យុគមស័យ - កិច្ចប្រជុំថ្នាក់តំបន់ស្តីពីការទូតឌីជីថល (RCDD) គឺជាវេទិកាមួយដើម្បីពិភាក្សាអំពីឱកាសនិងបញ្ហាប្រឈមក្នុងវិស័យការទូតសម័យឌីជីថលនិង បច្ចេកវិទ្យាព័ត៌មាន។
ឯកអគ្គរដ្ឋទូតវៀតណាមប្រចាំនៅឥណ្ឌូនេស៊ីលោក Pham Vinh Quang (រូបថត៖ vietnamplus.vn)
នាថ្ងៃទី ១០ ខែកញ្ញា ក្រសួងការបរទេសឥណ្ឌូនេស៊ីបានបើកកិច្ចប្រជុំថ្នាក់តំបន់ស្តីពីការទូតឌីជីថល (RCDD)។ នេះគឺជាកិច្ចប្រជុំថ្នាក់តំបន់ដំបូងដែលទាក់ទងនឹងវិស័យនេះ។ គណៈប្រតិភូវៀតណាមដឹកនាំដោយឯកអគ្គរដ្ឋទូតវៀតណាមប្រចាំនៅឥណ្ឌូនេស៊ីលោក Pham Vinh Quang បានអញ្ជើញចូលរួមក្នុងកិច្ចប្រជុំនេះ។
ថ្លែងមតិនៅកិច្ចប្រជុំនេះ ឯកអគ្គរដ្ឋទូត Pham Vinh Quang បានសង្កត់ធ្ងន់ថាវៀតណាមទទួលបានលទ្ធផលដំបូងក្នុងការអនុវត្តនិងកសាងរដ្ឋាភិបាលអេឡិចត្រូនិកព្រមទាំងជំរុញប្រព័ន្ធទិន្នន័យជាតិបើកទូលាយដល់មនុស្សគ្រប់រូប។ ក្រសួងការបរទេសវៀតណាម (MOFA) កំពុងបង្កើតយុទ្ធសាស្ត្រទំនើបកម្មដោយផ្តោតលើវិស័យចំនួន ៤ គឺ អ្នកការទូត របៀនចាត់តាំង របៀនធ្វើការនិង ការសម្របសម្រួលរវាង MOFA និងទីភ្នាក់ងារដទៃទៀត។ ក្នុងវិស័យការទូតសាធារណៈ វៀតណាមក៏បានបង្កើតបណ្តាញសង្គមផ្តាច់មុខសម្រាប់រដ្ឋាភិបាលនិងស្ថាប័នពាក់ព័ន្ធនានាដើម្បីជំរុញការទាក់ទងទ្វេភាគីជាមួយពលរដ្ឋផងដែរ។
រដ្ឋមន្ត្រីការបរទេសឥណ្ឌូនេស៊ី លោកស្រី Retno Marsudi ថ្លែងមតិបើកកិច្ចប្រជុំ (រូបថត៖ vietnamplus.vn)
កិច្ចប្រជុំនេះបានឯកភាពគ្នាក្នុងការផ្សព្វផ្សាយសារ Jakarta ស្តីពីកិច្ចសហប្រតិបត្តិការក្នុងតំបន់ផ្នែកការទូតឌីជីថល ដែលក្នុងនោះទទួលស្គាល់ពីសារៈសំខាន់នៃការទូតឌីជីថល ការប្តេជ្ញាចិត្តរួមគ្នាក្នុងការបង្កើតសារ និងកិច្ចសហប្រតិបត្តិការក្នុងការទូតឌីជីថលរវាងភាគីពាក់ព័ន្ធនានា ព្រមទាំងអំពាវនាវឱ្យភាគីនានាកសាងសហគមន៍ដោយគ្មានព័ត៌មានមិនត្រឹមត្រូវនោះឡើយ៕
(ហេង វុធ្ធី)
(ប្រភពព័ត៌មាន: vietnamplus.vn)
មតិពីមិត្តអ្នកអាន