Trending now

កិច្ចប្រជុំកំពូលអាស៊ានលើកទី៣៧គ្រោងនឹងប្រារព្ធធ្វើឡើងនៅពាក់កណ្ដាលខែវិច្ឆិកាឆ្នាំ២០២០

09:19 | 17/10/2020

ក្នុងនាមជាប្រធាន អាស៊ាន វៀតណាមបានរួមសហការជាមួយប្រទេសសមាជិកផ្សេងៗទៀតត្រៀម រៀបចំយ៉ាងសកម្មសម្រាប់កិច្ចប្រជុំដ៏សំខាន់នេះ។

អ្នកនាំពាក្យក្រសួងការបរទេសលោកស្រី Le Thi Thu Hang។ (រូបថត៖ TTXVN)

នារសៀលថ្ងៃទី១៥ តុលា នៅសន្និសីទសារព័ត៌មានជាប្រចាំរបស់ ក្រសួងការបរទេស វៀតណាម ជូនដំណឹងពីការងារត្រៀមរៀបចំកិច្ចប្រជុំ កំពូលអាស៊ានលើកទី៣៧ អ្នកនាំពាក្យក្រសួងការបរទេសលោកស្រី Le Thi Thu Hang បានលើកច្បាស់ថា កិច្ចប្រជុំកំពូលអាស៊ានលើកទី៣៧គ្រោងនឹង ប្រារព្ធធ្វើឡើងនៅពាក់កណ្ដាលខែវិច្ឆិកាខាងមុខ។ ក្នុងនាមជាប្រធាន អាស៊ាន វៀតណាមបានរួមសហការជាមួយប្រទេសសមាជិកផ្សេងៗទៀតត្រៀម រៀបចំយ៉ាងសកម្មសម្រាប់កិច្ចប្រជុំដ៏សំខាន់នេះ។

ពាក់ព័ន្ធដល់ការធ្វើអត្ថាធិប្បាយរបស់វៀតណាមចំពោះព័ត៌មានដែលថា ក្រុមប្រទេសដៃគូចំនួន៤រួមមានអាមេរិក ជប៉ុន ឥណ្ឌានិងអូស្ត្រាលីចង់ បង្កើនទំនាក់ទំនងជាមួយប្រទេសអាស៊ាននានាលើវិស័យការពារសេរីភាពនៅសមុទ្រនោះ លោកស្រី Le Thi Thu Hang បានឲ្យដឹងថា អាស៊ានតែងតែ ស្វាគមន៍គំនិតផ្ដួចផ្ដើមទាំងអស់ដែលចូលរួមចំណែកដល់ការធានាសន្តិភាព ស្ថិរភាពនិងវិបុលភាពក្នុងតំបន់។ ជាប្រធានអាស៊ានឆ្នាំ២០២០ វៀតណាម បានកំណត់ភារកិច្ចស្នូលក្នុងឆ្នាំប្រធានរបស់ខ្លួននោះគឺកសាងអាស៊ានមួយ ប្រកបដោយភាពស្អិតរមួតនិងការឆ្លើយតប។ ដោយឈរលើមូលដ្ឋាននោះ វៀតណាមបាននិងកំពុងពង្រីកតួនាទីជាប្រធានអាស៊ានរបស់ខ្លួន ជំរុញ យ៉ាងខ្លាំងក្លានូវការស្ថាបនាសហគមន៍ អះអាងនូវមជ្ឈភាពរបស់អាស៊ានក្នុង រចនាសម្ព័ន្ធតំបន់ ហើយបើកទូលាយទំនាក់ទំនងកិច្ចការបរទេសរបស់ អាស៊ានផងដែរ។ វៀតណាមមានគោលបំណងហើយត្រៀមខ្លួនជាស្រេច រួមសហការជាមួយអាស៊ាននិងប្រទេសដៃគូផ្សេងៗទៀត ក្នុងការស្ដារសេដ្ឋ កិច្ចឡើងវិញ ធ្វើឲ្យជីវភាពរស់នៅរបស់ប្រជាជនមានស្ថិរភាព ដើម្បីតំបន់ អាស៊ី-ប៉ាស៊ីហ្វិកមួយប្រកបដោយសន្តិភាព ស្ថិរភាព ការអភិវឌ្ឍនិងវិបុល ភាព៕

(ប្រភពព័ត៌មាន: vovworld.vn)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់