យុគសម័យ - នារសៀលថ្ងៃទី ១៧ ខែកុម្ភៈ នៅទីស្នាក់ការរដ្ឋាភិបាល លោកនាយករដ្ឋមន្រ្តី Nguyen Xuan Phuc បានទទួលជួបប្រធានទីភ្នាក់ងារប្រឆាំងអំពើពុករលួយសហព័ន្ធរុស្ស៊ី (PACD) លោក C.Andrey Sergeevich ។
លោកនាយករដ្ឋមន្ត្រី Nguyen Xuan Phuc ទទួលជួប ប្រធាន PACD លោក Andrey Sergeevich។ (រូបថត៖ ទីភ្នាក់ងារសារព័ត៌មានវៀតណាម)
ថ្លែងនៅក្នុងជំនួបនេះលោកនាយករដ្ឋមន្រ្តីបានស្វាគមន៍គណៈប្រតិភូមកបំពេញទស្សនកិច្ចនិងធ្វើការនៅប្រទេសវៀតណាម ក្នុងឱកាសប្រទេសទាំងពីរបានរៀបចំឆ្នាំវៀតណាមនៅសហព័ន្ធរុស្ស៊ី និងឆ្នាំសហព័ន្ធរុស្ស៊ីនៅវៀតណាមថែមទាំងអបអរសាទរខួបលើកទី ៧០ នៃការបង្កើតទំនាក់ទំនងការទូតរវាងប្រទេសទាំងពីរ។
លោកនាយករដ្ឋមន្រ្តី Nguyen Xuan Phuc បានមានប្រសាសន៍ថាប្រទេសវៀតណាមពិតជាសប្បាយរីករាយណាស់ចំពោះសមិទ្ធផលរបស់សហព័ន្ធរុស្ស៊ី នាពេលកន្លងមក ហើយឲ្យដឹងថានេះបានរួមចំណែកយ៉ាងច្រើនដល់សន្តិភាពនិងស្ថិរភាពនៅលើពិភពលោក។ លោកនាយករដ្ឋមន្រ្តីបានសង្កត់ធ្ងន់ថា កិច្ចសហប្រតិបត្តិការរវាងវៀតណាមនិងសហព័ន្ធរុស្ស៊ីបានក្លាយជាទ្រព្យសម្បត្តិដ៏មានតម្លៃនៃប្រជាជននៃប្រទេសទាំងពីរ។
លោកនាយករដ្ឋមន្រ្តីជឿជាក់ថា ដំណើរទស្សនកិច្ចរបស់គណៈប្រតិភូនឹងរួមចំណែកជាវិជ្ជមានដល់ការជំរុញទំនាក់ទំនងមិត្តភាពនិងកិច្ចសហប្រតិបត្តិការរវាងប្រទេសទាំងពីរ។
ប្រធាន PACD លោក Andrey Sergeevich បានថ្លែងអំណរគុណដល់លោកនាយករដ្ឋមន្រ្តីNguyen Xuan Phuc ដែលបានផ្តល់ពេលវេលាដ៏មានតំលៃរបស់លោក ដើម្បីទទួលជួបគណៈប្រតុភូនិងបានសង្កត់ធ្ងន់ថា ដំណើរទស្សនកិច្ចនេះនឹងរួមចំណែកលើកកម្ពស់កិច្ចសហប្រតិបត្តិការជាមួយអធិការដ្ឋានរដ្ឋាភិបាលវៀតណាម រួមចំណែកក្នុងការលើកកម្ពស់ទំនាក់ទំនងទ្វេភាគី ៕(បកប្រែដោយឌីណា)
មតិពីមិត្តអ្នកអាន