Trending now

ប្រធានាធិបតីអាមេរិក លោក Donald Trump អញ្ជើញមកដល់ទីក្រុងហាណូយនៃប្រទេសវៀតណាម

00:54 | 14/05/2019 (សរុបព័ត៌មាន ដោយ ស្រីព្រេជ)

យុគសម័យ - ប្រធានាធិបតីអាមេរិក លោក Donald Trump បានធ្វើដំណើរមកដល់ទីក្រុងហាណូយ ប្រទេសវៀតណាម នៅវេលាម៉ោង ៩ យប់ ថ្ងៃទី២៦ ខែកុម្ភៈ មុនជំនួបកំពូលជាលើកទី២ ជាមួយថ្នាក់ដឹកនាំកូរ៉េខាងជើង លោក Kim Jong - un។

នៅវេលាម៉ោង ៩៖០០ នាទីយន្តហោះរបស់ប្រធានាធិបតីលោក Donald Trump បានចុះចតនៅអាកាសយានដ្ឋានអន្តរជាតិ Noi Bai (រូបថតៈ VGP/Nhat Bac)

យន្ដហោះ Air Force One របស់លោក Donald Trump បានចុះចតនៅឯអាកាសយានដ្ឋានអន្តរជាតិ Noi Bai International Airport នៃទីក្រុងហាណូយ នៅម៉ោង៩៖០០នាទីយប់ថ្ងៃទី២៦ខែកុម្ភៈ ហើយបន្ទាប់មកលោកនឹងធ្វើដំណើរចាកចេញឆ្ពោះទៅកាន់សណ្ឋាគារ Marriott។

(រូបថតៈ VGP/Nhat Bac)

អញ្ជើញទទួលស្វាគមន៍ប្រធានាធិបតីអាមេរិកលោក Donald Trump នៅអាកាសយានដ្ឋានអន្តរជាតិ Noi Bai មានវត្តមាន សមាជិកគណៈកម្មាធិការមជ្ឈិមបក្ស រដ្ឋមន្ត្រី ប្រធានខុទ្ទកាល័យរដ្ឋាភិបាល លោក Mai Tien Dung; សមាជិកនៃគណៈកម្មាធិការមជ្ឈិមបក្ស អនុរដ្ឋមន្រ្តីក្រសួងការបរទេសលោក Bui Thanh Son; សមាជិកគណៈកម្មាធិការមជ្ឈិមបក្ស ប្រធានគណៈកម្មាធិការប្រជាជនទីក្រុងហាណូយ Nguyen Duc Chung; ឧត្តមសេនីយ៍ឯកលោក Bui Van Nam សមាជិកគណៈកម្មាធិការមជ្ឈិមបក្ស អនុរដ្ឋមន្រ្តីក្រសួងនគរបាល; អនុប្រធានខុទ្ទកាល័យរដ្ឋបាលលោក Chu Van Yem និងឯកអគ្គរដ្ឋទូតវៀតណាមប្រចាំនៅសហរដ្ឋអាមេរិក លោក Ha Kim Ngoc។

រដ្ឋមន្ត្រី ប្រធានខុទ្ទកាល័យរដ្ឋាភិបាល លោក Mai Tien Dung អញ្ជើញទទួលស្វាគមន៍ប្រធានាធិបតីអាមេរិក លោក Donald Trump នៅឯព្រលានយន្តហោះ (រូបថតៈ VGP/Nhat Bac)

(រូបថតៈ VGP/Nhat Bac)

បន្ទាប់ពីពិធីទទួលបដិសណ្ឋារកិច្ចមក លោកប្រធានាធិបតី Donald Trump បានចូលក្នុងឡានហើយបានធ្វើដំណើរទៅកាន់សណ្ឋាគារ Marriott ក្នុងស្រុក Nam Tu Liem នៃរដ្ឋធានីហាណូយ។

រូបថតៈ VGP/Nhat Bac

តាមគម្រោង ក្នុងអំឡុងដំណើរទស្សនកិច្ចនៅវៀតណាម អូសបន្លាយដល់ថ្ងៃទី ២៨ខែកុម្ភៈនេះ លោកប្រធានាធិបតី Donald Trump នឹងអញ្ជើញជួបជាមួយថ្នាក់ដឹកនាំជាន់ខ្ពស់របស់វៀតណាម។ នេះគឺជាលើកទី ២ ហើយដែលប្រធានាធិបតី លោក Trump បានមកដល់ប្រទេសវៀតណាម។ ពោលគឺ នៅខែវិច្ឆិកាឆ្នាំ ២០១៧ លោកបានធ្វើទស្សនកិច្ចជាផ្លូវការនៅវៀតណាមនិងចូលរួមកិច្ចប្រជុំកំពូល វេទិកាសហបរ្តិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) នៅទីក្រុង Da Nang។ អញ្ជើញចូលរួមក្នុងបណ្តាសកម្មភាពពហុភាគីនិងទ្វេភាគីរបស់លោកប្រធានាធិបតី Donald Trump នៅទីក្រុងហាណូយនៅពេលនេះគឺមានរដ្ឋមន្រ្តីក្រសួងការបរទេសអាមេរិកលោក Mike Pompeo និងប្រធានការិយាល័យ សេតវិមាន Mick Mulvaney ផងដែរ៕

(សរុបព័ត៌មាន ដោយ ស្រីព្រេជ)

(សរុបព័ត៌មាន ដោយ ស្រីព្រេជ)

មតិពីមិត្តអ្នកអាន

ព័ត៌មានថ្មីៗ

អនុរដ្ឋមន្ត្រីក្រសួងការពារប្រទេសវៀតណាម អញ្ជើញទទួលជួបអនុព័ន្ធយោធាកម្ពុជា
គណៈប្រតិភូ នៃខេត្ត Binh Phuoc និងខេត្ត Tay Ninh ប្រទេសវៀតណាម បានអញ្ជើញទៅទស្សនកិច្ច និងជូនពរឆ្នាំថ្មីដល់អាជ្ញាធរ កងកម្លាំងប្រដាប់អាវុធ និងប្រជាជនខេត្តត
យុវជនវៀតណាមធ្វើជាម្ចាស់បវិវត្តកម្មឌីជីថល
តារា​ចម្រៀង Jisoo បាន​បរិច្ចាគ​ប្រាក់​ដល់​គម្រោង​អភិវឌ្ឍន៍​ព្រៃ​កោងកាង​នៅ​ទីក្រុង Ca Mau ប្រទេស​វៀតណាម
កិច្ចសហប្រតិបត្តិការលើវិស័យអប់រំ ពង្រឹងទំនាក់ទំនងជិតស្និទ្ធរវាងវៀតណាម និងអ៊ីរ៉ង់