ការបង្កើតឡើងបក្សកុម្មុយនិស្តវៀតណាមមានអត្ថន័យយ៉ាងសំខាន់មិនត្រឹមតែចំពោះប្រវតិ្តសាស្រ្តនៃប្រជាជាតិវៀតណាមប៉ុណ្ណោះទេ ថែមទាំងសំរាប់ចលនាបដិវត្តលើពិភពលោកផងដែរ។ នោះគឺជាការបញ្ជាក់របស់លោកអគ្គលេខាបក្សកុម្មុយនិស្តអាហ្សង់ទីន Victor Kot ដែលតែងតែមានមនោសញ្ចេតនាពិសេសចំពោះប្រទេសប្រជាជន និងបដិវត្តវៀតណាម។ ក្នុងឪកាសអបអរសាទរខួប ៩០ នៃទិវាបង្កើតបក្សកុម្មុនិស្តវៀតណាម (ថ្ងៃទី៣ ខែកុម្ភៈឆ្នាំ១៩៣០ ថ្ងៃទី៣ ខែកុម្ភៈ ឆ្នាំ២០២០)។ យើងខ្ញុំសូមឧទ្ទេសនាមនូវចំណាប់អារម្មណ៍របស់លោកអគ្គលេខាបក្សកុម្មុយនិស្តអាហ្សង់ទីន Victor Kot ចំពោះបក្សកុម្មុនិស្តវៀតណាម ដូចតទៅនេះ៖
លើកឡើងតួនាទីរបស់បក្សកុម្មុយនិស្តវៀតណាមក្នុងដំណើរការកសាង និងអភិវឌ្ឍប្រទេស លោក Victor Kot បានសង្កត់ធ្ងន់ថា ក្នុងអំឡុងពេលប្រវត្តិសាស្ត្រនៃសតវត្សរ៍ទី ២០ និងបណ្តាទសវត្សរ៍ដំបូងនៃសតវត្សរ៍ទី ២១ ប្រទេសវៀតណាមបានបង្កើតការលើកទឹកចិត្តដ៏ធំធេងសម្រាប់ការបង្កើតចលនាកុម្មុយនិស្តអន្តរជាតិ សម្រាប់ការតស៊ូរបស់កុម្មុយនិស្ត និងបដិវត្ត ក៏ដូចជាប្រវត្តិសាស្រ្តរបស់មនុស្សជាតិ។ លោកអគ្គលេខាបក្ស Victor Kot បានសម្តែងនូវការកោតសរសើរ និងការគោរពចំពោះប្រវត្តិសាស្ត្រដ៏ត្រចះត្រចង់របស់បក្សកុម្មុយនិស្តវៀតណាមក្នុ ងរយៈពេល ៩០ ឆ្នាំកន្លងមក ក្នុងតួនាទីជាអ្នកដឹកនាំដ៏សក្តិសម ដែលត្រូវបានប្រជាជនវៀតណាមទទួលស្គាល់ក្នុងប្រវត្តិសាស្ត្រនៃការតស៊ូដើម្បីឯករាជ្យជាតិ ក៏ដូចជាការដឹកនាំ និងកិត្យានុភាពរបស់បក្សកុម្មុយនិស្តវៀតណាមលើឆាកអន្តរជាតិ។
យោងតាមលោកអគ្គលេខាបក្សកុម្មុយនីស្តអាហ្សង់ទីនឲ្យដឹងថា ដោយមានការដឹកនាំរបស់បក្សកុម្មុយនិស្តវៀតណាម និងការចូលរួមរបស់ប្រជាជនវៀតណាមទាំងមូល ប្រទេសវៀតណាមទទួលបានជ័យជម្នះដ៏ធំធេងក្នុងការតស៊ូប្រឆាំងនឹងពួកអាណានិគម បើកប្រវត្តិសាស្ត្រថ្មីសម្រាប់ប្រជាជនជាមួយនឹងការកកើតនៃសាធារណរដ្ឋប្រជាមានិតវៀតណាម បន្ទាប់មកគឺការតស៊ូដើម្បីឯករាជ្យជាតិ ការវាយឲ្យបរាជ័យចក្រពត្តិនិយម។ មិនត្រឹមតែប៉ុណ្ណោះទេ បន្ទាប់ពីបង្រួបបង្រួមប្រទេសឡើងវិញ បក្សកុម្មុយនិស្តវៀតណាមបានបន្តដឹកនាំប្រទេសក្នុងការស្តារ និងអភិវឌ្ឍសេដ្ឋកិច្ចឡើងវិញដោយមានទិសដៅត្រឹមត្រូវ ចាប់តាំងពីក្រោយឆ្នាំ ១៩៨៦ កសាងសង្គមថ្មីមួយដោយមានសមិទ្ធិផលលេចធ្លោជាច្រើន។
លោកអគ្គលេខាបក្សកុម្មុយនិស្តអាហ្សង់ទីន Victor Kot (អ្នកឈរនៅកណ្តាល) ។ (រូបថត៖ ទីភ្នាក់ងារសារព័ត៌មានវៀតណាម)
