យុគសម័យ - អញ្ជើញទទួលការអនុញ្ញាតពីលោកនាយករដ្ឋមន្រ្តីវៀតណាម Nguyen Xuan Phuc កាលពីថ្ងៃទី ១៣ ខែវិច្ឆិកាឆ្នាំ ២០២០ នៅទីក្រុងហាណូយ ក្រសួងការបរទេសបានរៀបចំពិធីជានិមិត្តរូបនៃការប្រគល់អង្ករ ១០០០ តោន ដែលជាអំណោយពីបក្ស រដ្ឋ រដ្ឋាភិបាលនិងប្រជាជនវៀតណាមជូនទៅប្រជាជនឡាវដើម្បីជួយប្រទេសមិត្តក្នុងការជំនះផលវិបាកនៃគ្រោះមហន្តរាយធម្មជាតិដ៏ធ្ងន់ធ្ងរនៅក្នុងខេត្ត Savanakhet ។
ទិដ្ឋភាពនៃពិធីនេះ
ថ្លែងនៅក្នុងពិធីនេះ លោកនាយករដ្ឋមន្រ្តី Nguyen Xuan Phuc បានសង្កត់ធ្ងន់ថាបន្ទាប់ពីដឹងថាប្រជាជននៅខេត្ត Savanakhet និងខេត្តជិតខាងបានរងការខូចខាតយ៉ាងធ្ងន់ធ្ងរដោយសារទឹកជំនន់ ដែលបានបង្កឡើងនាពេលថ្មីៗនេះ ក្នុងស្មារតីសាមគ្គីភាពជាពិសេសរវាងវៀតណាមនិងឡាវ បក្ស រដ្ឋ រដ្ឋាភិបាលនិងប្រជាជនវៀតណាម បានសម្រេចចិត្តបរិច្ចាគអង្ករចំនួន ១០០០ តោនដល់ប្រជាជនឡាវខេត្ត Savanakhet ដើម្បីជំនះនូវផលវិបាកនៃគ្រោះមហន្តរាយធម្មជាតិ និងធ្វើឱ្យមានស្ថេរភាពដល់ជីវិតរបស់ប្រជាជនឡាវពេលឆាប់ៗនេះ។ ទីភ្នាក់ងារពាក់ព័ន្ធរបស់វៀតណាមនឹងសម្របសម្រួលក្នុងការដឹកជញ្ជូននិងប្រគល់ទៅឱ្យប្រទេសឡាវនូវអង្ករខាងលើ។
ជាការឆ្លើយតប នាយករដ្ឋមន្រ្តីឡាវលោក ថងលូនស៊ីស៊ូលីត បានថ្លែងអំណរគុណយ៉ាងជ្រាលជ្រៅចំពោះបក្សរដ្ឋរដ្ឋាភិបាលនិងប្រជាជនវៀតណាមដែលបានផ្តល់អំណោយដ៏មានអត្ថន័យនេះដែលជាការគាំទ្រទាន់ពេលវេលាដល់ប្រជាជនឡាវជាទូទៅនិងប្រជាជននៅខេត្ត Savanakhet ជាពិសេសក្នុងសម័យដ៏លំបាកនេះ៕（បកប្រែដោយ ហេង វុធ្ធី）
（ប្រភពព័ត៌មាន: thoidai.com.vn）
មតិពីមិត្តអ្នកអាន