កំណើនសេដ្ឋកិច្ចរបស់វៀតណាមនៅឆ្នាំ ២០២១ គឺផ្អែកលើការច្នៃប្រឌិត

កំណើនសេដ្ឋកិច្ចរបស់វៀតណាមនៅឆ្នាំ ២០២១ គឺផ្អែកលើការច្នៃប្រឌិត

"ត្រូវការការជំរុញកំណើនសេដ្ឋកិច្ចនៅក្នុងរយៈពេល" ក្រោយវិបត្តិន៍ជំងឺ Covid 19 " ដោយផ្អែកលើការផ្លាស់ប្តូរថ្មី ការច្នៃប្រឌិតនិងការផ្លាស់ប្តូរឌីជីថល" ។ នេះគឺជាខ្លឹមសារដ៏សំខាន់មួយនៅក្នុងសិក្ខាសាលា “សេដ្ឋកិច្ចវៀតណាមឆ្នាំ ២០២០ - ជំរុញកំណើនផ្អែកលើការច្នៃប្រឌិត” ដែលបានរៀបចំឡើងដោយវិទ្យាស្ថានសេដ្ឋកិច្ចវៀតណាមនាព្រឹកថ្ងៃទី ១៩ មករានៅទីក្រុងហាណូយ អ្នកវិទ្យាសាស្ត្រនិងអ្នកជំនាញបានឲ្យដឹងថា ៖ ឆ្នាំ២០២០ ដោយសារតែរងផលប៉ះពាល់នៃការរីករាលដាលនៃជំងឺ Covid-19 គ្រប់ វិស័យនិងផ្នែកមុខរបរជាច្រើនរបស់វៀតណាម បានប្រឈមមុខនឹងការលំបាកជាច្រើន ប៉ុន្តែវិស័យសេដ្ឋកិច្ចក្នុងស្រុកមានការកើនឡើងយ៉ាងខ្លាំង។ ទន្ទឹមនឹងនោះដោយសារការគ្រប់គ្រងរបស់រដ្ឋាភិបាលក្នុងការអនុវត្ត“ គោលដៅពីរទន្ទឹមគ្នា” ពោលគឺទាំងការបង្ការប្រយុទ្ធប្រឆាំងជំងឺកូវីដ១៩ ប្រកបដោយប្រសិទ្ធភាពផង និងជួយដោះស្រាយការលំបាកសំរាប់សកម្មភាពផលិតកម្មនិងអាជីវកម្មផង វៀតណាមជាប្រទេសមួយក្នុងចំណោមប្រទេសដ៏កម្រ ដែលសម្រេចបានអត្រាកំណើនវិជ្ជមាន ២,៩១% ។ លោក Bui Nhat Quang ប្រធានបណ្ឌិត្យសភាវិទ្យាសាស្ត្រសង្គមវៀតណាមបានវាយតម្លៃថា៖

«ឆ្នាំ ២០២១ គឺជាឆ្នាំចាប់ផ្តើមនៃផែនការអភិវឌ្ឍន៍សេដ្ឋកិច្ចសង្គមរយៈពេល ៥ ឆ្នាំ (២០២១-២០២០) និងយុទ្ធសាស្ត្រអភិវឌ្ឍន៍សេដ្ឋកិច្ចសង្គមក្នុងរយៈពេល ១០ ឆ្នាំ (២០២១-២០៣០)។ ហេតុដូច្នេះឆ្នាំ ២០២១ គឺជាឆ្នាំដែលមានសារៈសំខាន់យ៉ាងខ្លាំងក្នុងការអភិវឌ្ឍសេដ្ឋកិច្ចសម្រាប់ឆ្នាំបន្តបន្ទាប់។ ហេតុនេះហើយ ការវាយតម្លៃស្ថានភាពសេដ្ឋកិច្ចរបស់វៀតណាមនៅឆ្នាំ ២០២០ ដើរតួនាទីយ៉ាងសំខាន់ក្នុងការដកបទពិសោធន៍សម្រាប់ឆ្នាំ ២០២១ និងសម្រាប់ដំណាក់បន្តទៀតដើម្បីរួមចំណែកដល់ការសម្រេចគោលដៅកំណើនសេដ្ឋកិច្ចយ៉ាងឆាប់រហ័ស មានគុណភាពនិងនិរន្តរភាពផងដែរ»៕

ចំពោះកំណើនសេដ្ឋកិច្ចរបស់វៀតណាមនៅឆ្នាំ ២០២១ លោក Ly Dai Hung មន្ត្រីផ្នែកម៉ាក្រូសេដ្ឋកិច្ចនិងវិទ្យាស្ថានសេដ្ឋកិច្ចវិទ្យាស្ថានសេដ្ឋកិច្ចវៀតណាមបានមានប្រសាសន៍ថា៖ «ឆ្នាំ ២០២១ គឺជាឆ្នាំដែលវៀតណាមចាប់ផ្តើមអនុវត្តយុទ្ធសាស្ត្រអភិវឌ្ឍន៍សេដ្ឋកិច្ចរយៈពេល ៥ ឆ្នាំនិង ១០ ឆ្នាំរបស់ខ្លួន។ នេះជារឿងសំខាន់ណាស់សម្រាប់សេដ្ឋកិច្ចវៀតណាមដោយផ្អែកលើគំរូវិភាគអនុវត្តចំពោះការព្យាករណ៍យើងផ្តល់សេណារីយ៉ូការព្យាករណ៍ចំនួន ៣ ដែលសេណារីយ៉ូមូលដ្ឋានវៀតណាមអាចកើនឡើងក្នុងអត្រា ៥.៤៩% នៅឆ្នាំ ២០២១ ហើយនេះគឺជាលទ្ធផលទូទៅបំផុត៕