Trending now

ប្រទេសវៀតណាម -“ ផ្កាយភ្លឺ” នៅអាស៊ីអាគ្នេយ៍

18:39 | 19/10/2019 (ហេង វុធ្ធី)

ដោយមានកិត្យានុភាពកាន់តែបានលើកកម្ពស់នៅលើឆាកអន្តរជាតិ រួមជាមួយនឹងកំណើនសេដ្ឋកិច្ចលឿននិងមានស្ថេរភាព វៀតណាមត្រូវបានអ្នកជំនាញរុស្ស៊ីវាយតម្លៃខ្ពស់។

វត្ត Tran Quoc នៅទីក្រុងហាណូយ (រូបថត៖ ictnews.vn)

ក្នុងបរិបទដែលសេដ្ឋកិច្ចពិភពលោកកំពុងបន្ថយល្បឿន ខួបអាជីវកម្មជិតចប់ហើយ ទោះបីអាចមានគ្រោះថ្នាក់ផ្ទុះឡើងនូវវិបត្តិសេដ្ឋកិច្ចនិងហិរញ្ញវត្ថុសាជាថ្មីក្តី ប៉ុន្តែវៀតណាមនៅតែជាផ្កាយភ្លឺបំផុតដែលបង្ហាញពីកំណើនសេដ្ឋកិច្ចលឿន និងមានស្ថេរភាព។ នេះជាការសន្និដ្ឋានរបស់លោក Vladimir Mazyrin ប្រធានមជ្ឈមណ្ឌលស្រាវជ្រាវវៀតណាម និងអាស៊ាននៃវិទ្យាស្ថានចុងបូព៌ានៃបណ្ឌិត្យសភាវិទ្យាសាស្ត្ររុស្ស៊ី។ ថ្លែងប្រាប់ទីភ្នាក់ងារសារព័ត៌មាន Sputnik លោក Mazyrin បានដកស្រង់ទិន្នន័យរបស់អគ្គនាយកដ្ឋានស្ថិតិទូទៅនៃប្រទេសវៀតណាមឲ្យដឹងថា ក្នុងរយៈពេល ៩ ខែ ឆ្នាំ ២០១៩ ផលិតផលក្នុងស្រុកសរុបរបស់វៀតណាមបានកើនឡើង ៦.៩៨% បើធៀបនឹងរយៈពេលដូចគ្នាក្នុងឆ្នាំ ២០១៨។ លើសពីនេះទៅទៀតថ្មីៗនេះ យោងទៅតាមចំណាត់ថ្នាក់នៃការប្រកួតប្រជែងជាសកលនៅឆ្នាំ ២០១៩ វៀតណាមបានកើនឡើង ១០ ចំណាត់ថ្នាក់និងឈរនៅលំដាប់ទី ៦៧ ហើយនាំមុខប្រទេសឥណ្ឌា ដែលជាប្រទេសមានសេដ្ឋកិច្ចធំលំដាប់ទី ៦ លើពិភពលោក។ បន្ថែមពីលើនេះ លោក Mazyrin បានមានប្រសាសន៍ថាក្នុងនាមជាប្រទេសមួយដែលមានស្ថេរភាពម៉ាក្រូសេដ្ឋកិច្ច តម្លៃរូបិយប័ណ្ណជាតិមានស្ថេរភាព ប្រទេសវៀតណាមក៏ជាគំរូឧទាហរណ៍មួយសម្រាប់ប្រទេសជាច្រើនផងដែរ។

នៅក្នុងអត្ថបទថ្មីៗដែលចុះផ្សាយលើគេហទំព័រព័ត៌មាន IAREX របស់រុស្ស៊ី លោក Grigory Trofimchuk ប្រធានក្រុមប្រឹក្សាជំនាញការនៃមូលនិធិទ្រទ្រង់ការស្រាវជ្រាវវិទ្យាសាស្ត្រ "គំនិតអាស៊ាន-អឺរ៉ុប" បានមានសេចក្តីសន្និដ្ឋានថា ដើម្បីទទួលស្គាល់ការងើបឡើងនៃទ្វីបអាស៊ីនោះ ប្រទេសរុស្ស៊ីនឹងត្រូវវាយតម្លៃយ៉ាងត្រឹមត្រូវអំពីប្រទេសសំខាន់ៗនីមួយៗនៅអឌ្ឍគោលបូព៌ា រួមទាំងប្រទេសវៀតណាមដែលឈានមុខគេក្នុងការអភិវឌ្ឍលើវិស័យសំខាន់ៗជាច្រើន។ យោងទៅតាមលោក Grigory Trofimchuk ប្រទេសវៀតណាមកំពុងក្លាយជា“ ផ្កាយ”ភ្លឺជាងគេនៅបូព៌ា ជាពិសេសនៅអាស៊ីអាគ្នេយ៍។

ទីក្រុងដាណាំង (រូបថតcongly.vn)

