យុគសម័យ - ប្រទេសវៀតណាមបានកត់ត្រាករណីឆ្លងជំងឺកូវីដ១៩ ចំនួន ៣៦៩ ករណីដែលក្នុងនោះ មានអ្នកជំងឺចំនួន ៥០ នាក់ជាជនបរទេសនិង ១០០% នៃអ្នកជំងឺបរទេសត្រូវបានព្យាបាលជាសះស្បើយ ដោយក្រុមគ្រូពេទ្យវៀតណាម។
ប្រទេសវៀតណាមបានព្យាបាលសះស្បើយ១០០% សម្រាប់អ្នកជំងឺកូវីដ១៩ ជាជនបរទេស
គិតត្រឹមព្រឹកថ្ងៃទី៩ ខែកក្កដា ប្រទេសវៀតណាមបានកត់ត្រាករណីជំងឺកូវីដ១៩ ចំនួន ៣៦៩ ករណី ដែលក្នុងនោះមានអ្នកជំងឺចំនួន ៥០ នាក់ជាជនបរទេស ហើយជាពិសេស អ្នកជម្ងឺបរទេស ១០០% ត្រូវបានគ្រូពេទ្យវៀតណាមព្យាបាលជាសះស្បើយប្រកបដោយជោគជ័យ។រីឯអ្នកជំងឺទី ៩១ ដែលជាអាកាសយានិកជនជជាតិអង់គ្លេសម្នាក់ គឺជាអ្នកជំងឺកូវីដ១៩ចុងក្រោយបង្អស់ដែលត្រូវបាន ប្រកាសថាត្រូវបានព្យាបាលជាសះស្បើយហើយនឹងវិលត្រឡប់ទៅស្រុកកំណើតវិញនៅថ្ងៃទី ១២ ខែកក្កដាខាងមុខនេះ។
យោងតាមប្រធាននាយកដ្ឋានគ្រប់គ្រងការពិនិត្យសុខភាពនៃក្រសួងសុខាភិបាលវៀតណាម លោកសស្ត្រាចារ្យរងបណ្ឌិត Luong Ngoc Khue បានឲ្យដឹងថាផែនការព្យាបាលជំងឺនៃក្រសួង សុខាភិបាល និងអនុគណៈកម្មការជាតិប្រយុទ្ធប្រឆាំងនឹងជំងឺរាតត្បាតគឺជាកត្តាសំខាន់ៗ ដែលជួយ វៀតណាមព្យាបាលករណីទាំងនេះប្រកបដោយជោគជ័យ។ ជាពិសេសវៀតណាមមិនប្រកាន់
អ្នកជំងឺជាប្រជាជន វៀតណាមឬជនជាតិបរទេសទេនោះឡើយ។ អ្នកជំងឺទាំងអស់ ត្រូវបាន ព្យាបាលស្មើៗគ្នាដោយការខិតខំប្រឹងប្រែងនិងដកបទពិសោធន៍ប្រចាំថ្ងៃរបស់គ្រូពេទ្យផងដែរ៕
(បកប្រែដោយ ហេង វុធ្ធី)
(ប្រភពព័ត៌មាន: thoidai.com.vn)
មតិពីមិត្តអ្នកអាន