យុគសម័យ - ប្រទេសវៀតណាមបានបង្ហាញនូវការឆ្លើយតបប្រកបដោយប្រសិទ្ធភាពចំពោះការរីករាលដាលនៃជំងឺ COVID-19 សូម្បីតែក្នុងករណីដែលគ្មានវ៉ាក់សាំងក៏ដោយ។ នេះគឺជាសេចក្តីសន្និដ្ឋានចុងក្រោយរបស់លោក Helge Berger ជំនួយការនាយកមូលនិធិរូបិយវត្ថុអន្តរជាតិ (IMF) ទទួលបន្ទុកតំបន់អាស៊ីប៉ាស៊ីហ្វិកស្តីពីការងារឆ្លើយតបនឹងជំងឺរាតត្បាតរបស់វៀតណាម។
ប្រទេសវៀតណាមបានបង្ហាញនូវការឆ្លើយតបប្រកបដោយប្រសិទ្ធភាពចំពោះជំងឺរាតត្បាត COVID-19 សូម្បីតែក្នុងករណីដែលគ្មានវ៉ាក់សាំងក៏ដោយ។ (រូបថត៖ ទីភ្នាក់ងារសារព័ត៌មានវៀតណាម)
នៅក្នុងអត្ថបទមួយដែលចុះផ្សាយនៅកាសែតឥណ្ឌា លោក Berger បានកោតសរសើរសមិទ្ធិផលរបស់ប្រទេសវៀតណាម ក្នុងការប្រឆាំងនឹងការរីករាលដាលនៃ COVID-19 ហើយលោកបាននិយាយថា“ កូនសោរ” ចំពោះ ជោគជ័យរបស់វៀតណាមគឺជាការអនុវត្តវិធានការដាក់ឲ្យនៅដាច់ដោយឡែក, ការធ្វើតេស្ត៍ និងរកប្រភពជំងឺភ្លាមៗនិងឆាប់រហ័ស។ លោកបានសង្កត់ធ្ងន់ថា“ មិនត្រឹមតែប្រទេសចិនប៉ុណ្ណោះទេ ប៉ុន្តែប្រទេសដទៃទៀតនៅអាស៊ីដូចជា វៀតណាមជាដើមបានបង្ហាញថា គេនៅតែមានវិធីសមស្រប ដើម្បីប្រយុទ្ធប្រឆាំងនឹងជំងឺរាតត្បាតនេះសូម្បីតែគ្មានវ៉ាក់សាំងក៏ដោយ” ដែលអនុញ្ញាតឱ្យសេដ្ឋកិច្ចស្តារឡើងវិញនិងរកស្ថានភាពធម្មតាតាមបែបថ្ម”។
វិទ្យុ RFI របស់បារាំងក៏បានបញ្ជាក់ផងដែរថា ប្រទេសវៀតណាម ស្ថិតក្នុងចំណោមបណ្តាប្រទេសដ៏កម្រនៅក្នុងទ្វីបអាស៊ីក្នុងការគ្រប់គ្រងប្រកបដោយប្រសិទ្ធភាពនូវជំងឺ COVID-19 ។ ប្រទេសវៀតណាមក៏បានបិទព្រំដែនជាមួយប្រទេសចិន ផងដែរ នៅពេលប្រទេសចិនផ្ទុះឡើងការរីករាលដាលនៃជំងឺ COVID-19 ដូច្នេះប្រទេសវៀតណាមបានគ្រប់គ្រងបានការរីករាលដាលនៃជំងឺនេះ។ វិធានការសំខាន់បំផុតគឺការអនុវត្តវិធានការដាក់ឲ្យនៅដាច់ដោយឡែកសម្រាប់មនុស្សដែលចូលប្រទេសវៀតណាមពីបរទេស។
លើសពីនេះទៀតជោគជ័យរបស់ប្រទេសវៀតណាមក្នុងការទប់ស្កាត់ការផ្ទុះឡើងនៃជំងឺ COVID-19 ក៏មកពីការតាមដានអ្នកទាក់ទងជិតស្និទ្ធ (F1) ជាមួយអ្នកជំងឺ COVID-19 សូម្បីតែអ្នកដែលទាក់ទអជិតស្និទ្ធជាមួយ (F1) ( គេហៅថា F2) សម្រាប់ការធ្វើតេស្តនិងអនុវត្តន៍វិធានការដាក់ឱ្យនៅដាច់ដោយឡែក។ ហេតុដូច្នេះហើយ ប្រទេសវៀតណាមមានករណីឆ្លងតិចតួចនៅក្នុងសហគមន៍ ហានិភ័យនៃការឆ្លងមេរោគ COVID-19 នៅក្នុងប្រទេសវៀតណាមភាគច្រើនមកពីខាងក្រៅពោលគឺករណីឆ្លងដែននិងចូលក្នុងប្រទេសវៀតណាម។
យោងតាមវិទ្យុបារាំងអន្តរជាតិ RFI ដោយសារការទប់ស្កាត់ការរីករាលដាលនៃ COVID-19 សេដ្ឋកិច្ចរបស់ប្រទេសវៀតណាមមិនបានធ្លាក់ចូលក្នុងវិបត្តិសេដ្ឋកិច្ចទេ នៅឆ្នាំ ២០២០ ហើយប្រទេសវៀតណាមគឺជាប្រទេសមួយក្នុងចំណោមប្រទេសមួយចំនួនលើពិភពលោកដែលទទួលបានកំណើន ២,៩% ./.（បកប្រែដោយឌីណា）
（ប្រភពព័ត៌មាន: baotintuc.vn）
មតិពីមិត្តអ្នកអាន