Trending now

សន្និបាតលើកទី១០ នៃគណៈកម្មាធិការមជ្ឈិមបក្សនីតិកាលទី១១បានប្រារព្ធយ៉ាងមហោឡារិក

15:57 | 16/05/2019 (រូបថតនិងអត្ថបទ TTXVN បកប្រែដោយ មិញអាញ់)

យុគសម័យ - នាព្រឹកថ្ងៃទី ១៦ ខែឧសភា សន្និបាតមជ្ឈិមលើកទី ១០ នៃគណៈកម្មាធិការមជ្ឈឹមបក្សនីតិកាលទី ១២ បានប្រារព្ធធ្វើឡើងយ៉ាងមហោឡារិកនៅទីក្រុងហាណូយ។

សន្និបាតលើកទី១០ នៃគណៈកម្មាធិការមជ្ឈិមបក្សនីតិកាលទី១១បានប្រារព្ធយ៉ាងមហោឡារិក

ទទួលតាមការណែនាំរបស់អគ្គលេខាបក្ស ប្រធានរដ្ឋវៀតណាម លោក Nguyen Phu Trong សមាជិកការិយាល័យនយោបាយ នាយករដ្ឋមន្ត្រី លោក Nguyen Xuan Phuc បានអញ្ជើញដឹកនាំសម័យប្រជុំ។

នៅឯសន្និបាតលើកនេះ អង្គប្រជុំនឹងពិភាគ្សាលើគម្រោងឯកសារ សម្រាប់ដាក់ជូនមហាសន្និបាតលើកទី១៣ របស់បក្ស; ការត្រៀមលក្ខណៈចាំបាច់សម្រាប់មហាសន្និបាតបក្សទូទាំងប្រទេសលើកទី១៣ ព្រមទាំងបញ្ហាសំខាន់ៗផ្សេងៗទៀត។

អគ្គលេខាបក្ស ប្រធានរដ្ឋវៀតណាម លោក Nguyen Phu Trong អញ្ជើញថ្លែងមតិនៅអង្គប្រជុំ (រូបថតៈ TTXVN)

ជាក់ស្តែង អង្គសន្និបាតនឹងពិភាក្សា និងផ្តល់មតិគ្រោងការណ៍នៃរបាយការណ៍នយោបាយ; គ្រោងការណ៍នៃរបាយការណ៍រយៈពេល ១០ឆ្នាំ នៃការអនុវត្តកម្មវិធីនយោបាយ ២០១១ (ការបំពេញបន្ថែមនិងអភិវឌ្ឍន៍); គ្រោងការណ៍នៃរបាយការណ៍បូកសរុបការអនុវត្តយុទ្ធសាស្រ្តអភិវឌ្ឍន៍សេដ្ឋកិច្ចសង្គម រយៈពេល ១០ ឆ្នាំ ២០១១ - ២០២០; រៀបចំយុទ្ធសាស្ត្រ អភិវឌ្ឍន៍សេដ្ឋកិច្ច-សង្គមរយៈពេល ១០ ឆ្នាំ ២០២១-២០៣០ និងរបាយការណ៍ស្តីពីស្ថានភាពសេដ្ឋកិច្ច-សង្គម រយៈពេល ៥ ឆ្នាំ ២០១៦ - ២០២១; ផែនការអភិវឌ្ឍន៍សេដ្ឋកិច្ច-សង្គម រយៈពេល ៥ ឆ្នាំ ២០២១ - ២០២៥ និងគ្រោងការណ៍នៃរបាយការណ៏មេស្តីពីការងារកសាងបក្សនិងប្រតិបត្តិលក្ខ័ន្តិកៈរបស់បក្សផងដែរ។

ទិដ្ឋភាពនៃពិធីបើកសន្និបាត

អញ្ជើញថ្លែងក្នុងពិធីបើក តាងនាមការិយាល័យនយោបាយ និងលេសាធិការដ្ឋាន អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានស្វាគមន៍យ៉ាងកក់ក្តៅចំពោះសមាជិកនៃគណៈកម្មាធិការមជ្ឈិមបក្ស និងគណៈប្រតិភូដែលបានចូលរួមក្នុងអង្គសន្និសីទនេះ។ អគ្គលេខាបក្ស ​ប្រធានរដ្ឋ លោក Nguyen Phu Trong បានស្នើឲ្យមជ្ឈិម ចំណាយពេលឲ្យបានច្រើនថែមទៀត ដើម្បីស្រាវជ្រាវឯកសារ ផ្លាស់ប្តូរមតិ ក៏ដូចជាលើកឡើងនូវអនុសាសន៍ជាក់ស្តែង តាមរយៈរបាយការណ៍និងសេចក្តីព្រាងរបាយការណ៍ ជាដើម។

ជាពិសេស គឺបញ្ហាទ្រឹស្តីនិងការអនុវត្តជាក់ស្តែង ដែលបានដាក់ចេញនាពេលកន្លងទៅ គប្បីផ្តោតការស្រាវជ្រាវឲ្យបានហ្មត់ចត់និងបកស្រាយបំភ្លឺច្បាស់ក្នុងដំណើរការចងក្រងឯកសារ។

ទិដ្ឋភាពនៃពិធីបើកសន្និបាត

លោកអគ្គលេខាបក្ស ប្រធានរដ្ឋវៀតណាម បានសង្កត់ធ្ងន់ថា របៀបវារៈនៃសន្និបាតមជ្ឈិមលើកនេះ គឺមានសារៈសំខាន់ណាស់ សម្រាប់ការបំពេញភារកិច្ចនយោបាយរបស់គណៈកម្មាធិការមជ្ឈិមបក្ស នីតិកាលទី១២ ដើម្បីត្រៀមឯកសារដាក់ជូនមហាសន្និបាតលើកទី១៣របស់បក្ស។

អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានស្នើឲ្យអង្គសន្និបាត ពង្រីកនូវបញ្ញាក៏ដូចជាស្មារតីទទួលខុសត្រូវ ដើម្បីសុក្រិដ្ឋនូវរបាយការណ៍ សម្រាប់ចេញសេចក្តីសន្និដ្ឋាននៅពេលបញ្ចប់កិច្ចប្រជុំនេះផងដែរ៕

(រូបថតនិងអត្ថបទ TTXVN បកប្រែដោយ មិញអាញ់)

(រូបថតនិងអត្ថបទ TTXVN បកប្រែដោយ មិញអាញ់)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់