងរយៈពេល ៤ ខែដើមឆ្នាំកើនឡើង ៥%។ ក្រៅពីនេះវិនិយោគិនបរទេសបន្តហូរចូលវៀតណាមចាប់ពីខែមករាដល់ខែមេសាមានការវិនិយោគផ្ទាល់ពីបរទេសជាង ១២ ពាន់លានដុល្លារ។ សេដ្ឋកិច្ចវៀតណាមទាំងមូលនៅតែមានការស្តារឡើងវិញគួរឱ្យកត់សម្គាល់នៅក្នុងគ្រាលំបាកនេះ។
សំណាងតិចតួចជាមួយអាថ៌កំបាំងរាប់មិនអស់
ហេតុអី សេដ្ឋកិច្ចវៀតណាមអាចស្តារឡើងវិញអព្ភូតបែបនេះ? អ្នកខ្លះអាចចាត់ទុកថាវាជាសំណាង។ មិនខុសទេ ប្រសិនបើ ការផ្ទុះឡើងនៃជំងឺ Covid-19 កើតឡើងនៅ Shenzhen គឺមិនមែននៅ Wuhan ទេ ខ្សែសង្វាក់តម្លៃពិភពលោកនៃវិស័យអេឡិចត្រូនិចដ៏សំខាន់របស់វៀតណាមនឹងរងផលប៉ះពាល់គួរឱ្យកត់សម្គាល់។
ដូចគ្នានេះដែរ ប្រទេសវៀតណាមនឹងរងផលប៉ះពាល់ប្រសិនបើប្រទេសនេះជាប្រទេសនាំចេញកប្បាសឬប្រេងធំជាងគេនៅលើពិភពលោក ដោយសារតែតម្លៃអន្តរជាតិនៃទំនិញទាំងនេះបាននិងកំពុងធ្លាក់ចុះយ៉ាងខ្លាំង នាពេលថ្មីៗនេះ។ ជាភ័ព្វសំណាងណាស់ ទំនិញនាំចេញសំខាន់របស់វៀតណាមគឺអង្ករ ហើយមុខទំនិញនេះបានកើនឡើង ២០% នៅលើទីផ្សារពិភពលោក ចាប់តាំងពីចុងខែកុម្ភៈ។
ប៉ុន្តែត្រូវតែនិយាយថា ប្រទេសវៀតណាមបានមានសកម្មភាពឆ្លាតណាស់។ ដូចប្រទេសដទៃទៀតដែរ រដ្ឋាភិបាលនៃប្រទេស វៀតណាមបានអនុវត្តកញ្ចប់គោលនយោបាយរូបិយវត្ថុនិងហិរញ្ញវត្ថុ ដើម្បីជួយគាំទ្រដល់ប្រជាជននិងអាជីវកម្មដែលរងផលប៉ះពាល់ដោយជំងឺរាតត្បាត។ ទោះយ៉ាងណា ការឆ្លើយតបរបស់រដ្ឋាភិបាលវៀតណាម ចំពោះជំងឺរាតត្បាត Covid-19 បង្ហាញពីប្រសិទ្ធភាពនៃការរួមបញ្ចូលចក្ខុវិស័យនិងជាក់ស្តែង។
ទោះបីជាវិសយនាំចេញមានភាពស្វាហាប់ក៏ដោយ ក៏សេដ្ឋកិច្ចឌីជីថលរបស់ប្រទេសវៀតណាមនៅតែមានការធ្លាក់ចុះ។ ឆ្លើយតបទៅនឹងវិបត្តិ Covid-19 រដ្ឋាភិបាលបានចាប់ផ្តើមធ្វើកំណែទម្រង់ជាបន្តបន្ទាប់ដោយចាប់ផ្តើមពីការប្រើប្រាស់បច្ចេកវិទ្យាឌីជីថលក្នុងការប្រយុទ្ធប្រឆាំងនឹងជំងឺ Covid-19 ។ បច្ចុប្បន្ននេះរដ្ឋាភិបាលកំពុងពិចារណាលើការប្រើប្រាស់ការទូទាត់តាមប្រព័ន្ធអេឡិចត្រូនិក តាមរយៈប្រព័ន្ធទូទាត់អេឡិចត្រូនិកថ្មី ។
ប្រឈមមុខនឹងបញ្ហាប្រឈម វៀតណាមបាននិងកំពុងលើកកម្ពស់ប្រពៃណីយូរអង្វែងនៃការរៀបចំសម្រាប់ស្ថានភាពអាក្រក់បំផុត ខណៈពេលដែលការអនុវត្តកំណែទម្រង់សំខាន់ៗនិងផ្លាស់ប្តូរទៅរកបរិបទថ្មី។ សង្ឃឹមថាបទពិសោធន៍របស់វៀតណាមអាចជាមេរៀនសម្រាប់ប្រទេសនានាដែលមិនទាន់បានត្រៀមខ្លួនសម្រាប់វិបត្តិនេះ./.
(បកប្រែដោយឌីណា)
មតិពីមិត្តអ្នកអាន