យុគសម័យ - យោងតាមសេដ្ឋវិទូអូស្ត្រាលីដែលកំពុងធ្វើការនៅទីក្រុង Ho Chi Minh សមិទ្ធិផលនេះបានមកពីការដែលប្រជាជនវៀតណាមបានដឹងច្បាស់អំពីគ្រោះថ្នាក់នៃជំងឺ Covid-19 និងអនុវត្តបទប្បញ្ញត្តិរបស់រដ្ឋវៀតណាមប្រកបដោយម៉ឹងម៉ាត់ ។
ស្ថានីយ៍ទូរទស្សន៍ដ៏ល្បី 7NEWS ប្រទេសអូស្រ្តាលីបានចំណាយពេលជាច្រើន ក្នុងការចាក់ផ្សាយកម្មវិធីដែលនិយាយអំពីកិច្ចខិតខំប្រឹងប្រែងបង្ការនិងប្រយុទ្ធប្រឆាំងនឹង Covid-19 នៅប្រទេស វៀតណាម។
នៅក្នុងសេចក្តីសង្ខេបនៃស្ថានីយ៍ទូរទស្សន៍នេះ ការងារបង្ការនិងប្រយុទ្ធប្រឆាំងនឹងជំងឺ Covid-19 នៅប្រទេសវៀតណាម ត្រូវបានគេកោតសរសើរជាច្រើន។ នៅពេលចាប់ផ្តើមព័ត៌មាន ពិធីការិនីមួយ រូបបានសួរសំនួរមួយថា៖ "នៅលើពិភពលោកសព្វថ្ងៃនេះមានប្រទេសដែលបានបង្ក្រាបលើ Covid-19 ប្រកបដោយជោគជ័យ។ តើអ្នកស្គាល់ប្រទេសណាដែរ?"
ពិធីករមួយរូបទៀតបានឆ្លើយថា “ នេះគឺជាប្រទេសវៀតណាមជាប្រទេសមួយដែលមានប្រជាជនជិត ១០០ លាននាក់ ប៉ុន្តែមានតែ ករណីផ្ទុកជំងឺ Covid-19 មានចំនួនច្រើនជាង ៣០០ នាក់ ហើយមិនបានកត់ត្រាពីការស្លាប់ណាមួយដោយជំងឺនេះ ។ នៅពេលដែលអ្នកមានការសង្ស័យថា ទិន្នន័យនេះអាចត្រូវបានធ្វើក្លែងក្លាយ ហើយតួលេខជាក់ស្តែងគឺខ្ពស់ជាងនេះ យើងសូមទាក់ទងជាមួយលោក Matt Young រដ្ឋលេខាធិការសភាពាណិជ្ជកម្មអូស្ត្រាលី ប្រចាំនៅប្រទេសវៀតណាម (AusCham) បច្ចុប្បន្នកំពុងធ្វើការនៅទីក្រុងHo Chi Minh” ។
លេខាធិការសភាពាណិជ្ជកម្មអូស្ត្រាលីបានបញ្ជាក់យ៉ាងច្បាស់ថា ស្ថិតិករណីផ្ទុកជំងឺនេះនៅវៀតណាមពិតជាត្រឹមត្រូវទាំងស្រុង។ លោកវាយតម្លៃខ្ពស់ចំពោះការយកដាក់ឲ្យនៅដាច់ដោយឡែកពីគេនិង ការអនុវត្តគម្លាតក្នុងសង្គមប្រកបដោយហ្មត់ចត់នៅ វៀតណាម។
យោងតាមសេដ្ឋវិទូអូស្ត្រាលីរូបនេះដែលកំពុងធ្វើការនៅទីក្រុង Ho Chi Minh សមិទ្ធិផលនេះ បានមកពីការដែលប្រជាជន វៀតណាម បានដឹងច្បាស់អំពីគ្រោះថ្នាក់នៃជំងឺ Covid-19 និងអនុវត្តបទប្បញ្ញត្តិរបស់រដ្ឋវៀតណាមប្រកដោយម៉ឹងម៉ាត់ ។
លោក Matt Young បានចែករំលែកថា“ ខ្ញុំគិតថាការយល់ដឹងរបស់សហគមន៍ដើរតួយ៉ាងសំខាន់ក្នុងភាពជោគជ័យនៃការបង្ការនិងប្រយុទ្ធប្រឆាំងនឹងជំងឺ Covid-19 នៅវៀតណាម។ ប្រហែលជាមកពីប្រជាជនរាល់គ្នាយល់ថា នឹងគ្មាននរណាម្នាក់មានសុវត្ថិភាព ប្រសិនបើសហគមន៍ទាំងមូលស្ថិតនៅក្នុងតំបន់ដែលមានហានិភ័យខ្ពស់។
គោលនយោបាយរួមជាមួយវិធានការរក្សាគម្លាតក្នុងសង្គមដែលរដ្ឋាភិបាលវៀតណាមបានអនុវត្ត សុទ្ធតែបានប្រជាជននៅទីនេះ យកចិត្តទុកដាក់យ៉ាងខ្លាំងនិងអនុវត្តយ៉ាងម៉ឹងម៉ាត់។ ប្រទេសនេះបានបង្កើតនូវវិធានការណ៍បង្ការជំងឺដែលមានប្រសិទ្ធិភាព ដូចជា៖ លាងដៃឱ្យបានទៀងទាត់ រក្សាគម្លាតជាជាក់លាក់ ត្រួតពិនិត្យសីតុណ្ហភាពរាងកាយជាប្រចាំ ... ប្រការជាអស្ចារ្យមួយនៅ វៀតណាមដែលគឺជាមនុស្សទាំងអស់បានបង្កើត សង្គមដែលមានភាពស្អិតរមួតបំផុត រួបរួមគ្នាជំរុញថមថយជំងឺរាតត្បាត Covid-19” ។
ជាមួយគ្នានេះ លោក Matt Young ក៏បានវាយតម្លៃខ្ពស់ចំពោះការខិតខំប្រឹងប្រែងរបស់រដ្ឋាភិបាលវៀតណាម ក្នុងការស្តារសេដ្ឋកិច្ចឡើងវិញបន្ទាប់ពីបញ្ចាប់ការរីករាលដាលនៃជំងឺនេះក្នុងសហគមន៍ ដោយមានវិធានការរឹងមាំ គាំទ្រដល់វិស័យទេសចរណ៍…
នៅក្នុងផ្នែកចុងក្រោយនៃការចែករំលែករបស់លោក Matt Young លោកក៏បានអំពាវនាវដល់ប្រជាជនអូស្រ្តាលីឱ្យមកប្រទេសវៀតណាមដើម្បីមកទេសចរ ពីព្រោះវៀតណាមគឺជាប្រទេសដែលមានសុវត្ថិភាពប្រជាជនមានភាពរួសរាយរាក់ទាក់ និងមានទេសភាពស្រស់ស្អាតជាច្រើន - ក្នុងបរិបទដែលវៀតណាមនឹងបើកទ្វារនិងទទួលភ្ញៀវទេសចរនៅពេលឆាប់ៗនេះ។
បន្ទាប់ពីការចាក់ផ្សាយរឿងរ៉ាវអំពីភាពជោគជ័យរបស់វៀតណាមក្នុងការទប់ស្កាត់ជំងឺ Covid-19 ដែលគេបង្ហោះលើទំព័រហ្វេសប៊ុកផ្លូវការរបស់ 7NEWS និងទទួលបានការកោតសរសើររាប់មិនអស់ពីអ្នកប្រើប្រាស់បណ្តាញសង្គម./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន