យុគសម័យ - នាព្រឹកថ្ងៃទី ២០ ខែកុម្ភៈ នៅរដ្ឋធានីហាណូយ លោកឧបនាយករដ្ឋមន្រ្តី Vu Duc Dam បានទទួលជួបគណៈប្រតិភូមកសមាគមសុខុមាលភាពសង្គមអន្តរជាតិ (ISSA) ដឹកនាំដោយ លោក Marcelo Abi-Ramia Caetano អគ្គលេខាធិការ ISSA ដែលអញ្ជើញមកបំពេញទស្សននិងធ្វើការ នៅប្រទេសវៀតណាម។
ទិដ្ឋភាពនៃជំនួបរវាងលោកឧបនាយករដ្ឋមន្ត្រី Vu Duc Dam និង លោក Marcelo Abi-Ramia Caetano អគ្គលេខាធិការ ISSA។ (រូបថត៖ កាសែត Chinh phu)
នៅក្នុងជំនួបនេះ លោកឧបនាយករដ្ឋមន្ត្រី Vu Duc Dam បានសម្តែងក្តីជឿជាក់នូវកិច្ចសហប្រតិបត្តិការរវាងវៀតណាម និង ISSA មានការរីកចំរើនកាន់តែល្អប្រសើរពីមួយថ្ងៃទៅមួយថ្ងៃ។ លោកឧបនាយករដ្ឋមន្ត្រីបានសង្កត់ធ្ងន់ថា ក្នុងនាមជាប្រធានអាស៊ាន២០២០ វៀតណាមនឹងបន្តលើកឡើងនូវខ្លឹមសារដែលទាក់ទងនឹងសុខុមាលភាពសង្គម និងកិច្ចសហប្រតិបត្តិការលើវិស័យធានារ៉ាប់រង ក្នុងរបៀបវារៈទាំងឡាយរបស់អាស៊ាន។
លោក Marcelo Abi-Ramia Caetano បានវាយតម្លៃខ្ពស់ចំពោះវៀតណាមក្នុងការអនុវត្តបញ្ហានានាដែលទាក់ទងនឹងសុខុមាលភាពសង្គម។ លោក Marcelo Abi-Ramia Caetano សង្ឃឹមថា នាពេលខាងមុខនេះ ISSA និងវៀតណាមនឹងបង្កើនកិច្ចសហប្រតិបត្តិការប្រកបដោយប្រសិទ្ធភាព និងសម្រេចគោលដៅធានាសុខុមាលភាបសង្គមនៅវៀតណាម រួមចំណែកពង្រឹងកិត្យានុភាព និងរូបភាពរបស់វៀតណាម ក្នុងដំណើរការធ្វើសមាហរណកម្មអន្តរជាតិលើវិស័យសុខុមាលភាពសង្គម៕
(បកប្រែដោយឌីណា)
មតិពីមិត្តអ្នកអាន