យុគសម័យ - ក្នុងរយៈពេល ៨ ខែដើមឆ្នាំនេះ ទំហំពាណិជ្ជកម្មទ្វេភាគីរវាងវៀតណាម - ចិនសម្រេចបាន ១១១,២ ពាន់លានដុល្លារ កើនឡើង ១៣,៤% បើប្រៀបនឹងរយៈពេលដូចគ្នាកាលពីឆ្នាំមុន។
រថយន្តកុងតឺន័រដឹកទំនិញនាំចេញទៅកាន់ប្រទេសចិនតាមរយៈច្រកទ្វារអន្តរជាតិ Kim Thanh
ទោះបីមានការលំបាកជាយូរមកហើយដែលបណ្តាលមកពីជំងឺរាតត្បាត COVID-19 សកម្មភាពពាណិជ្ជកម្មរវាងវៀតណាមនិងចិនចាប់តាំងពីដើមឆ្នាំរហូតមកដល់ពេលនេះ នៅតែទទួលបានលទ្ធផលជាវិជ្ជមាន ដោយជួយវៀតណាមអះអាងជំហររបស់ខ្លួនជាដៃគូពាណិជ្ជកម្មធំបំផុតរបស់ប្រទេសចិននៅក្នុងសមាគមប្រជាជាតិអាស៊ីអាគ្នេយ៍ (អាស៊ាន) ។
យោងតាមអគ្គនាយកដ្ឋានគយចិនបានឱ្យដឹងថា ក្នុងរយៈពេល ៨ ខែដើមនៃឆ្នាំនេះ ទំហំពាណិជ្ជកម្មទ្វេភាគីរវាងវៀតណាមនិងចិនសម្រេចបាន ១១១,២ ពាន់លានដុល្លារ កើនឡើង ១៣,៤% បើប្រៀបនឹងរយៈពេលដូចគ្នាកាលពីឆ្នាំមុន។
ជាមួយនឹងលទ្ធផលខាងលើ វៀតណាមនៅតែជាដៃគូពាណិជ្ជកម្មធំលំដាប់ទី ៧ របស់ចិននៅលើពិភពលោក ដោយវ៉ាដាច់អូស្ត្រាលីនិងជាដៃគូពាណិជ្ជកម្មធំបំផុតនៃសេដ្ឋកិច្ចធំទី ២ នៅលើពិភពលោកនៅក្នុងអាស៊ាន។
នៅក្នុងបរិបទនៃការរីករាលដាលនៃជំងឺរាតត្បាត COVID-19 និងមានភាពស្មុគស្មាញ សកម្មភាពផ្លាស់ប្តូរពាណិជ្ជកម្មជាច្រើននៅជុំវិញពិភពលោកត្រូវបានជាប់គាំង។ វាអាចនិយាយបានថា លទ្ធផលសម្រេចបាននៅក្នុងវិស័យពាណិជ្ជកម្មរវាងវៀតណាមនិងចិនចាប់ពីដើមឆ្នាំរហូតមកដល់ពេលនេះ ពិតជាគួរឱ្យចាប់អារម្មណ៍។
ដើម្បីទទួលបានសមិទ្ធិផលនេះ ប្រទេសទាំងពីរបានផ្លាស់ប្តូរវិធានការណ៍ជាច្រើនដើម្បីរក្សាពាណិជ្ជកម្មក៏ដូចជាការអនុវត្តគំនិតផ្តួចផ្តើមនានាដើម្បីជំរុញការផ្លាស់ប្តូរអាជីវកម្មលើបរិដ្ឋានអនឡាញ។
នាពេលខាងមុខនេះ វិធានការជាច្រើនដើម្បីសម្រួលដល់ពាណិជ្ជកម្មទ្វេភាគីនឹងត្រូវបានបន្តលើកកម្ពស់ ដែលបង្កើតកម្លាំងចលករសម្រាប់ទំនាក់ទំនងពាណិជ្ជកម្មនៃប្រទេសទាំងពីរបន្តអភិវឌ្ឍន៍យ៉ាងខ្លាំងក្លា៕
(បកប្រែដោយសាមេត)
(ប្រភពព័ត៌មាន: tapchithongtindoingoai.vn)
មតិពីមិត្តអ្នកអាន