វៀតណាមនិងវេណេហ្ស៊ុអេឡាជម្រុញកិច្ចសហប្រតិបត្តិការលើគ្រប់វិស័យឲ្យបានខ្លាំងក្លាថែមទៀត

ជំនួបពិគ្រោះនយោបាយថ្នាក់អនុរដ្ឋមន្ត្រីលើកទី៧រវាងវៀតណាមនិងវេណេហ្ស៊ុយអេឡា (រូបថតៈ BNG )

នៅក្នុងជំនួបនេះ ភាគីទាំងពីរបានជូនដំណឹងទៅវិញទៅមកអំពីស្ថានភាពនៃប្រទេសនីមួយៗនិងពិភាក្សាលើវិធានការមួយចំនួនសំដៅជម្រុញថែមទៀតទំនាក់ទំនងរវាងប្រទេសទាំងពីរនិងក្រសួងការបរទេសនៃប្រទេសទាំងពីរ ព្រមទាំងផ្លាស់ប្តូរមតិលើបណ្តាបញ្ហាតំបន់និងអន្តរជាតិដែលមានការចាប់អារម្មណ៍ដូចគ្នា។

តាមរយៈការពិគ្រោះយោបល់នេះ ក្រសួងការបរទេសនៃប្រទេសទាំងពីរបានឯកភាព បន្តសម្របសម្រួលការផ្លាស់ប្តូរគណៈប្រតិភូនិងការ ជួបសន្ទនាទ្វេភាគីនិងអនុវត្តន៍តាមកិច្ចសន្យានានារបស់ថ្នាក់ដឹកនាំនៃប្រទេសទាំងពីរ រួមទាំងលើកកម្ពស់ប្រសិទ្ធភាពនៃទំនាក់ទំនងពាណិ្ជកម្ម ការវិនិយោគទ្វេភាគីនិងបណ្តាគម្រោងការសហប្រតិបត្តិការអំពីវិស័យកសិកម្ម ការពារជាតិនិងវិទ្យាសាស្ត្របច្ចេកវិទ្យាជា ដើម។

ទន្ទឹមនឹងនេះ ភាគីទាំងពីរបានព្រមព្រៀង ត្រូវរក្សារាល់យន្តការគណៈកម្មាធិការអន្តររដ្ឋាភិបាលនិងការពិគ្រោះនយោបាយរវាងក្រសួងការបរទេសទាំងពីរ។ បន្តកែលម្អក្របខ័ណ្ឌច្បាប់សម្រាប់ការផ្លាស់ប្តូរកិច្ចសហប្រតិបត្តិការទ្វេភាគី។ ភាគីទាំងពីរក៏បានព្រមព្រៀងសម្របសម្រួលសកម្មភាពរំលឹកខួបលើកទី ៣០នៃទិវាបង្កើតទំនាក់ទំនងការទូតរវាងប្រទេសទាំងពីរក្នុងឆ្នាំ ២០១៩ផងដែរ។

ភាគីទាំងពីរក៏បានផ្លាស់ប្តូរមតិយ៉ាងជ្រាលជ្រៅស្តីពីបញ្ហាអន្តរជាតិនិងតំបន់ដែលមានការចាប់អារម្មណ៍ដូចគ្នា និងបានព្រមព្រៀងលើទស្សនៈនៃការដោះស្រាយជម្លោះរវាងប្រទេសនានាដោយសន្តិវិធី ឈរលើមូលដ្ឋាននៃច្បាប់អន្តរជាតិ៕

（យោងតាម chinhphu.vn បកប្រែដោយស្រីពេជ្រ）

（យោងតាម chinhphu.vn បកប្រែដោយស្រីពេជ្រ）