យុគសម័យ - តំបន់សេដ្ឋកិច្ចនៅជាប់ឆ្នេរសមុទ្រ Quang Yen (ខេត្ត Quang Ninh) មានតំបន់មានមុខងារស្របតាមគោលដៅអភិវឌ្ឍន៍របស់តំបន់សេដ្ឋកិច្ច។ ទំហំនិងទីតាំងនៃតំបន់មុខងារនីមួយៗត្រូវបានកំណត់នៅក្នុងផែនការសម្រាប់ការកសាងតំបន់សេដ្ឋកិច្ចតំបន់ឆ្នេរជាប់សមុទ្រ Quang Yen យោងក្រោមការអនុម័តរបស់អាជ្ញាធរមានសមត្ថកិច្ច។
វៀតណាមបានបង្កើតឡើងជាផ្លូវការតំបន់សេដ្ឋកិច្ចជាប់ឆ្នេរសមុទ្រ Quang Yen ខេត្ត Quang Ninh
នាយករដ្ឋមន្ត្រីវៀតណាម លោក Nguyen Xuan Phuc ទើបតែចុះហត្ថលេខាលើសេចក្តីសម្រេចចិត្តលេខ ២៩ ស្តីពីការបង្កើតតំបន់សេដ្ឋកិច្ចជាប់ឆ្នេរសមុទ្រ Quang Yen ខេត្ត Quang Ninh។ សេចក្តីសម្រេចចូលជាធរមានចាប់ពីថ្ងៃទី ១៥ ខែវិច្ឆិកាឆ្នាំ ២០២០ ។ តំបន់សេដ្ឋកិច្ចមានទីតាំងស្ថិតនៅភាគនិរតីនៃខេត្ត Quang Ninh ដែលមានផ្ទៃដី ១៣.៣០៣ ហិកតា រួមទាំងសម្ព័ន្ធចម្រុះនៃទីក្រុង ឧស្សាហកម្ម បច្ចេកវិទ្យាខ្ពស់និងតំបន់សេវាកំពង់ផែសមុទ្រ កំពង់ផែ ឧស្សាហកម្មនិងទីក្រុង Dam Nha Mac។
តំបន់សេដ្ឋកិច្ចជាប់ឆ្នេរសមុទ្រ Quang Yen រួមបញ្ចូលគ្នាយ៉ាងជិតស្និទ្ធនូវការទាក់ទាញការអភិវឌ្ឍសេដ្ឋកិច្ចជាមួយការធានាការពារជាតិនិងសន្តិសុខ៖ការអភិរក្សនិងលើកកម្ពស់តម្លៃនៃប្រព័ន្ធអេកូឡូស៊ីសមុទ្រ កេរ្តិ៍ដំណែលប្រវត្តិសាស្ត្រនិងវប្បធម៌ក្នុងតំបន់។ គោលដៅនៃតំបន់សេដ្ឋកិច្ចនៅតាមឆ្នេរសមុទ្រ Quang Yen គឺដើម្បីកសាងនិងអភិវឌ្ឍទៅជាតំបន់សេដ្ឋកិច្ចជាប់ឆ្នេរសមុទ្រពហុ វិស័យ បង្កើតជាមជ្ឈមណ្ឌលឧស្សាហកម្មកំពង់ផែទំនើប កំពង់ផែឆ្លាតវៃ និងសេវាកម្មដឹកជញ្ចូនទីក្រុងរបស់ខេត្ត Quang Ninh និងតំបន់ដីសណ្តទន្លេក្រហមផងដែរ។ ដោយហេតុនេះបង្កើតបរិយាកាសរស់នៅបែបទំនើបតាមរយៈការអភិវឌ្ឍហេដ្ឋារចនាសម្ព័ន្ធបច្ចេកទេសនិងសង្គមដើម្បីអភិវឌ្ឍវិស័យ ដែលមានបច្ចេកវិទ្យាខ្ពស់ និងមានភាពអំណោយផលសម្រាប់បរិស្ថានក៏ដូចជាមជ្ឈមណ្ឌលស្រាវជ្រាវនិងអភិវឌ្ឍន៍ផងដែរ៕
（បកប្រែដោយ ហេង វុធ្ធី）
（ប្រភពព័ត៌មាន: thoidai.com.vn）
មតិពីមិត្តអ្នកអាន