យុគសម័យ- នាពេលថ្មីៗនេះប្រទេសចិនបានប្រកាសពីការធ្វើសមយុទ្ធចាប់ពីថ្ងៃទី ១ ដល់ថ្ងៃទី ៥ ខែកក្កដានៅក្នុងតំបន់ជុំវិញប្រជុំកោះ Hoang Sa (Paracel ) នៃប្រទេសវៀតណាមដែលបណ្តាលឱ្យមតិ សាធារណៈ និងអន្តរជាតិក្នុងតំបន់មានប្រតិកម្មដោយឥតឈប់ឈរ។
នាវារបស់សហរដ្ឋអាមេរិកធ្វើសមយុទ្ធលើសមុទ្រខាងកើត។ (រូបថត៖ So ha)
ក្រសួងការពារជាតិអាមេរិកប្រកាសថា សមយុទ្ធនេះគឺជាការបន្តនូវសកម្មភាពរបស់ចិនអំពីការទាមទារដោយខុសច្បាប់របស់ប្រទេសនេះដែលបង្កការគំរាមកំហែងដល់បណ្តាប្រទេសអាស៊ីអាគ្នេយ៍
លើសមុទ្រខាងកើត។
នៅលើទំព័រធ្វីតទ័រ Twitter របស់លោករដ្ឋមន្រ្តីក្រសួងការបរទេសអាមេរិក Mike Pompeo បានលើកឡើងថា "សហរដ្ឋអាមេរិកយល់ព្រមជាមួយបណ្តាប្រទេសអាស៊ីអាគ្នេយ៍នថា សមយុទ្ធរបស់ចិននៅសមុទ្រខាងកើតគឺជាការរករឿង" ។ លោក Mike Pompeo មានប្រសាសន៍ថា“ យើងប្រឆាំងនឹងការទាមទារដោយខុសច្បាប់របស់ទីក្រុងប៉េកាំង”។
យោងតាមសារព័ត៌មាន The EurAsian Times បានចុះផ្សាយនៅថ្ងៃទី ៤ ខែកក្កដា ក្រសួងការពារជាតិអាមេរិកបានធ្វើសមយុទ្ធយោធាធំជាងគេ នៅសមុទ្រខាងកើត។ កងទ័ពជើងទឹកអាមេរិកនឹងបញ្ជូននាវាផ្ទុកយន្តហោះចំនួន ២ គ្រឿងគឺ USS Nimitz និង USS Ronald Reagan និងនាវាចម្បាំងជាច្រើនគ្រឿងទៀតដែលអមដំណើរទៅសមុទ្រខាងកើត ក្នុងប៉ុន្មានថ្ងៃខាងមុខនេះដើម្បីចូលរួមក្នុងសមយុទ្ធនេះ។ ក្រុមអ្នកជំនាញនិយាយថា នេះជាសកម្មភាព ដើម្បីបង្ហាញកម្លាំងរបស់ទីក្រុងវ៉ាស៊ីនតោន នៅ ពេលមានភាពតានតឹងកាន់តែខ្លាំងឡើងរវាងសហរដ្ឋអាមេរិកនិងចិនលើបញ្ហាមួយចំនួន រួមទាំងបញ្ហាសមុទ្រខាងកើត។
មិនត្រឹមតែសហរដ្ឋអាមេរិកប៉ុណ្ណោះទេ កាលពីខែមេសាកន្លងទៅអូស្ត្រាលីក៏បានបញ្ជូននាវាចម្បាំង HMAS Parramatta ទៅចូលរួមធ្វើសមយុទ្ធជាមួយនាវាអាមេរិកផងដែរ ក្នុងនោះមាន នាវាវាយប្រហារអាមេរិក USS America និងនាវា USS Bunker Hill និង នាវា USS Barry ផងដែរ ស្ថិតនៅភាគខាងត្បូង នៃសមុទ្រខាងកើត មិនឆ្ងាយពីនាវា Haiyang 8 របស់ចិនដែលស្ទាបស្ទង់លើដែនសមុទ្រក្នុងតំបន់សមុទ្ររបស់ម៉ាឡេស៊ីដោយខុសច្បាប់។
តាមដានស្ថានភាពស្មុគស្មាញនៅសមុទ្រខាងកើត ថ្មីៗនេះវាអាចត្រូវបានគេមើលឃើញថា និន្នាការកំពុងលេចធ្លោមួយគឺជាបណ្តាប្រទេសពាក់ព័ន្ធបានបង្រួបបង្រួមកាន់តែខ្លាំងឡើង ដើម្បីប្រឆាំងនឹងសកម្មភាពខុសឆ្គងរបស់ចិន នៅសមុទ្រខាងកើត។ បណ្តាប្រទេសនេះបានផ្ញើ លិខិតការទូតៗនិងកំណត់ការទូតជាច្រើន នាថ្មីៗនេះ ក្នុងនោះមានប្រទេសម៉ាឡេស៊ី ប្រទេសហ្វីលីពីន ប្រទេស វៀតណាមនិងប្រទេសឥណ្ឌូនេស៊ីបានផ្ញើទៅកាន់អង្គការសហប្រជាជាតិប្រឆាំងនឹង ““ខ្សែបន្ទាត់ ៩ ត្រេ” រាងអក្សរ U របស់ប្រទេសចិន” ដែលអះអាងថា ចិនមានជាង ៨០% នៃផ្ទៃដីនៃសមុទ្រខាងកើត./.
（បកប្រែដោយឌីណា）
មតិពីមិត្តអ្នកអាន