យុគសម័យ - នាថ្ងៃទី ៣ ខែមេសា កាសែតអូស្ត្រាលីនិងអន្តរជាតិជាច្រើនបានជូនដំណឹងថានាយករដ្ឋមន្រ្តីអូស្ត្រាលីលោក Scott Morrision បានផ្តល់អនុសាសន៍ដល់ភ្ញៀវទេសចរនិងនិស្សិតបរទេសគួរតែចាកចេញពីប្រទេសអូស្ត្រាលីនាពេលឆាប់ៗនេះ ប្រសិនបើមិនមានលទ្ធភាពក្នុងការបង់ថ្លៃលើសេវាផ្សេងៗផងដែរ ។
ឯកអគ្គរដ្ឋទូតវៀតណាមប្រចាំនៅអូស្ត្រាលីលោក Ngo Huong Nam (រូបថត៖ baoquocte)
បន្ទាប់ពីទទួលបានព័ត៌មានដូចពោខាងលើនេះ ស្ថានទូតវៀតណាមប្រចាំនៅអូស្រ្តាលីបានពិភាក្សាជាមួយអាជ្ញាធរមានសមត្ថកិច្ចភាគីអូត្រាលី ដើម្បីបញ្ជាក់ច្បាស់អំពីខ្លឹមសារនៃការថ្លែងមតិរបស់ នាយករដ្ឋមន្រ្តីអូស្ត្រាលី លោក Scott Morrison។ អាស្រ័យហេតុណ៍នេះ ក្នុងបរិបទដែលជំងឺរាតត្បាត COVID-19 កំពុងវិវត្តន៍ដ៏ស្មុគស្មាញ រដ្ឋាភិបាលអូស្រ្តាលីបានផ្តល់អនុសាសន៍ថា ភ្ញៀវទេសចរបរទេសគួរតែវិល ត្រឡប់ទៅស្រុកកំណើតវិញ ប្រសិនបើមិនអាចគ្រប់គ្រងបញ្ហាហិរញ្ញវត្ថុផ្ទាល់ខ្លួនបានឡើយ។
សម្រាប់និស្សិតបរទេសជិត ៦០០.០០០ នាក់វិញ រដ្ឋាភិបាលអូស្ត្រាលីបានលើកទឹកចិត្តថាគួរតែពឹងផ្អែកលើការជួយឧបត្ថម្ភពីក្រុមគ្រួសារ និងការងារធ្វើក្រៅម៉ោង និងពីថវិការនៃការសន្សំសំចៃប្រាក់ផ្ទាល់ខ្លួន ដើម្បីបង់ថ្លៃលើសេវានិងចំណាយផ្សេងៗផងដែរ។ និស្សិតដែលបានស្នាក់នៅប្រទេសអូស្ត្រាលីអស់រយៈពេលជាង ១ ឆ្នាំ អាចដកទឹកប្រាក់ជាអតិបរិមាចំនួន ១០.០០០ ដុល្លារអូស្រ្តាលី (AUD) ពីមូលនិធិសោធនិវត្តន៍ក្នុងឆ្នាំសារពើពន្ធបច្ចុប្បន្នដើម្បីបម្រើជីវភាពរស់នៅ។ ម្យ៉ាងវិញទៀតរដ្ឋាភិបាលអូស្រ្តាលីក៏នឹងបន្តសហការជាមួយផ្នែកអប់រំដើម្បីពិភាក្សាពីវិធានការផ្តល់ជំនួយឧបត្ថម្ភផ្សេងៗទៀតដល់និស្សិតអន្តរជាតិផងដែរ។
គួរជម្រាបថានាថ្ងៃទី ១ មេសា ឯកអគ្គរដ្ឋទូតវៀតណាមប្រចាំនៅអូស្ត្រាលីលោក Ngo Huong Nam និងឯកអគ្គរដ្ឋទូតអាស៊ានប្រចាំនៅទីក្រុង Canberra បានផ្ញើលិខិតរួមជូនរដ្ឋមន្រ្តីក្រសួងអប់រំនិងក្រសួងការបរទេស គណៈកម្មការអូស្ត្រាលី - អាស៊ាន និងរដ្ឋមន្ត្រីក្រសួងអប់រំនិងការងារអូស្តា្រលីនៅរដ្ឋទាំង ៦ និងដែនដីទាំង ២ របស់អូស្រ្តាលី ដោយស្នើសុំរដ្ឋាភិបាលនិងអាជ្ញាធរអូស្រ្តាលីផ្តល់ឧបត្ថម្ភគាំទ្រខាងសុខភាពទាំងផ្លូវកាយនិងផ្លូវចិត្តសមរម្យដល់និស្សិតអន្តរជាតិស្របតាមស្ថានភាពនៃការរាត ត្បាតជំងឺឆ្លងនាពេលបច្ចុប្បន្នផងដែរ៕
(បកប្រែដោយ ហេងវុធ្ធី)
(ប្រភពព័ត៌មាន: tapchithongtindoingoai.vn)
មតិពីមិត្តអ្នកអាន