យុគសម័យ - សារដែលយុតតែមចង់ផ្សព្វផ្សាយគឺជាការឯកភាពរួមរបស់កម្លាំងទាំងអស់បង្កើតជាការរួមគ្នាមួយក្នុងការបង្ការការរីករាលដាលនៃ Covid – 19 របស់វៀតណាម។
វៀតណាមចេញផ្សាយយុតតែម“ចូលរួមក្នុងការបង្ការការពារនិងប្រយុទ្ធប្រឆាំងនឹងជំងឺ Covid - 19”។ (ប្រភព៖ សាជីវកម្មប្រៃសណីយ៍វៀតណាម)
ដើម្បីចូលរួមចំណែកក្នុងការឃោសនានិងលើកកម្ពស់ការយល់ដឹងនិងទំនួលខុសត្រូវរបស់ប្រជាជនទាំងមូលក្នុងការបង្ការការពារនិងប្រយុទ្ធប្រឆាំងនឹងការរីករាលដាលនៃជំងឺ Covid -19 ក្រសួងព័ត៌មាននិងគមនាគមន៍វៀតណាមបានសម្របសម្រួលជាមួយក្រសួងសុខាភិបាលនិងសាជីវកម្មប្រៃសណីយ៍វៀតណាម បានចេញផ្សាយយុតតែម “ចូលរួមក្នុងការបង្ការការពារនិងប្រយុទ្ធប្រឆាំងនឹងជំងឺ Covid - 19” ។
ឈុតតែមរួមបញ្ចូលទាំង ២ គំរូដែលរចនាតាមបែបក្រាហ្វិច។
គំរូតែមដែលមានតម្លៃមុខ ៤០០០ វៀតណាមដុង មានរូបភាពតំណាងឲ្យកម្លាំងវេជ្ជសាស្ត្រយោធានគរបាល…គឺទាំងយប់ទាំងថ្ងៃចូលរួមក្នុងការបង្ការនិងប្រយុទ្ធប្រឆាំងនឹងជំងឺរាតត្បាត។
គំរូតែមដែលមានតម្លៃមុខ ១៥០០០ វៀតណាមដុង បង្ហាញគ្រូពេទ្យវៀតណាមដែលខិតខំទាំងយប់ទាំងថ្ងៃដើម្បីស្រាវជ្រាវនិងរកឃើញវិធីព្យាបាលល្អបំផុតដើម្បីព្យាបាលអ្នកជម្ងឺឱ្យបានទាន់ពេលវេលានិងការប្តេជ្ញាស្រាវជ្រាវវ៉ាក់សាំងសម្រាប់មេរោគ SAR – COV - 2 ដែលត្រូវបានគេចាត់ទុកថាជាបេសកកម្មដ៏ថ្លៃថ្នូ។
ឈុតតែមនឹងត្រូវចេញជាផ្លូវការនៅថ្ងៃទី ៣១ ខែមីនា ឆ្នាំ ២០២០ ផ្គត់ផ្គង់នៅការិយាល័យប្រៃសណីយ៍ខេត្តក្រុងចំនួន ៦៣ និងផ្សព្វផ្សាយយ៉ាងទូលំទូលាយនៅ ១៩២ ប្រទេសនិងដែនដីក្រោមអង្គការសម្ព័ន្ធប្រៃសណីយ៍ពិភពលោក។
ការចេញផ្សាយយុតតែមក្នុងពេលបច្ចុប្បន្នគឺមានសារៈសំខាន់ខ្លាំងណាស់នៅក្នុងសហគមន៍ដែលបង្ហាញពីការទទួលខុសត្រូវនិងការប្តេជ្ញាចិត្តរបស់ប្រទេសវៀតណាមរួមជាមួយបណ្តាប្រទេសផ្សេងទៀតក្នុងតំបន់និងលើពិភពលោកក្នុងការរួមដៃគ្នាក្នុងការប្រយុទ្ធប្រឆាំងនឹងការរីករាលដាលនៃជំងឺ Covid - 19 ៕
(ប្រែសម្រូលដោយវិច្ឆិកា)
មតិពីមិត្តអ្នកអាន