នារសៀលថ្ងៃទី ២៧ ខែតុលា នៅទីស្នាក់ការរដ្ឋាភិបាល គណៈកម្មាធិការជាតិអាស៊ាន ២០២០ បានរៀបចំកិច្ចប្រជុំលើកទី៦ ក្រោមអធិបតីភាព ឧបនាយករដ្ឋមន្រ្តី រដ្ឋមន្រ្តីក្រសួងការបរទេស លោក Pham Binh Minh ប្រធានគណៈកម្មាធិការជាតិ។
ឧបនាយករដ្ឋមន្រ្តី រដ្ឋមន្រ្តីក្រសួងការបរទេស លោក Pham Binh Minh ថ្លែងក្នុងកិច្ចប្រជុំ (រូបថត៖ baoquocte.vn)
កិច្ចប្រជុំនេះផ្តោតទៅលើការពិនិត្យឡើងវិញនូវភារកិច្ច និងការងារទាំងអស់ដែលបាន និងកំពុងត្រូវបានអនុវត្ត ជាពិសេសស្ថានភាព និងវឌ្ឍនភាពនៃការអនុវត្តខ្លឹមសារ និងគំនិតផ្តួចផ្តើមរបស់ប្រធានអាស៊ាន ២០២០ ព្រមទាំងពិភាក្សាអំពីការតំរង់ទិសលើការអនុវត្តការងារសំខាន់ៗនាពេលខាងមុខ ជាពិសេសការត្រៀមរៀបចំសម្រាប់កិច្ចប្រជុំកំពូលអាស៊ានលើកទី ៣៧ និងកិច្ចប្រជុំកំពូលពាក់ព័ន្ធនានាដែលគ្រោងធ្វើឡើងនៅខែវិច្ឆិកា ឆ្នាំ២០២០។ លោកឧបនាយករដ្ឋមន្រ្តី Pham Binh Minh បានវាយតម្លៃខ្ពស់ចំពោះការទទួលខុសត្រូវ និងការខិតខំជំនះពុះពារការលំបាករបស់បណ្តាអនុគណៈកម្មការ លេខាធិការដ្ឋាន ក្រសួង ស្ថាប័នពាក់ព័ន្ធ និងមូលដ្ឋាននានាក្នុងការអនុវត្តភារកិច្ចនៃឆ្នាំប្រធានអាស៊ាន ២០២០ របស់វៀតណាមក្នុងរយៈពេលកន្លងមក។
លោកឧបនាយករដ្ឋមន្រ្តីបានស្នើឱ្យអនុគណៈកម្មការ ក្រសួង និងស្ថាប័នពាក់ព័ន្ធនានាបន្តអនុវត្តតាមទិសដៅ គោលការណ៍ណែនាំ ការចាត់តាំង និងបំពេញភារកិច្ចដែលនៅសេសសល់ ស្របតាមផែនការដែលបានដាក់ចេញ ហើយខិតខំបំពេញតួនាទីជាប្រធានអាស៊ានឲ្យបានល្អមុនពេលប្រគល់តួនាទីនេះជូនទៅប្រទេសស្នងតំណែង៕
(ប្រភពព័ត៌មាន: kh.qdnd.vn)
មតិពីមិត្តអ្នកអាន