អ្នកកាសែត Michael Tatarski បានសរសេរពាក្យវិជ្ជមានជាច្រើនដើម្បីនិយាយអំពីការប្រយុទ្ធប្រឆាំងនិងជ័យជំនះរបស់វៀតណាមលើរលកទីពីរនៃការរីករាលដាលនៃជំងឺ Covid-19 ដែលចុះផ្សាយលើកាសែតអង់គ្លេស The Telegraph។
អ្នកកាសែត Michael Tatarski ដែលជាមនុស្សម្នាក់បានតាមដានយ៉ាងដិតដល់ពីដំណើរការប្រឆាំងនឹងការរាតត្បាតរបស់វៀតណាមតាំងពីគ្រាដំបូង ហើយបានបន្តមានអត្ថបទមួយទៀតចុះផ្សាយនៅលើកាសែត Telegraph ដែលជាកាសែតប្រចាំថ្ងៃដ៏ពេញនិយមនៅចក្រភពអង់គ្លេស។ អ្នកកាសែត Michael Tatarski បានមើលឃើញដោយផ្ទាល់នូវដំណើរការប្រយុទ្ធប្រឆាំងនឹងជំងឺ Covid-19 ដែលត្រូវបានបណ្តាប្រទេសនិងអង្គការអន្តរជាតិជាច្រើនចាត់ទុកថា វៀតណាមគឺជាប្រទេសគំរូមួយ។
យោងតាមលោក Tatarski ប្រទេសវៀតណាមបានធ្វើឱ្យពិភពលោកភ្ញាក់ផ្អើល ពីព្រោះក្នុងរយៈពេល ៩៩ ថ្ងៃជាប់ៗគ្នា រហូតដល់ថ្ងៃទី ២៤ ខែកក្កដា“ គ្មានករណីណាមួយដែលត្រូវបានរកឃើញជំងឺ Covid-19 នេះនៅក្នុងសហគមន៍ទេ” ។ (រូបថត៖ Booking.com)
យោងតាមលោក Tatarski ប្រទេសវៀតណាមបានធ្វើឱ្យពិភពលោកភ្ញាក់ផ្អើល ពីព្រោះក្នុងរយៈពេល ៩៩ ថ្ងៃជាប់ៗគ្នា រហូតដល់ថ្ងៃទី ២៤ ខែកក្កដា“ គ្មានករណីណាមួយដែលត្រូវបានរកឃើញជំងឺ Covid-19 នេះនៅក្នុងសហគមន៍ទេ” ។
ខណៈពេលដែលព្រំដែនអាកាសនិងដីគោកស្ទើរតែទាំងអស់នៃប្រទេសទាំងអស់លើពិភពលោកនៅតែស្ថិតក្នុងស្ថានភាពនៃការបិទទ្វារ ជីវិតនៅខាងក្នុងប្រទេសវៀតណាមដែលធ្វើឲ្យជនបរទេសភ្ញាក់ផ្អើល ។ ពីព្រោះអ្វីៗស្ទើរតែទាំងអស់វិលត្រលប់មករកសភាពធម្មតាវិញហើយ ដូចជាគ្មានអ្វីកើតឡើង៖ ទេសចរណ៍ក្នុងស្រុកកំពុងដំណើរការស្ទើរតែពេញសមត្ថភាពភោជនីយដ្ឋាននិងបារ មានអតិថិជនយ៉ាងច្រើនកុះករ។ ក្រៅពីនេះបទប្បញ្ញត្តិស្តីពីការរក្សាគម្លាតសង្គមត្រូវបានលុបចោលទាំងស្រុង។
ទោះយ៉ាងណានៅថ្ងៃបន្ទាប់អ្វីៗបានផ្លាស់ប្តូរយ៉ាងខ្លាំង នៅពេលដែលក្រសួងសុខាភិបាលបានប្រកាសពីករណីឆ្លងថ្មីនៅក្នុងសហគមន៍ដែលបានរកឃើញនៅទីក្រុង Da Nang ដែលជាទីក្រុង ឆ្នេរសមុទ្រនិងទេសចរណ៍ធំជាងគេនៅតំបន់កណ្តាលហើយ “ ប្រភពឆ្លងមិនអាចរកឃើញបានទេ” ។
ផ្លូវស្ងៀមស្ងាត់នៅខណ្ឌ Son Tra (ទីក្រុង Da Nang) ក្នុងខែសីហា ខណៈដែលបានរកឃើញករណីផ្ទុកជំងឺ Covid-19 ក្នុងសហគមន៍ ។ រូបថត៖ Hugh Bohane / asiatimes
កាសែត Telegraph បានរៀបរាប់ថា រលកទីពីរនៃការរីករាលដាលជំងឺនេះបានកើតឡើងយ៉ាងឆាប់រហ័សជាមួយនឹងករណីថ្មីរាប់រយករណីដែលត្រូវបានរកឃើញក្នុងរយៈពេលពីបីសប្តាហ៍នៅទីក្រុង Da Nang ដែលភាគច្រើនប្រមូលផ្តុំនៅក្នុងបណ្តាមន្ទីរពេទ្យ។ ចំនួននៃការស្លាប់ទាក់ទងនឹងជំងឺ Covid-19 នៅវៀតណាមកើនឡើងយ៉ាងខ្លាំងពី ០ ឡើងដល់ ៣៥ ករណី។ នៅថ្ងៃបន្តបន្ទាប់ ការរីករាលដាលនៃជំងឺនេះ ត្រូវបានគេរកឃើញនិងប្រកាសនៅក្នុងទីក្រុងនិងខេត្តចំនួន ១៥ ផ្សេងៗទៀត នៅទូទាំងប្រទេសវៀតណមរួមទាំងទីក្រុងធំបំផុតពីរគឺ រដ្ឋធានី Ha Noi និងទីក្រុង Ho Chi Minh ។
អ្នកកាសែតរូបនេះបានសន្និដ្ឋានថា ការឆ្លើយតបរបស់វៀតណាមចំពោះការរីករាលដាលនេះគឺខុសនឹងវិធានការដែលអនុវត្ត នាខែមីនាឆ្នាំ ២០២០ ។ ដូច្នោះហើយរដ្ឋាភិបាលបានអនុវត្តវិធីសាស្រ្តផ្តោតលើមូលដ្ឋាន មិនអនុវត្តការហាមឃាត់ថ្នាក់ជាតិដែលត្រូវបានអនុវត្តនៅដំណាក់កាលទី ១ ដោយមានគោលបំណងច្បាស់លាស់ថា ចៀសវាងឥទ្ធិពលដល់ខឿនសេដ្ឋកិច្ចក្នុងទ្រង់ទ្រាយធំ។
ទីក្រុង Da Nangត្រូវបានគេដាក់នៅក្នុងការបិទយ៉ាងតឹងរ៉ឹងបំផុតដែលមិនធ្លាប់មានពីមុនមក ដោយកាត់ផ្តាច់រាល់ចរាចរណ៍សម្រាប់មធ្យោបាយទាំងអស់។ ហាង ភោជនីយដ្ឋានគ្រប់អាជីវកម្មទាំងអស់ត្រូវបានបិទ។ លោក Tatarski បានភ្ញាក់ផ្អើលនិងនិយាយថា "ខេត្តផ្សេងៗទៀតនៅក្នុងតំបន់កណ្តាលនៅតែបើកទ្វារ" ។
អត្ថបទនេះក៏សង្កត់ធ្ងន់ទៅលើការធ្វើតេស្តរកឃើញជំងឺ Covid-19 ដែលប្រទេសវៀតណាមត្រូវបានអនុវត្តយ៉ាងជិតស្និទ្ធនិងជាប្រព័ន្ធ រហូតមកដល់បច្ចុប្បន្ននេះរួមជាមួយការអនុវត្តវិធានការដាក់ឲ្យនៅដាច់ដោយឡែក តាមរកដែលប្រទេសវៀតណាមមានបទពិសោធជាច្រើន នៅក្នុងដំណើរការប្រឆាំងនឹងការរីករាលដាលលើកទីមួយ។ យោងតាមលោក Tatarski "វិធីសាស្ត្រទាំងនេះមានប្រសិទ្ធភាពណាស់" ។
