យុគសម័យ - ទំនិញវៀតណាមនាំចេញទៅកាន់ទីផ្សារអាស៊ានត្រូវតែប្រកួតប្រជែង ដោយគុណភាព តម្លៃនិងពហុសណ្ឋាននូវប្រភេទទំនិញ។ អាជីវកម្មដែលចង់ពង្រីកទីផ្សារនៅតែត្រូវធ្វើតាមនិន្នាការនៃការប្រើប្រាស់របស់ប្រជាជននៃប្រទេសនីមួយៗ ដោយផ្សារភ្ជាប់ជាមួយអាជីវកម្មចែកចាយ និងអ្នកលក់រាយក្នុងស្រុកដែលមានកិត្យានុភាពនិងសមត្ថភាព ... ដើម្បីធ្វើអាជីវកម្មប្រកបដោយចីរភាព ។
ទំនិញវៀតណាមនាំចូលទីផ្សារអាស៊ានត្រូវតែប្រកួតប្រជែងដោយគុណភាពតម្លៃនិងពហុសណ្ឋាននូវប្រភេទទំនិញ។ (រូបថត៖ អ៊ីនធើណិត)
លោកស្រី Le Thi Mai Anh ប្រធានផ្នែកទីផ្សារអាស៊ី - អាហ្រ្វិក (ក្រសួងឧស្សាហកម្មនិងពាណិជ្ជកម្ម) បានមានប្រសាសន៍ថា បណ្តាប្រទេសអាស៊ានមានចំនួនប្រជាជនច្រើនកុះករ វណ្ណៈកណ្តាល កំពុងតែកើនឡើង ជីវិតកំពុងតែកែលំអ ហើយតម្រូវការសម្រាប់ការប្រើប្រាស់កំពុងកើនឡើងកាន់តែខ្លាំង។ ប្រជាជនអាស៊ានមានភាពប្រហាក់ប្រហែលគ្នានៅក្នុងរបៀបរស់នៅ ក៏ដូចជាតម្រូវការសម្រាប់ទំនិញប្រើប្រាស់ចាំបាច់។
ជាពិសេស វៀតណាមបាននាំចេញទៅកាន់ទីផ្សារអាស៊ាននូវផលិតផលកសិកម្មជាច្រើនប្រភេទ (អង្ករ កាហ្វេ ម្រេច បន្លែ គ្រឿងសមុទ្រ ... ) ។ លើសពីនេះ អាស៊ានក៏ជាទីផ្សារមានសក្តានុពលសម្រាប់ប្រទេសវៀតណាមក្នុងការនាំចេញមុខទំនិញមួយចំនួនដូចជា ទូរស័ព្ទ និងគ្រឿងបន្លាស់ កុំព្យូទ័រ ផលិតផលអេឡិចត្រូនិចនិងគ្រឿងម៉ាស៊ីន ផលិតផលវាយនភណ្ឌ ឈើនិងផលិតផលធ្វើពីឈើ ...
យោងតាមសមាគមបន្លែផ្លែឈើវៀតណាម អាស៊ានគឺជាទីផ្សារនាំចេញបន្លែផ្លែឈើធំទី ២ របស់វៀតណាមដែលក្នុងនោះប្រទេសថៃគឺជាប្រទេសនាំចូលបន្លែនិងផ្លែឈើវៀតណាមច្រើនជាងគេ។ ក្នុងរយៈពេល ៥ ខែដើមឆ្នាំ ២០២០ ការនាំចេញបន្លែផ្លែឈើរបស់វៀតណាមទៅកាន់ទីផ្សារថៃទទួលជិតដល់ ៦០ លានដុល្លារ កើនឡើង ១៤៤% ក្នុងរយៈពេលដូចគ្នាក្នុងឆ្នាំ ២០១៩ ។
អាស៊ានក៏ជាទីផ្សារនាំចេញអង្ករដ៏សំខាន់របស់វៀតណាមផងដែរនៅក្នុងឆ្នាំ ២០១៩ ការនាំចេញអង្ករទៅកាន់ទីផ្សារអាស៊ានឈានដល់ ១ ពាន់លានដុល្លារអាមេរិក ក្នុងនោះប្រទេសហ្វីលីពីនជាប្រទេសនាំចូលអង្ករធំជាងគេរបស់វៀតណាម។ តម្រូវការនាំចូលអង្ករក្នុងតំបន់អាស៊ាននេះត្រូវបានគេរំពឹងថា នឹងបន្តកើនឡើងនាពេលអនាគតឆាប់ៗនេះដោយសារតែផលប៉ះពាល់នៃការរីករាលដាលដែលបណ្តាលឱ្យការផ្គត់ផ្គង់ពីប្រទេសដទៃទៀតធ្លាក់ចុះ។
គុណប្រយោជន៍នៃអាជីវកម្មវៀតណាមនៅពេលនាំចេញទំនិញចូលទីផ្សារអាស៊ានគឺជាគុណប្រយោជន៍នៃចម្ងាយភូមិសាស្ត្រ គ្មានការរឹតត្បិតលើការដឹកជញ្ជូន។ នៅក្នុងតំបន់អាស៊ាន មានប្រទេសកំពុងអភិវឌ្ឍន៍ជាច្រើនដូច្នេះតម្រូវការបច្ចេកទេសមិនខ្ពស់ពេកទេ ហើយពហុសណ្ឋានូវតំលៃ (ដូចជា កម្ពុជា ឡាវ មីយ៉ាន់ម៉ា ) ។ នេះជាអំណោយផលសម្រាប់សហគ្រាសធុនតូចនិងមធ្យមរបស់វៀតណាមភាគច្រើនក្នុងវិស័យផលិតទំនិញប្រើប្រាស់ កែច្នៃអាហារនិងវាយនភណ្ឌ។ ក្នុងកម្រិតខ្ពស់ជាង មានទីផ្សារសិង្ហបុរី ថៃ ម៉ាឡេស៊ី ... ទំនិញវៀតណាមក៏មានគូប្រជែងខ្លាំងក្លាដូចជា កូរ៉េខាងត្បូង ឥណ្ឌា ជប៉ុន ... បង្កើតបរិយាកាសល្អសម្រាប់សហគ្រាសវៀតណាមប្រកួតប្រជែង។
លោកស្រី Le Thi Mai Anh បានមានប្រសាសន៍ថា ទំនិញរបស់វៀតណាមនាំចូលទីផ្សារអាស៊ានត្រូវតែប្រកួតប្រជែង ដោយគុណភាពតម្លៃ និងពហុសណ្ឋាននូវប្រភេទទំនិញ ។ ទោះបី អាជីវកម្មមានបំណងប្រាថ្នាចង់ពង្រឹកទីផ្សារក៏ដោយ នៅតែត្រូវធ្វើតាមនិន្នាការនៃការប្រើប្រាស់របស់ប្រជាជននៃប្រទេសនីមួយៗ ដោយផ្សារភ្ជាប់ជាមួយអាជីវកម្មចែកចាយក្នុងស្រុកនិងអ្នកលក់រាយក្នុងស្រុកដែលមានកិត្យានុភាពនិងសមត្ថភាព ... ដើម្បីរក្សាវត្តមានរបស់ទំនិញវៀតណាម តាមរបៀបប្រកបដោយចីរភាព។ មេរៀនចុងក្រោយគឺទីផ្សារកម្ពុជានៅពេលដែលមានអាជីវកម្មវៀតណាមធំ ៗ ដូចជា Tuong An Vissan, Co.op Mart ធ្លាប់ចូលទីផ្សារនេះប៉ុន្តែមិនអាចធ្វើអាជីវកម្មក្នុងរយៈពេលជាង ៦ ខែ./.
(បកប្រែដោយឌីណា)
មតិពីមិត្តអ្នកអាន