យុគសម័យ - នាយករដ្ឋមន្ត្រីរដ្ឋាភិបាល លោក Nguyen Xuan Phuc ចូលរួមកិច្ចប្រជុំកំពូលទាំងអស់ពោលខាងលើ សំដៅសម្តែងនូវការគោរពរបស់វៀតណាមចំពោះកិច្ចសហប្រតិបត្តិការសេដ្ឋកិច្ច អេយ៉េយ៉ាវ៉ាឌី-ចៅប្រាយ៉ា-មេគង្គ និងកិច្ចសហប្រតិបត្តិការ កម្ពុជា - ឡាវ - មីយ៉ាន់ម៉ានិងវៀតណាម ព្រមទាំងលើកកម្ពស់តួនាទីនិងឋានៈរបស់វៀតណាមសម្រាប់កិច្ចសហប្រតិបត្តិការទាំងពីរនេះ។
នាយករដ្ឋមន្ត្រី រដ្ឋាភិបាលវៀតណាម លោក Nguyen Xuan Phuc
ទទួលតាមការអញ្ជើញរបស់នាយករដ្ឋមន្ត្រីនៃព្រះរាជាណាចក្រថៃ លោក Prayut Chanocha និងនាយករដ្ឋមន្ត្រីនៃព្រះរាជាណាចក្រកម្ពុជា សម្តេច ហ៊ុនសែន នារសៀលថ្ងៃទី១៥មិថុនា នាយករដ្ឋមន្ត្រីវៀតណាម លោក Nguyen Xuan Phuc និងលោកជំទាវ បានដឹកនាំគណៈប្រតិភូជាន់ខ្ពស់វៀតណាមធ្វើដំណើរទៅកាន់ទីក្រុងបាងកក់ប្រទេសថៃ ដើម្បីចូលរួមកិច្ចប្រជុំកំពូលយុទ្ធសាស្រ្តនៃកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ (ACMECS) លើកទី៨ និងកិច្ចប្រជុំកំពូលសហប្រតិបត្តិការ កម្ពុជា-ឡាវ-មីយ៉ាន់ម៉ា-វៀតណាម (CLMV) លើកទី៩ ដែលបានប្រារព្ធឡើង ពីថ្ងៃទី ១៥ ដល់ ១៦ ខែមិថុនា ឆ្នាំ ២០១៨។
នាយករដ្ឋមន្ត្រីរដ្ឋាភិបាល លោក Nguyen Xuan Phuc ចូលរួមកិច្ចប្រជុំកំពូលទាំងអស់ពោលខាងលើ សំដៅសម្តែងនូវការគោរពរបស់វៀតណាមចំពោះកិច្ចសហប្រតិបត្តិការសេដ្ឋកិច្ច អេយ៉េយ៉ាវ៉ាឌី-ចៅប្រាយ៉ា-មេគង្គ និងកិច្ចសហប្រតិបត្តិការ កម្ពុជា - ឡាវ - មីយ៉ាន់ម៉ានិងវៀតណាម ព្រមទាំងលើកកម្ពស់តួនាទីនិងឋានៈរបស់វៀតណាមសម្រាប់កិច្ចសហប្រតិបត្តិការទាំងពីរនេះ។ ទន្ទឹមជាមួយគ្នានោះ ជម្រុញកិច្ចសហប្រតិបត្តិការលើវិស័យមួយចំនួន ដូចជា តភ្ជាប់ក្នុងតំបន់ សហប្រតិបត្តិការលើវិស័យប្រភពទឹក ពាណិជ្ជកម្មនិងវិនិយោគ ជាពិសេសបង្កើនការចងសម្ព័ន្ធរវាងប្រទេសនានាក្នុងតំបន់៕
（យោងតាម vietnamplus.vn បកប្រែដោយស្រីពេជ្រ）
មតិពីមិត្តអ្នកអាន