Trending now

នាយករដ្ឋមន្ត្រីវៀតណាមលោក Nguyen Xuan Phuc ទទួលជួបសវនាការជាមួយរដ្ឋមន្ត្រីការបរទេសម៉ាឡេស៊ី

07:42 | 17/05/2019 (យោងតាម chinhphu.vn បកប្រែដោយស្រីពេជ្រ)

យុគសម័យ - ក្នុងពិធីទទួលជួបជាមួយរដ្ឋមន្រ្តីការបរទេសម៉ាឡេស៊ីលោក Saifuddin Abdullah នារសៀលថ្ងៃទី ១៦ ខែឧសភានៅទីស្នាក់ការរដ្ឋាភិបាល នាយករដ្ឋមន្ត្រីវៀតណាមលោក Nguyen Xuan Phuc បានមានប្រសាសន៍ថា ប្រទេសទាំងពីរគួរតែនាំទំហំពាណិជ្ជកម្មទ្វេភាគីឡើងដល់ ១៥ ពាន់លានដុល្លារឬខ្ពស់ជាងនេះទៅទៀតនៅឆ្នាំ ២០២០ ខាងមុខ។

នាយករដ្ឋមន្ត្រីវៀតណាមលោក Nguyen Xuan Phuc អញ្ជើញជួបសន្ទនាជាមួយរដ្ឋមន្រ្តីការបរទេសម៉ាឡេស៊ីលោក Saifuddin Abdullah (រូបថត VGP/Quang Hieu)

ក្នុងជំនួបនេះ នាយករដ្ឋមន្ត្រីវៀតណាម លោក Nguyen Xuan Phuc បានលើកឡើងថា វៀតណាមតែងតែផ្តោតយកចិត្តទុកដាក់យ៉ាងខ្លាំងចំពោះទំនាក់ទំនងជាមួយម៉ាឡេស៊ី ហើយប្រទេសទាំងពីរមានទំនាក់ទំនងនយោបាយល្អនិងគួរឱ្យទុកចិត្ត។ លោកនាយករដ្ឋមន្ត្រីបានស្នើឱ្យរដ្ឋមន្ត្រីក្រសួងការបរទេសម៉ាឡេស៊ី បន្តធ្វើការយ៉ាងជិតស្និទ្ធជាមួយក្រសួងការបរទេសវៀតណាម ដោយអនុវត្តជាក់ស្តែងរាល់វិធានការ ដើម្បីជំរុញកិច្ចសហប្រតិបត្តិការរវាងប្រទេសទាំងពីរក្នុងពេលខាងមុខ។

ជាការឆ្លើយតបវិញ រដ្ឋមន្ត្រីការបរទេសម៉ាឡេស៊ី លោក Saifuddin Abdullah បានមានប្រសាសន៍ថា ម៉ាឡេស៊ីមានបំណង បង្កើនថែមទៀតកិច្ចសហប្រតិបត្តិការជាមួយវៀតណាម។ លោករដ្ឋមន្ត្រីការបរទេសម៉ាឡេស៊ីបានស្នើថា ក្រៅពីវិស័យប្រពៃណីមក ប្រទេសទាំងពីរគួរតែពង្រឹងកិច្ចសហប្រតិបត្តិការនៅក្នុងវិស័យមានយថាទស្សន៍ខ្ពស់ ដូចជា បច្ចេកវិទ្យា ៤.០ផងដែរ។

ទិដ្ឋភាពនៃជំនួប (រូបថតៈ VGP/Quang Hieu)

អញ្ជើញទទួលយកនូវប្រសាសន៍របស់រដ្ឋមន្ត្រីលោក Saifuddin Abdullah នាយករដ្ឋមន្ត្រី លោក Nguyen Xuan Phuc បានលើកច្បាស់ថា កិច្ចសហប្រតិបត្តិការរវាងប្រទេសទាំងពីរកាន់តែស៊ីជម្រៅពីមួយថ្ងៃទៅមួយថ្ងៃ ជាពិសេសលើវិស័យការពារជាតិ សន្តិសុខ សេដ្ឋកិច្ច ពាណិជ្ជកម្ម វិនិយោគ អប់រំបណ្តុះបណ្តាលនិងទេសចរណ៍ជាដើម។ លោកនាយករដ្ឋមន្ត្រីបានជឿជាក់ថា ដោយមានគ្រឹះស្ថានទំនាក់ទំនងមិត្តភាពយ៉ាងល្អប្រសើរដែលមានស្រាប់និងសក្កានុភាពសហប្រតិបត្តិការទ្វេភាគីនៅធំធេងនោះ ពិតណាស់ថា ទំនាក់ទំនងភាពជាដៃគូយុទ្ធសាស្ត្ររវាងប្រទេសទាំងពីរនឹងបន្តបោះជំហាទៅមុខជាពុំខាន ។

លោកនាយករដ្ឋមន្ត្រីបានស្វាគមន៍យ៉ាងខ្លាំងចំពោះប្រសាសន៍របស់លោករដ្ឋមន្ត្រី អំពីកិច្ចសហប្រតិបត្តិការបច្ចេកវិទ្យា ៤.០ ព្រមទាំងលើកច្បាស់ថា វៀតណាមមានតម្រូវការក៏ដូចជាមានសក្កានុភាពលើវិស័យនេះផងដែរ។ រដ្ឋាភិបាលវៀត ណាមសន្យា បង្កលក្ខណៈងាយស្រួលបំផុតសម្រាប់សហគ្រាសម៉ាឡេស៊ី ធ្វើអាជីវកម្មប្រកបដោយជោគជ័យនៅវៀតណាម។

រូបថតៈ VGP/Quang Hieu

ស្តីពីបញ្ហាសមុទ្រខាងកើត នាយករដ្ឋមន្ត្រីវៀតណាម លោក Nguyen Xuan Phuc បានឯកភាពខ្ពស់នូវទស្សនៈធានាភាពចុះសម្រុងគ្នាក្នុងអាស៊ាន ស្តីពីការជំរុញកិច្ចចរចា COC ជាមួយភាគីចិន ក្នុងនោះគឺគោរពច្បាប់អន្តរជាតិ ជាពិសេស គឺអនុសញ្ញាអង្គការសហប្រជាជាតិ ស្តីពីច្បាប់សមុទ្រឆ្នាំ ១៩៨២ (UNCLOS) និងធានាសន្តិសុខ សុវត្ថិភាពនាវាចរណ៍និងអាកាសចរណ៍ផងដែរ៕

(យោងតាម chinhphu.vn បកប្រែដោយស្រីពេជ្រ)

(យោងតាម chinhphu.vn បកប្រែដោយស្រីពេជ្រ)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់