Trending now

នាយករដ្ឋមន្រ្តីលោក Nguyen Xuan Phuc ប្រកាសប្រធានបទសម្រាប់ ឆ្នាំអាស៊ាន ២០២០

21:45 | 04/11/2019 (យោងតាម chinhphu.vn បកប្រែដោយស្រីពេជ្រ)

យុគសម័យ - នាយប់ថ្ងៃទី ៤ ខែវិច្ឆិកា នៅទីក្រុងបាងកក ក្នុងពិធីផ្ទេរតំណែងប្រធានអាស៊ានពីប្រទេសថៃទៅប្រទេសវៀតណាម នាយករដ្ឋមន្រ្តី លោក Nguyen Xuan Phuc បានទទួលយកនូវញញួរនិមិត្តរូបប្រធានអាស៊ានពីនាយករដ្ឋមន្រ្តីថៃនិងប្រកាសនូវប្រធានបទក៏ដូចជាទិសដៅធំៗរបស់វៀតណាមក្នុងអាស៊ាន ២០២០។

លោកនាយករដ្ឋមន្រ្តីបានប្រកាសប្រធានបទឆ្នាំអាស៊ាន ២០២០ ដឹកនាំដោយវៀតណាម (រូបថតៈ VGP)

ពិធីផ្ទេរដំណែងនេះបានប្រារព្ធធ្វើឡើងភ្លាមៗ បន្ទាប់ពីពិធីបិទនៃកិច្ចប្រជុំកំពូលអាស៊ានលើកទី ៣៥ និងកិច្ចប្រជុំកំពូលពាក់ព័ន្ធ។

អញ្ជើញថ្លែងនៅក្នុងពិធីនេះ លោកនាយករដ្ឋមន្រ្តី Nguyen Xuan Phuc បានប្រកាសប្រធានបទនៃឆ្នាំអាស៊ាន ២០២០ គឺ “ការផ្សារភ្ជាប់និងការបន្សាំដោយម្ចាស់ការ”។

“ក្នុងឆ្នាំ ២០២០ យើងសង្ឃឹមថា នឹងផ្តោតលើការផ្សារភ្ជាប់យ៉ាងស្អិតរមួតរបស់អាស៊ានតាមរយៈការពង្រឹងសាមគ្គីភាព ឯកភាព បង្កើនទំនាក់ទំនងសេដ្ឋកិច្ចនិងការតភ្ជាប់ ជាពិសេស ធ្វើឲ្យស៊ីជម្រៅថែមទៀត នូវតម្លៃនិងលក្ខណៈពិសេសរបស់សហគមន៍អាស៊ាន ក្នុងនោះមានទាំងការលើកកម្ពស់ប្រសិទ្ធភាពប្រតិបត្តិការក្នុងអាស៊ានក៏ដូចជាជំរុញភាពជាដៃគូរបស់អាស៊ានក្នុងសហគមន៍ពិភពលោក”។ នេះបើយោងតាមប្រសាសន៍របស់នាយករដ្ឋមន្ត្រី លោក Nguyen Xuan Phuc។

លោកនាយករដ្ឋមន្រ្តីវៀតណាមបានទទួលញញួរនិមិត្តរូបប្រធានអាស៊ានពីនាយករដ្ឋមន្ត្រីថៃ (រូបថត៖ VGP)

នាឱកាសនេះ នាយករដ្ឋមន្ត្រីវៀតណាម លោក Nguyen Xuan Phuc បានសង្កត់ធ្ងន់ថា៖ “ដល់ពេលដែលយើងត្រូវបង្កើនការត្រិះរិះនិងធ្វើការជាមួយគ្នាក្នុងនាមជាអង្គភាពដែលមានសាមគ្គីភាពនិងភាពស្អិតរមួត ដើម្បីសម្របខ្លួនប្រកប ដោយប្រសិទ្ធភាពនិងអភិវឌ្ឍប្រកបដោយស្ថេរភាពនៅក្នុងពិភពលោកដែលមានការផ្លាស់ប្តូរឥតឈប់ឈរ។ គួរគិតដើម្បីសហគមន៍ និងគួរធ្វើសកម្មភាពដើម្បីសហគមន៍”។

នៅក្នុងពិធីនេះ វីដេអូខ្លីមួយណែនាំអំពីឆ្នាំប្រធានអាស៊ាន ២០២០ របស់វៀតណាម ត្រូវបានបង្ហាញផងដែរ៕

(យោងតាម chinhphu.vn បកប្រែដោយស្រីពេជ្រ)

(យោងតាម chinhphu.vn បកប្រែដោយស្រីពេជ្រ)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់