យុគសម័យ - ក្នុងការប្រកួតវគ្គផ្ដាច់ព្រ័ត្រ ដែលរួមបញ្ចូលជាមួយតន្ត្រីនោះ នៅយប់ថ្ងៃទី ៦ ខែកក្កដា ក្រុមបាញ់កាំជ្រូចហ្វំាងឡង់ បានឈ្នះពានជើងឯកនៅឯពិធីបុណ្យបាញ់កាំជ្រួចអន្តរជាតិ Da nang ២០១៩ - DIFF 2019។
តំណាងក្រុមហ្វាំងឡង់(ខាងឆ្វេង) ទទួលបានពានរង្វាន់ជើងឯកនៅក្នុងពិធីប្រគល់ពានរង្វាន់ដែលក្រុមអង់គ្លេសឈរថ្នាក់ទី២ (ខាងស្តាំ) (រូបថត៖ TTXVN)
ឆ្លងកាត់ការសម្តែងយ៉ាងល្អឥតខ្ចោះ ដែលវ៉ាដាច់ក្រុមទាំង៦ ដើម្បីចូលរួមប្រកួតក្នុងវគ្គផ្តាច់ព្រ័ត្រនៃមហោស្រពកាំជ្រួចអន្តរជាតិ Da Nang 2019នោះ ក្រុមកាំជ្រួច Pyrotex Fireworx Ltd - ចក្រភពអង់គ្លេសនិង ក្រុមកាំជ្រួច JoHo Pyro Professional Fireworks AB - ប្រទេសហ្វាំងឡង់បានសម្តែងជូនទស្សនិកជននូវទស្សនីយភាពដ៏អស្ចារ្យគួរឲ្យចាប់អារម្មណ៍ណាស់។
ការសម្តែងបាញ់កាំជ្រួចដ៏ស្អាតឥតខ្ចោះរបស់ក្រុមហ្វាំងឡង់ទាក់ទាញចំណាប់អារម្មណ៍យ៉ាងខ្លាំងពីទស្សនិកជនជា (រូបថតៈ TTXVN)
នារាត្រីសម្តែងវគ្គផ្តាច់ព្រ័ត្រនេះ ក្រុមកាំជ្រួចចក្រភពអង់គ្លេស បានប្រើប្រាស់នូវវិធីសម្តែងដែលពួកគេបានសិក្សាហើយមិនដែលធ្លាប់បានសម្តែងពីមុននោះឡើយ។
ការសម្តែងរបស់ក្រុមកាំជ្រួចអង់គ្លេស (រូបថតៈ TTXVN)
ប្រការពិសេសមួយនៅក្នុងការសម្តែងរបស់ក្រុមហ្វាំងឡង់ គឺតន្ត្រីដែលប្រើបទចំរៀងវៀតណាម ហាក់ដូចជាការថ្លែងអំណរគុណចំពោះមនោសញ្ចេតនារបស់ទស្សនិកជន Da Nang នៃប្រទេសវៀតណាម សម្រាប់ក្រុមក្នុងដំណើរការចូលរួមជាមួយ DIFF 2019 លើកនេះផងដែរ។
ទស្សនិកជនរីករាយនឹងការសម្តែងបាញ់កាំជ្រួចរបស់ក្រុមហ្វាំងឡង់ (រូបថត: TTXVN)
មហោស្រពបាញ់កាំជ្រួចអន្តរជាតិ Da Nang បានបញ្ចប់ដោយជោគជ័យ។ គណៈចាត់តាំងបានប្រគល់ពានរង្វាន់ជើងឯកទៅក្រុមហ្វាំងឡង់, ពានរង្វាន់លេខ២ បានទៅក្រុមចក្រភពអង់គ្លេស ហើយក្រុមដទៃទៀតទទួលបានមេដាយអនុស្សាវរីយ៍។
| មហោស្រពបាញ់កាំជ្រួចអន្តរជាតិ Da Nang 2019 - DIFF 2019 ក្រោមប្រធានបទ “ទន្លេដំណាលរឿង” ដែលប្រព្រឹត្តទៅចាប់ពីថ្ងៃទី ១ ខែមិថុនា ដល់ថ្ងៃទី៦ ខែកក្កា ឆ្នាំ ២០១៩ដោយមានការប្រកួតប្រជែងប្រព្រឹត្តទៅក្នុងរយៈពេល ៥ យប់ ក្រោមប្រធានបទចំនួន៥ រួមមាន: ប្រភពដើម (ក្រុមវៀតណាមនិងរុស្ស៊ី សម្តែងនាយប់ថ្ងៃទី១ ខែមិថុនា), ពន្លករស់ (ក្រុមប្រេស៊ីល - ក្រុមបែលហ្ស៊ិក សម្តែងនាថ្ងៃទី៨ ខែមិថុនា), សេចក្តីស្នេហា (ក្រុមហ្វាំងឡង់ - ក្រុមអ៊ីតាលី សម្តែងនាថ្ងៃទី ១៥ ខែមិថុនា) ពណ៌ចម្រុះ (ក្រុម អង់គ្លេស - ក្រុមចិន សម្តែងនាថ្ងៃទី២២ ខែមិថុនា) ចេញទៅសមុទ្រ (ក្រុមអង់គ្លេស - ហ្វាំងឡង់ សម្តែងនាថ្ងៃទី ៦ ខែកក្កដា)៕ |
（ប្រែសម្រូលដោយស្រីពេជ្រ）
មតិពីមិត្តអ្នកអាន