លោក Victor Kot បានមានប្រសាសន៍ថា ទោះបីនៅមានការលំបាកក៏ដោយក៏ជោគជ័យទាំងឡាយរបស់វៀតណាមក្នុងដំណើរការអនុវត្តកិច្ចការផ្លាស់ប្តូរថ្មីនិងការអភិវឌ្ឍសេដ្ឋកិច្ចរបស់ប្រទេស ដើម្បីសុភមង្គលរបស់ប្រជាជនទទួលបានការកោតសរសើរពីសហគមន៍អន្តរជាតិ។
ទាក់ទិននឹងទំនាក់ទំនងរវាងបក្សកុម្មុយនីស្តអាហ្សង់ទីន និងវៀតណាម Victor Kot មានប្រសាសន៍ថា នេះជាទំនាក់ទំនងប្រវត្តិសាស្រ្តដោយផ្អែកលើលទ្ធិម៉ាក្ស - លេនីន ដែលមានទស្សនៈស្រដៀងគ្នា មានទំនាក់ទំនងមិត្តភាពស្មោះត្រង់ និងគោរពគ្នាទៅវិញទៅមក។ ថ្នាក់ដឹកនាំនៃបក្សកុម្មុយនីស្តអាហ្សង់ទីនជាច្រើនមានទំនាក់ទំនងល្អជាមួយថា្នក់ដឹកនាំបក្សកុម្មុយនិស្តវៀតណាមដូចជា លោកប្រធាន Ho Chi Minh ឬលោកអគ្គលេខាបក្ស Le Duan និងថ្នាក់ដឹកនាំជាច្រើនទៀត។ ជាពិសេស ក្នុងដំណាក់កាលដែលវៀតណាមត្រូវឆ្លងកាត់ការតស៊ូប្រឆាំងនឹងចក្រពត្តិអាមេរិកជាសម័យមួយដែលបក្សកុម្មុយនិស្តអាហ្សង់ទីនបានប្រឹងប្រែងអស់ពីសមត្ថភាពដើម្បីជួយគាំទ្រចំពោះការតស៊ូរបស់ប្រជាជនវៀតណាម។
លោកអគ្គលេខាបក្សកុម្មុយនិស្តអាហ្សង់ទីនបានរំលឹកឡើងវិញថា នៅសម័យនោះ បក្សកុម្មុយនិស្តអាហ្សង់ទីនបានបង្កើតចលនាបង្រួបបង្រួមសមគ្គីជាមួយវៀតណាម ឃោសនានិងតាមដានយ៉ាងដិតដល់នូវការវិវត្តនៃការតស៊ូបដិវត្តស្នេហាជាតិដ៏អង់អាច់ក្លាហានរបស់ប្រជាជនវៀតណាម។
លោក Victor Kot បានបញ្ជាក់ថា ក្នុងរយៈពេលប៉ុន្មានឆ្នាំថ្មីៗ នេះភាគីទាំងពីរបានផ្លាស់ប្តូរគណៈប្រតិភូគ្រប់ជាន់ថ្នាក់ដើម្បីពង្រឹង និងពង្រីក ទំនាក់ទំនងមិត្តភាពជាបងប្អូន ហើយទន្ទឹមនឹងនោះក៏បង្ហាញការជួយគាំទ្រ និងទំនាកទំនងសាមគ្គីភាពជាមួយដំណើរការផ្លាស់ប្តូរនិងអភិវឌ្ឍន៍សេដ្ឋកិច្ចប្រកបដោយជោគជ័យរបស់វៀតណាម ក៏ដូចជាតួនាទីដែលកំពុងកើនឡើងក្រោមការដឹកនាំរបស់បក្សកុម្មុយនិស្តវៀតណាមក្នុងទំនាក់ទំនងអន្តរជាតិ។
លោកអគ្គលេខាបក្សកុម្មុយនិស្តអាហ្សង់ទីនជឿជាក់យ៉ាងមុតមាំថា ប្រទេសវៀតណាមក្រោមការដឹកនាំប្រកបដោយគតិបណ្ឌិតរបស់បក្សកុម្មុយនិស្តវៀតណាមនឹងបន្តអនុវត្តប្រកបដោយជោគជ័យនូវយុទ្ធសាស្ត្រអភិវឌ្ឍន៍ទាំងឡាយរបស់ប្រទេស ក៏ដូចជាទទួលបានសមិទ្ធិផលថ្មីៗនៅក្នុង ការកាងសង្គមនិយម។ លោកក៏បានបង្ហាញក្តីសង្ឃឹម ថាចំណងសាមគ្គីភាព និងមិត្តភាពរវាងបក្សកុម្មុយនីស្តអាហ្សង់ទីន និងបក្សកុម្មុយនីស្តនិងវៀតណាមនឹងត្រូវបានរឹកបន្តែង ហើយឆ្ពោះទៅរកជោគជ័យថ្មីៗថែមទៀត៕
(បូកសរុបដោយឌីណា)
មតិពីមិត្តអ្នកអាន