យុគស័យ - នាថ្ងៃទី ១៧ ខែកញ្ញា ក្នុងសន្និសីទសារព័ត៌មានទៀងទាត់របស់ក្រសួងការបរទេស អ្នកនាំពាក្យក្រសួងការបរទេសលោកស្រី Le Thi Thu Hang បានឆ្លើយសំណួររបស់អ្នកយកព័ត៌មានទាក់ទងនឹងការចាប់ខ្លួនអ្នកនេសាទវៀតណាមចំនួន ១៨ នាក់នៅប្រទេសម៉ាឡេស៊ី។
អ្នកនាំពាក្យក្រសួងការបរទេសលោកស្រី Le Thi Thu Hang បានធ្វើជាអធិបតីក្នុងសន្និសីទកាសែតទៀងទាត់នៅខែកញ្ញាឆ្នាំ ២០២០ ។
អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang បានគូសបញ្ជក់ថា៖
“ចំពោះបញ្ហាទាក់ទងនឹងរឿងក្តីដែលបានកើតឡើងនៅថ្ងៃទី ១៦ ខែ សីហាកន្លងមករវាងកងកំលាំងគ្រប់គ្រងឆ្នេរម៉ាឡេស៊ីនិងនាវានេសាទវៀតណាម ២ គ្រឿង ដែលបានសម្លាប់អ្នកនេសាទវៀតណាមម្នាក់ ដូចដែលយើងបានជូនដំណឹង ក្រសួងការបរទេសវៀតណាមបានទំនាក់ទំនងនិងផ្ញើរសារទៅកាន់ស្ថានទូតម៉ាឡេស៊ីប្រចាំនៅវៀតណាមដើម្បីសំដែងការព្រួយបារម្ភយ៉ាងខ្លាំងអំពីករណីដ៏ធ្ងន់ធ្ងរនេះ។ ស្នើឱ្យអាជ្ញាធរមានសមត្ថកិច្ចម៉ាឡេស៊ីស៊ើបអង្កេតលើរឿងក្តីនេះ ដាក់ទណ្ឌកម្មយ៉ាងតឹងរឹងដល់មន្រ្តីសាធារណៈដែលបានសម្លាប់អ្នកនេសាទវៀតណាម និងមិនឱ្យធ្វើសកម្មភាពស្រដៀងគ្នានេះនាពេលអនាគត។ ក្រសួងការបរទេសបានស្នើឱ្យភាគីម៉ាឡេស៊ីផ្តល់ជំនួយយ៉ាងឆាប់ៗដើម្បីប្រគល់សាកសពជនរងគ្រោះទៅប្រទេសវិញតាមការគោលបំណងរបស់ក្រុមគ្រួសារ ការព្យាបាលដោយមនុស្សធម៌ចំពោះចំនួនអ្នកនេសាទដែលត្រូវបានចាប់ខ្លួននិងរៀបចំឱ្យតំណាងស្ថានទូតវៀតណាមប្រចាំនៅម៉ាឡេស៊ីទៅសួរសុខទុក្ខអ្នកនេសាទដើម្បីទទួលបានព័ត៌មាន និងចាត់វិធានការចាំបាច់ដើម្បីការពារពលរដ្ឋ។ ទោះយ៉ាងណា រហូតមកដល់ពេលនេះ ភាគីម៉ាឡេស៊ីមិនទាន់បានរៀបចំដំណើរសួរសុខទុក្ខសម្រាប់ស្ថានទូតវៀតណាមនៅឡើយទេ។ យើងនឹងបន្តជំរុញរឿងក្តីនេះ៕”（បកប្រែដោយសាមេត）
（ប្រភពព័ត៌មាន: tapchithongtindoingoai.vn）
មតិពីមិត្តអ្នកអាន