ការធ្វើតេស្តនិងតាមរក ដាច់ឲ្យនៅដាច់ដោយឡែកបានជួយវៀតណាមក្នុងការគ្រប់គ្រងជំងឺរាតត្បាតឲ្យបានឆាប់។ (រូបថត៖ AFP)
កាសែតអង់គ្លេសនេះត្រូវតែបញ្ជាក់អំពីការងារប្រព័ន្ធផ្សព្វផ្សាយរបស់ប្រទេសវៀតណាម។ សារត្រូវបានផ្ញើទៅទូរស័ព្ទដៃរបស់ប្រជាជនទាំងអស់ដោយមានដំបូន្មាននិងអនុសាសន៍ល្អ ៗ ស្តីពីការការពារនឹងការរាលដាល។ ប្រព័ន្ធផ្សព្វផ្សាយក៏ចូលរួមក្នុងការឃោសនាប្រកបដោយប្រសិទ្ធភាពដល់មនុស្សគ្រប់ប្រភេទផងដែរ។
ដោយការប្តេជ្ញារបស់រដ្ឋាភិបាលវៀតណាម នៅដំណាច់ខែសីហាការរីករាលដាលនៃជំងឺ Covid-19 នៅទីក្រុង Da Nang និងតំបន់ផ្សេងៗ ទៀតគ្រប់គ្រងបាន។ រហូតមកដល់ពេលនេះប្រទេសវៀតណាមបានឆ្លងកាត់សប្តាហ៍ទី ៣ ជាប់ៗគ្នាដោយមិនមានករណីថ្មីនៃការឆ្លងក្នុងសហគមន៍ដែលត្រូវបានរកឃើញឡើយ។ រលកទីពីរនៃការរីករាលដាលនៃជំងឺនេះបានបញ្ចប់ដែរ” ។
កាសែត Telegraph បញ្ជូនដល់អ្នកអានអន្តរជាតិអំពី ប្រទេសវៀតណាមនូវព័ត៌មានវិជ្ជមានដូចជា៖ ចរាចរក្នុងស្រុកត្រូវបានដំណើរការឡើងវិញ អាជីវកម្មបានវិលត្រឡប់មករកសភាពធម្មតាវិញរួមទាំង“ ចំណុចក្តៅ” ទីក្រុង Da Nang ក៏បានប្រកាសថា "ប្រទេសវៀតណាមរួចផុតពីវីរុស Sar-Cov2 " ហើយ ត្រៀមខ្លួនស្វាគមន៍ភ្ញៀវ ចាប់ពីថ្ងៃទី ២៥ ខែកញ្ញា ...
ជីវិតប្រចាំថ្ងៃបានចាប់ផ្តើមវិលត្រឡប់មក ។ (រូបថត៖ Bloomberg)
បរិយាកាសពោរពេញទៅដោយទំនុកចិត្តនិងសុទិដ្ឋិនិយមបានត្រលប់មកគ្រប់ផ្លូវនិងសង្កាត់។ បន្ទាប់ពីទទួលភាពជោគជ័យ ដោយការទប់ស្កាត់នឹងការរីករាលដាលនៃជំងឺ Covid-19 លើកដំបូងនៅ ខែមីនា និងមេសា ពេលនេះ វៀតណាមអាចប្រកាសដល់ ពិភពលោកដោយមោទនភាពថា រលកទីពីរនៃការរីករាលដាលនៃជំងឺនេះបានបញ្ចប់ប្រកបដោយជោគជ័យទៀតហើយ./.
(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន