វៀតណាមត្រូវបានចាត់ទុកជាប្រទេស ១ ដែលមានទីផ្សារ e-commerce រីកចម្រើនលឿនបំផុតក្នុងតំបន់អាស៊ីអាគ្នេយ៍ដោយបន្ថែមថា ប្រជាជនជាង ៩៧ លាននាក់ និងមានសមាមាត្រប្រជាជនវ័យក្មេងច្រើនដែលប្រើប្រាស់អ៊ីនធឺណិតទីផ្សារ e-commerce របស់វៀតណាមនឹងបន្តរីកចម្រើន។
អតិថិជនវៀតណាមរកមើលទំនិញតាមប្រព័ន្ធអនឡាញដើម្បីបញ្ជាទិញ។
ក្រសួងឧស្សាហកម្ម និងពាណិជ្ជកម្មមានផែនការពន្លឿនការអនុវត្តផែនការមេ (Master Plan) នៃការអភិវឌ្ឍពាណិជ្ជកម្មតាមប្រព័ន្ធអេឡិចត្រូនិក (E-commerce) ថ្នាក់ជាតិ សម្រាប់ឆ្នាំ២០២១-២០២៥ ដើម្បីរក្សាកំណើនសកម្មភាពពាណិជ្ជកម្មឌីជីថល។
លោក Dang Hoang Hai ប្រធាននាយកដ្ឋានសេដ្ឋកិច្ចឌីជីថល និង E-Commerce នៃក្រសួងឧស្សាហកម្ម និងពាណិជ្ជកម្មបាននិយាយថា «ត្រឹមឆ្នាំ ២០២០ ប្រជាជន ៥៣ ភាគរយនៃប្រជាជនសរុបបានចូលរួមក្នុងការទិញទំនិញតាមអនឡាញ»។
លោកបានបន្ថែមថា ទោះបីជាផលិតប៉ះពាល់នៃការរីករាលដាលកូវីដ ១៩ ចំណូលពី e-commerce កើនឡើង ១៨ ភាគរយ ដល់តម្លៃ ១១,៨ ពាន់លានដុល្លារ ដែលមានចំណែក ៥,៥ ភាគរយនៃការលក់រាយសរុប ទំនិញប្រើប្រាស់ និងសេវាកម្មទូទាំងប្រទេស។
តំណាងក្រសួងនេះ បាននិយាយថា ជាមួយការគំាទ្រការទូរទាត់តាមអេឡិចត្រូនិក វាផ្តោតលើការអភិវឌ្ឍហេដ្ឋារចនាសម្ព័ន្ធ e-commerce កសាងនិងធ្វើឲ្យស្ថាប័នល្អ និងក្របខ័ណ្ឌច្បាប់សម្រាប់ e-commerce បង្កើតបរិយាកាសតម្លាភាព និងច្បាប់គាំទ្រសម្រាប់ធុរកិច្ច និងអតិថិជនក្នុងប្រទេសវៀតណាម។
លោកនិយាយថា វៀតណាមត្រូវបានចាត់ទុកជាប្រទេស ១ ដែលមានទីផ្សារ e-commerce រីកចម្រើនលឿនបំផុតក្នុងតំបន់អាស៊ីអាគ្នេយ៍ដោយបន្ថែមថា ប្រជាជនជាង ៩៧ លាននាក់ និងមានសមាមាត្រប្រជាជនវ័យក្មេងច្រើនដែលប្រើប្រាស់អ៊ីនធឺណិតទីផ្សារ e-commerce របស់វៀតណាមនឹងបន្តរីកចម្រើន។
យោងតាមអ្នកនៅក្នុងឧស្សាហកម្ម e-commerce នឹងបន្តរីកចម្រើនកាន់តែខ្លាំងក្នុងឆ្នាំ ២០២១ និងបង្កើតកម្លាំងថ្មីសម្រាប់កំណើនសេដ្ឋកិច្ចបង្កើតបរិយាកាសសម្រាប់ធុរកិច្ចវៀតណាម ដើម្បីកសាងយុទ្ធសាស្ត្រធុរកិច្ចថ្មី និងប្រព័ន្ធចែកចាយទំនើប ដើម្បីពង្រីកទីផ្សារ និងងើបឡើងវិញពីការរីករាលដាល៕
(សរុបដោយវិច្ឆិកា)
មតិពីមិត្តអ្នកអាន