យុគសម័យ - នារសៀលថ្ងៃទី ២៨ ខែឧសភា ក្រសួងវិទ្យាសាស្ត្រនិងបច្ចេកវិទ្យាវៀតណាមបានលើក ឡើងថាអង្គការជំរុញអាជីវកម្ម ThinkZone បានចុះហត្ថលេខាលើកិច្ចព្រមព្រៀងសហប្រតិបត្តិការ ជាមួយ CJCC របស់កម្ពុជា។
ពិធីចុះហត្ថលេខាលើកិច្ចព្រមព្រៀងសហប្រតិបត្តិការលើការអភិវឌ្ឍ Star-up រវាងវៀតណាម និងកម្ពុជា
ពិធីចុះហត្ថលេខានេះមានគោលបំណងគាំទ្រនិងអភិវឌ្ឍប្រព័ន្ធអេកូឡូស៊ីចាប់ផ្តើមអាជីវកម្មការផ្លាស់ប្តូរដោយភាពច្នៃប្រឌិតថ្មីរវាងប្រទេសទាំងពីរដោយមានកម្មវិធីសហប្រតិបត្តិការលើការបណ្តុះបណ្តាល ការអប់រំ និងការលើកកម្ពស់អាជីវកម្ម ការតភ្ជាប់ការវិនិយោគសម្រាប់ការចាប់ផ្តើមធ្វើអាជីវកម្មរវាងវៀតណាមនិង កម្ពុជា។
CJCC កម្ពុជាជាអង្គការតំណាងដើមទុនរបស់ Jica ជប៉ុនប្រចាំនៅកម្ពុជា ហើយ ThinkZone គឺជាអង្គភាពរួមមួយដែលចូលរួមក្នុងការជំរុញវិស័យអាជីវកម្មឯកទេសសម្រាប់ការចាប់ផ្តើមអាជីវកម្ម ក្នុងក្របខ័ណ្ឌនៃគម្រោង“គាំទ្រប្រព័ន្ធចាប់ផ្តើមអាជីវកម្មដោយភាពច្នៃប្រឌិតរហូតដល់ឆ្នាំ២០២៥ " ដោយក្រសួងវិទ្យាសាស្ត្រនិងបច្ចេកវិទ្យាវៀតណាមចាប់ពីឆ្នាំ ២០២០ ។
ចាប់តាំងពីឆ្នាំ ២០២០ តទៅ ThinkZone Accelerator បានចូលរួមបេសកកម្មគម្រោងលេខ ៨៤៤ នៃក្រសួងវិទ្យាសាស្រ្តនិង បច្ចេកវិទ្យាដោយមានគោលដៅកែលម្អបរិមាណនិងគុណភាពនៃប្រតិបត្តិការទុនវិនិយោគសម្រាប់ការច្នៃ ប្រឌិតចាប់ផ្តើមតាមរយៈកម្មវិធីជម្រុញអាជីវកម្មលើវិស័យឯកទេសស្តីពីការចាប់ផ្តើមអាជីវកម្មដោយផ្អែក ប្រព័ន្ធបច្ចេកវិទ្យាឧស្សាហកម្មលើកទី ៤ ជាពិសេសនៅក្នុងវិស័យបច្ចេកវិទ្យាហិរញ្ញវត្ថុ (FinTech) ។
លើកពីនេះទៀត ThinkZone Accelerator (ដែលជាកម្មវិធីបង្កើនល្បឿនចាប់ផ្តើមអាជីវកម្មរបស់ ThinkZone) ទើបតែប្រកាសពីក្រុមហ៊ុនចាប់ផ្តើមអាជីវកម្មចំនួន ៥ ដែលទទួលបានដើមទុនក្នុង កញ្ចប់វិនិយោគ ២៥០,០០០ ដុល្លារអាមេរិកពីគណៈកម្មការរៀបចំកម្មវិធីផងដែរ។ លើសពីនេះ អង្គភាពចាប់ផ្តើមអាជីវកម្មក៏នឹងមានឱកាសទទួលបានការគាំទ្រពីសហគ្រាសផ្សេងៗទៀតផងដែរ៕
(បកប្រែដោយ ហេង វុធ្ធី)
(ប្រភពព័ត៌មាន: thegioitiepthi.vn)
មតិពីមិត្តអ្នកអាន