យុគសម័យ - នារសៀលថ្ងៃទី ១២ ខែមករា ក្រសួងដឹកជញ្ជូនបានរៀបចំពិធីសម្ពោធបើកការដ្ឋានសាងសង់ផ្លូវ Lo Te – Rach Soi ផ្លូវល្បឿនលឿនដែលមានប្រវែងជាង ៥១ គីឡូម៉ែត្រ ដោយមានទុនវិនិយោគចំនួន ៦.៣៥៥ ពាន់លានដុង។
លោករដ្ឋមន្ត្រីក្រសួងដឹកជញ្ជូន Nguyen Van The អញ្ជើញថ្លែងសុន្ទរកថា ក្នុងពិធីនោះ។ (រូបថត៖ Phuong Vu)
លោករដ្ឋមន្ត្រីក្រសួងដឹកជញ្ជូន Nguyen Van The បានមាន ប្រសាសន៍ថា ផ្លូវល្បឿនលឿន Lo Te - Rach Soi គឺជាគម្រោង សំខាន់ណាស់ដែលបង្ហាញពីចំណងមិត្តភាព រវាង វៀតណាម និងកូរ៉េខាងត្បូង។ នៅពេលដែលគម្រោងនេះបានបញ្ចប់នឹងតភ្ជាប់មជ្ឈមណ្ឌលសេដ្ឋកិច្ចនៃតំបន់ដីសណ្តទន្លេមេគង្គ ព្រមទាំងបើកផ្លូវថ្មីមួយដែលតភ្ជាប់ពីកណ្តាលទីក្រុង Ho Chi Minh ទៅ កាន់ បណ្តាខេត្តនៅភាគនិរតី ចូលរួមចំណែកយ៉ាងសំខាន់ក្នុងដំណើរការឧស្សាហូបនីយកម្ម - ទំនើបកម្ម អភិវឌ្ឍសេដ្ឋកិច្ច - វប្បធម៌ - ធានាការពារជាតិនិងសន្តិសុខ ដោះស្រាយការកកស្ទះចរាចរណ៍កែលម្អជីវភាពរស់នៅរបស់ប្រជាជននៃខេត្តនានានៅតំបន់ដីសណ្តទន្លេមេគង្គនិងតំបន់ជុំវិញ។
ប្រតិភូកាន់ខ្សែបូរនិងដាក់ឲ្យដំណើរការផ្លូវល្បឿនលឿន Lo Te - Rach Soi ។
គម្រោងនេះត្រូវបានសាងសង់ស្របតាមខ្នាតនៃផ្លូវល្បឿនលឿន ថ្នាក់ A ល្បឿនកំណត់ ៨០ គីឡូម៉ែត្រក្នុងមួយម៉ោង មានគន្លងផ្លូវចំនួន ៤ ។ ដំណាក់កាលដែលបានបញ្ចប់នឹងមានគន្លងផ្លូវចំនួន ៦ និងផ្លវបេតុងជ័រ ដូច្នេះល្បឿនកំណត់ឡើងដល់ ១០០ គីឡូម៉ែត្រ / ម៉ោង./.（បកប្រែដោយឌីណា）
មតិពីមិត្តអ្នកអាន