យុគសម័យ - ក្រុមឯកអគ្គរដ្ឋទូតយុវជនកសិកម្មខឿនសេដ្ឋកិច្ចតែវ៉ាន់ (ចិន) ដោយមានយុវជនឆ្នើម ១៥ នាក់បានមកដល់វៀតណាម ដើម្បីចូលរួមក្នុងកម្មវិធីជួបប្រាស្រ័យអភិវឌ្ឍវិស័យកសិកម្មរវាងវៀតណាមនិងតៃវ៉ាន់ ចាប់ពីថ្ងៃទី២៧ ខែសីហាដល់ថ្ងៃទី១ ខែកញ្ញាឆ្នាំ២០១៨
ទិដ្ឋភាពនៃសន្និសីទស្តីពីស្ថានភាពអភិវឌ្ឍន៍ផ្នែកកសិកម្មនាថ្ងៃទី២៧ខែសីហា(រូបថតៈ Vietnam+)
យុវជនទាំងអស់នេះ ត្រូវបានជ្រើសរើសពីបេក្ខជនជាង២០០នាក់ នៅតៃវ៉ាន់ ដែលតំណាងឱ្យកសិករតៃវ៉ាន់ក្នុងគោលបំណងបង្កើតអាជីវកម្ម ការផ្ទេរបច្ចេកវិទ្យា ឬការចែកចាយផលិតផលនៅក្នុងទីផ្សារវៀតណាម។ ក្រុមយុវជននេះសមត្ថភាពក្នុងការអនុវត្ដកសិ – រុក្ខ – ជលផល ដោយយុវជនទាំងនេះមានចំណេះដឹងផ្សេងៗគ្នាលើវិស័យកសិពាណិជ្ជកម្ម កសិកម្មសរីរាង្គ និងថ្នាំកសិកម្ម។
ក្នុងក្របខ័ណ្ឌនៃដំណើរទស្សនកិច្ចនៅប្រទេសវៀតណាមលើកនេះ គណៈប្រតិភូយុវជនមានគម្រោងទៅ ទស្សនាសកលវិទ្យាល័យជាតិកសិកម្មវៀតណាម វិទ្យាស្ថានស្រាវជ្រាវផ្លែឈើ និងបន្លែ វិទ្យាស្ថានជាតិវិទ្យាសាស្ត្រសត្វ និងវិទ្យាស្ថានស្រាវជ្រាវវារីវប្បកម្មលេខ១ ក្នុងចំណោមវិទ្យាស្ថានស្រាវជ្រាវកសិ – រុក្ខ – ជលផលផ្សេងៗទៀត។ តាមរយៈដំណើរទស្សនកិច្ចនេះ នឹងជួយឲ្យក្រុមយុវជនយល់ដឹងអំពីកិច្ចការអភិវឌ្ឍ វិស័យកសិឧស្សាហកម្មរបស់វៀតណាម ការផលិត និងការចែកចាយកសិផលក្នុងស្រុក ប្រតិបត្តិការទីផ្សារ និងឱកាសសម្រាប់កិច្ចសហប្រតិបត្តិការទ្វេភាគី។
មជ្ឈដ្ឋានវ័យក្មេងតែវ៉ាន់ចាប់ើផ្តើមអាជីពថ្មីលើវិស័យកសិកម្ម (រូបថតៈ vietnam+)
ទន្ទឹមជាមួយគ្នានោះ គណៈប្រតិភូនឹងបំពេញទស្សនកិច្ចទៅរោងចក្រដាំដុះ និងកសិដ្ឋាន ដែលវិនិយោគដោយតៃវ៉ាន់នៅក្នុង វិស័យនេះនៅក្នុងប្រទេសវៀតណាម ព្រមទាំងជួបជាមួយបណ្តាអ្នកស្រាវជ្រាវ និងអ្នកជំនួញវៀតណាមផងដែរ៕
(បកប្រែដោយ ហ្វាង ហុង)
មតិពីមិត្តអ្នកអាន