Trending now

កិច្ចព្រមព្រៀង EVFTA បើកឱកាសអាជីវកម្មសម្រាប់បែលហ្ស៊ិកនិងវៀតណាម

15:32 | 14/07/2020 (បកប្រែដោយសាមេត)

យុគសម័យ - នាថ្ងៃទី ១៣ ខែកក្កដា សម្ព័ន្ធភាពប៊ែលហ្សិក - វៀតណាម (BVA) សហការជាមួយសមាគមសហគ្រាសប៊ែលហ្សិក - លុចសំបួនៅវៀតណាម (Beluxcham) បានរៀបចំសិក្ខាសាលាតាមអនឡាញស្តីពីឱកាសអាជីវកម្មនិងវិនិយោគសម្រាប់ប៊ែលហ្សិកនិងវៀតណាម។

កសិករនៃសហករណ៍ Long Tri (ស្រុក Chau Thanh ខេត្ត Long An) ប្រមូលផលស្រកានាគសម្រាប់នាំចេញ

ថ្លែងនៅទីនេះ ឯកអគ្គរដ្ឋទូតវៀតណាមប្រចាំនៅព្រះរាជាណាចក្រប៊ែលហ្សិកនិងជាប្រធានគណៈប្រតិភូវៀតណាមប្រចាំនៅសហភាពអឺរ៉ុបលោក Vu Anh Quang បានកោតសរសើរចំពោះ EVFTA ដែលជាកិច្ចព្រមព្រៀងទំនើប ទូលំទូលាយនិងមហិច្ឆតាបំផុតដែលមិនធ្លាប់មានដែលបានចុះហត្ថលេខារវាងសហភាពអឺរ៉ុបនិងប្រទេសកំពុងអភិវឌ្ឍន៍ នឹងបង្កើតកម្លាំងចលករយ៉ាងខ្លាំងសម្រាប់ទំនាក់ទំនងពាណិជ្ជកម្មរវាងវៀតណាម - អឺរ៉ុបនិយាយរួមនិងរវាងវៀតណាម - ប៊ែលហ្សិកនិយាយដោយឡែក។

ឯកអគ្គរដ្ឋទូតលោក Vu Anh Quang បានសង្ឃឹមថា វៀតណាមនិងប៊ែលហ្សិកនឹងបង្កើនពាណិជ្ជកម្មនិងវិនិយោគទ្វេភាគីលើវិស័យដែលផ្តល់ផលប្រយោជន៍និងការបំពេញគ្នាទៅវិញទៅមក ដូចជា៖ កសិកម្មឆ្លាត សុវត្ថិភាពចំណីអាហារ បច្ចេកវិទ្យាបរិស្ថាន និងភ័ស្តុភារជាដើម ហើយឆ្ពោះទៅរកគោលដៅរួមគឺកំណើនការអភិវឌ្ឍប្រកបដោយចីរភាពបន្ទាប់ពី COVID-19។

លោកឯកអគ្គរដ្ឋទូតបានបញ្ជាក់ថា វៀតណាមមានសមត្ថភាពបង្កលក្ខណៈងាយស្រួលសម្រាប់សកម្មភាពវិនិយោគនាំចេញរបស់ប៊ែលហ្សិកនៅក្នុងកំពង់ផែសមុទ្រ បច្ចេកវិទ្យាឌីជីថល បណ្តាញចរាចរណ៍ផ្លូវដែកនិងសមុទ្រជាដើម; ទន្ទឹមនឹងនេះដែរ លោកបានអំពាវនាវឱ្យសហគ្រាសបែលហ្ស៊ិកចូលរួមវិភាគទានដើម្បីជំរុញដល់រដ្ឋាភិបាលបែលហ្ស៊ិកផ្តល់សច្ចាប័នលើកិច្ចព្រមព្រៀងគាំពារវិនិយោគ (EVIPA) ឱ្យបានឆាប់តាមដែលអាចធ្វើទៅបាន។

អនុប្រធានប្រតិភូសហភាពអឺរ៉ុបប្រចាំនៅវៀតណាម លោកស្រី Axelle Nicaise បានវាយតម្លៃថា ទីផ្សារវៀតណាមនឹងមានការកែលម្អនិងស្ថិរភាពបន្ថែមទៀតនៅក្នុងច្បាប់ ដូច្នេះបានទាក់ទាញវិនិយោគកាន់តែច្រើន ទន្ទឹមនឹងការប្តេជ្ញាចិត្តជាច្រើនសម្រាប់ការអភិវឌ្ឍប្រកបដោយចីរភាពពីភាគីវៀតណាមនឹងត្រូវបានអនុវត្តនៅពេលដែលកិច្ចព្រមព្រៀងនេះចូលជាធរមាន ហើយបង្កើតបរិយាកាសអាជីវកម្មអំណោយផលកាន់តែខ្លាំងឡើង។ លោកស្រីក៏បានមានប្រសាសន៍ថា EVFTA នឹងមានការផ្លាស់ប្តូរទីតាំងផលិតកម្មរបស់ក្រុមហ៊ុនសហភាពអឺរ៉ុបពីប្រទេសជិតខាងមកកាន់វៀតណាម ដោយហេតុនេះ បង្កើតការងារជាច្រើនសម្រាប់ពលករវៀតណាម៕

(បកប្រែដោយសាមេត)

(ប្រភពព័ត៌មាន: vietnamplus.vn)

(បកប្រែដោយសាមេត)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់