ដោយពន្យល់អំពីកំណើនសេដ្ឋកិច្ចគួរឱ្យចាប់អារម្មណ៍នៅប្រទេសវៀតណាមលោក Mazyrin បានមានប្រសាសន៍ថាប្រទេសវៀតណាមទទួលបានសមិទ្ធិផលខាងលើគឺដោយសារគោលនយោបាយរបស់រដ្ឋវៀតណាមក្នុងការតំរង់ទិសសង្គមដើម្បីបម្រើដល់ដំណើរការនៃការអភិវឌ្ឍសេដ្ឋកិច្ច ដោយហេតុនេះធ្វើឱ្យប្រសើរឡើងនូវសូចនាករសង្គមជាច្រើន។ លើសពីនេះទៀតលោក Mazyrin បានមានប្រសាសន៍ថា ក្នុងចំណោមកត្តាដែលជំរុញឱ្យប្រទេសវៀតណាមលោតផ្លោះគួរឱ្យចាប់អារម្មណ៍នៅក្នុងចំណាត់ថ្នាក់នៃការប្រកួតប្រជែងពិភពលោកគឺមានទាំងការជំរុញផ្នែកនយោបាយ។ តាមលោកថា ការណ៍នេះបង្ហាញនូវកិត្យានុភាពនយោបាយខ្ពស់របស់វៀតណាមចំពោះប្រទេសអាមេរិកនិងបណ្តាប្រទេសសហភាពអឺរ៉ុប។ បន្ថែមពីលើនេះ លោក Mazyrin ក៏បានអត្ថាធិប្បាយផងដែរថា សេដ្ឋកិច្ចនៃវៀតណាមរក្សាបាននូវសន្ទុះកំណើនថេរដោយសារគោលនយោបាយរបស់វៀតណាមក្នុងការធានាបរិយាកាសធុរកិច្ចអំណោយផល គាំទ្រដល់អាជីវកម្ម រួមទាំងសហគ្រាសធុនតូច និងមធ្យម។ តាមលោកថា នេះជាឱកាសមាសសម្រាប់សហគ្រាសវៀតណាម។ លោកបានសង្កត់ធ្ងន់លើការខិតខំប្រឹងប្រែង និងសមិទ្ធិផលរបស់វៀតណាមក្នុងការជំរុញកំណើនសេដ្ឋកិច្ច ពោលគឺពង្រឹងកិច្ចព្រមព្រៀងពាណិជ្ជកម្មសេរីជំនាន់ថ្មី ការសម្រួលលក្ខខណ្ឌអាជីវកម្ម និងនីតិវិធីផ្ទៀងផ្ទាត់។ អនុវត្តរដ្ឋាភិបាលអេឡិចត្រូនិច សេដ្ឋកិច្ចឌីជីថល លើកទឹកចិត្តការចាប់ផ្តើមនិងវិធានការជាច្រើនទៀត។

យោងតាមអត្ថបទមួយដែលចុះផ្សាយក្នុងសារព័ត៌មាន Realist របស់រុស្ស៊ី អ្នកជំនាញ Trofimchuk បាននិយាយថា តួនាទី និងជំហររបស់វៀតណាមត្រូវបានអះអាងកាន់តែខ្លាំងឡើងទាំងផ្នែកសេដ្ឋកិច្ច និងនយោបាយ។ ការចូលរួមវិភាគទានយ៉ាងសកម្ម និងប្រសិទ្ធភាពរបស់វៀតណាមចំពោះយន្តការពហុភាគីដូចជាសមាគមប្រជាជាតិអាស៊ីអាគ្នេយ៍ (អាស៊ាន) វេទិកាសហប្រតិបត្តិការសេដ្ឋកិច្ចអាស៊ី - ប៉ាស៊ីហ្វិក (APEC) និងអង្គការអន្តរជាតិជាច្រើនទៀតគឺជាឧទាហរណ៍នៃរឿងនោះ។

ទីក្រុងហូជីមិញ (រូបថត៖ ictnews.vn)

អ្នកជំនាញរុស្ស៊ីបានផ្តល់ការសរសើរដល់ប្រទេសវៀតណាមក្នុងបរិបទដែលប្រទេសទាំងពីរកំពុងស្ថិតក្នុងដំណាក់កាលប្រវត្តិសាស្ត្រដ៏សំខាន់ដែលជាមូលដ្ឋានមួយសម្រាប់ទីក្រុងមូស្គូ និងហាណូយចាប់ផ្តើមអនាគតនៃកិច្ចសហប្រតិបត្តិការថ្មី។ នាថ្ងៃទី ១៦ មិថុនា កន្លងមក ប្រទេសទាំងពីរបានប្រារព្ធខួបលើកទី ២៥ នៃការចុះហត្ថលេខាលើសន្ធិសញ្ញាស្តីពីគោលការណ៍គ្រឹះនៃទំនាក់ទំនងមិត្តភាពវៀតណាម - រុស្ស៊ី (១៦ មិថុនា ១៩៩៤ / ១៦ មិថុនា ២០១៩)។ នៅឆ្នាំ ២០២០ ខាងមុខនេះ រុស្ស៊ី និងវៀតណាមនឹងប្រារព្ធខួប ៧០ ឆ្នាំនៃការបង្កើតទំនាក់ទំនងការទូត (៣០ មករា ១៩៥០ / ៣០ មករា ២០២០)។ ដោយហេតុនោះ លោក Trofimchuk បានមានប្រសាសន៍ថា នេះគឺជាឱកាសដ៏ល្អសម្រាប់រុស្ស៊ី និងវៀតណាមអភិវឌ្ឍភាពជាដៃគូយុទ្ធសាស្ត្រគ្រប់ជ្រុងជ្រោយរបស់ខ្លួនបន្ថែមទៀត”។

លោក Trofimchuk បាននិយាយថា ប្រទេសវៀតណាមគឺជាមិត្តដ៏ពិតប្រាកដម្នាក់របស់រុស្ស៊ីនិងប្រជាជនរុស្ស៊ីទាំងមូល។ ទោះបីមានស្ថានភាពស្មុគស្មាញ និងមិនអាចទាយទុកជាមុនបានក្នុងពិភពលោកក៏ដោយក៏ប្រទេសទាំងពីរមិនត្រឹមតែរក្សាប៉ុណ្ណោះទេ ថែមទាំងពង្រឹងកិច្ចសហប្រតិបត្តិការទៀតផង៕

ប្រភព៖ kh.qdnd.vn

(ហេង វុធ្ធី)

(ហេង វុធ្ធី)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់